خناقه وفاء اليوناني وابن البلد

تذكير بمساهمة فاتح الموضوع :






▬▬▬▬▬▬ஜ۩۞۩ஜ▬▬▬▬▬▬


الموضوع وفاء وابن البلد تقمصوا دور زوجين بيتخانقوا


شوفوا اتخانقو ازاي


▬▬▬▬▬▬ஜ۩۞۩ஜ▬▬▬▬▬▬

ابن البلد

بمزجهــــا كانت بتطنشني

واكمني رهيف وقلبي حنين

وشايلها جوه نني عيوني

ساقت فيها حبه زياده

ورحمه امي ونور عينيها

راح ادوقها القهوه الساده

▬▬▬▬▬▬ஜ۩۞۩ஜ▬▬▬▬▬▬

وفـــــــــــــاء

حوش يا حواش حوش

!الحلو فاكر اني مفهمتوش

ده انت يا نني عيون امك

كل رخامه الدنيا في دمك

قاطع عني النور والميه

وانا غلبانه كلي حنيه

ومقضياها ياقلبي صبر

شغال تعند قلت راح ابعد

بس ده شر

وانا مرضاش اسيبك ببلاش


▬▬▬▬▬▬ஜ۩۞۩ஜ▬▬▬▬▬▬

ابن البلد

ماشي ياقطه

اغضبي وابعدي عمرك كله

يلا جنابك

شدي رحالك

حمي عيالك

ولمي عزالك

واجري يابطه علي بيت ماما

مش راح اجيلك ولا راح اصالحك

حتي لو جبتي عمو وخالو

راح اجيب غيرك ست الستات

حدلعني وتهنيني زي البهلونات

وحوريكي بالعند فيكي

وحتنسيني كل اللي فات


▬▬▬▬▬▬ஜ۩۞۩ஜ▬▬▬▬▬▬

وفــــــــاء

انا قلتها لك يا ننوس

حتروح فطيس

بطل بقي كلام تهييس

ده انا ست الستات

وبعدي بنات الكون كلها نسانيس

حب غيري وجرب مره

حتكون عيشه اهلك مره

وخلي الضحك عليك مره

بس يومها ماتلومنيش

وانساني ما ترجعليش

وفي غيابي ما تشكيش

شمسي خلاص مش حدفيك

وحقفل قلبي بضبه ومفتاح

وابني حيطه علي بابي

ودور انت ع اللي تحبك

وتنسيك لو يوم عذابي


▬▬▬▬▬▬ஜ۩۞۩ஜ▬▬▬▬▬▬

ابن البلد

اسمعي ياروحي

انا فكرت

بعقلي وقلبي خلاص اخترت

همسك لمسك يا نور عيوني

مش حتهوني

لو شمسك غابت يوم عني

حتجنني

والكون ايه حيكون في بعدك

لو ضيك ما مالمسش جبيني

لو نفسك ماحضنش شفايفي

لو حضنك مش حيدفيني

دا انتي القمره اللي تسهرني

انت نجومي اللي تصبرني

حستحمل حركاتك المجنونه

وراح اعصر علي قلبي ليمونه

وارجعلك ياشعنونه



▬▬▬▬▬▬ஜ۩۞۩ஜ▬▬▬▬▬▬


شكرا للفاضله وفاء للمشاركه

حظا سعيدا للجميع



[ندعوك للتسجيل في المنتدى أو التعريف بنفسك لمعاينة هذه الصورة]

فاكر من بعدك مش هاتهنه

قال يعنى معاك مفتاح الجنه

انسى ياروحى انا مش مهتمه



حتى اللى منك خافو منك

كل اللى جمبك بعدو عنك

اسأل قلبك وهو يدلك

مافيش حد بيأمنلك

والزمان قادر يزلك

انا كنت فى السما خلتنى انزلك

وحلفت ماسيبك غير لما اجنك

كنت حبيبى وكرهت ضلك

والله ما شوفت فى حياتى ذيك

مغرور وقاسى والغدر طبعك

كركركركركركركركر
[/color]

Prof كتب:

يا ابن البلد

انت فين

رد عليا بسرعه

انا كنت معدى من تحت الشباك

وسمعت صوتها هيا وساره ونسيمه

وتقريبا والله اعلم الحكايه فيها جريمه


الستات غالبا نوين يعملو اتحاد

ويشنو عليك هجوم ممكن يكونو بيفكو فى ايه الله اعلم


انا خوفى عليك خلانى

ابلغك كل الا سمعته بودانى

وربنا يسترها

واه يانى

من الا مغلابانى

هههههههههههه

لا يابن البلد علاء عاوز يوقع بينكم صدقني

الي حصل انها بتدبر لك خطه عشان تحبسك

اللهم بلغت اللهم فاشهد

خلي بالك منها يابن البلد

يــــاشـــــر أشــــــتر يـاشــــر اشـــــــتــــــر

ده لســــــه مــا بـــدأش الحـــــــــــــــــــــــــر

والــــعــركـــــة , ولعــت نــــــــار واكـــــــــــتــر

كــر كـــر , لامــفـــر كر كــر , لا مـــــــــقـــــــر

واخيـــنـــا نصـــــين أتنــــين وانشــــــــــــــــطر

كـــان ليــــه مـــن لســـــــــانـــــــــه وانـــــــجــر

يانهــار أغـــبر , لونه أحـــمــــر وأخـــــــــــــــــضر

واللــــيـل أزرق وا أصــــــــــــــــــــــــــــــــفــــــــر

عـــلـى آيــــــــــــه يــــــــاصــاحــبــى بــتــتـــغــر

علــى حـــوا ؟ كان غيرك ياحبيبـــى أشـــــــــــطــر

يا جماعة عيب بقى كدة احنا مش راضيين لغاية دلوقتى نتدخل بجد


لاننا عارفين انكم ناس كبار و عاقلين


لكن كدة الموضوع طال قوى و انا مضطرة ادخل بشكل حقيقى


مش معقولة تفرجوا الناس عليكم

سبتوزا ايه للناس الصغيرين المتهورين؟

عادي يا سارة
سيبي الناس تمسك فبعضها
امال عايزين الناس الصغيرة تتعلم من مين
عاجبني الجو واصلوا موفقين انتو الاتنين
بجد خناقة ولا خناقة اتنين فنانين
الله عليكم تخزو العين
ربنا يوفقكم يا ناس قولو امـيـــــن

امين
هههههههههههههههه

الفاضله وفاء

اولا اشكرك جدا لآبداعك الجميل في الموضوع

وده شيئ مش غريب عليكي

واعترف بأنني امام منافس لايستهان به وهذا ما اضاف للموضوع قوه

[ندعوك للتسجيل في المنتدى أو التعريف بنفسك لمعاينة هذه الصورة]



نهر الحب

جيتك ع الغين والراس

اعمل ايه في بنت الناس

بتقول مش علي بعضي

!!!!!!!!!!!!!!!!!!!!!!

اللي يشوفها

واقفه يقول عليها نايمه

وجايه تشرشح وتكابر

قال ايه لقتني ف سيدي جابر

عليكي كذب يا ساتر

يا بت انا جايبك م العمود

من جنب ضريح عم محمود

وعطرتك ونظفتك وحميتك

وهننتك ست الستات خليتك

وبميه الورد ساقيتك وراويتك

وبخور جاوي سميت وراقيتك

عوزاني أخد بومه

أهي أحسن م الفيل ابو زلومه

مش مكسوفه من دي النومه

الواحد في نص هدومه

وجايه تسحري الجدود

الله يرحمك يا عم محمود

وش ده ولا

لحمه راس من غير خدود

شوفي لك بقي جد

محتاج مرتبه تاكي

ولا هبر لحمه كنتاكي

اوعي تبصي وراكي

يا زير نايم بغطا بروكه

والكدبه ف دمك مسبوكه

ده اللي انكسر جوايه

قلبي مش مج ولاكبايه

كر كر كر

هوانتي لسه بتكركري

ولا طخنك خلاكي تشخري

أعملك زار تفقري

ساره نسومه برنس علاء

حرد عليكم وعليها

شرفتوني والبيت بيتكم

ههههههههههههههها

انا صابر يا وفاء ومستنيكي

عاوزه ونش ينزلك من ع السرير



[ندعوك للتسجيل في المنتدى أو التعريف بنفسك لمعاينة هذه الصورة]



ادينا قاعدين جنب الحيطه يلا اعملي لك زيطه

يا ابن البلد يا عطره يا فوللى

فيه ناس موقفهم ضايع ولا بانو مع مين يا فوللى

الا يدخل يقول ويحدد موقفه قوام

دى الحياه حلوه ولا ليها طعم بدون خنقات


يلا قوم واضرب وقول

يلا انت وانتى وانتى

يلا كونتى كونتى انتى


الا معاكم اهم اعدائى
والا وريا هما الاحبه

ويوماتى اسهر معاهم حبه


[ندعوك للتسجيل في المنتدى أو التعريف بنفسك لمعاينة هذه الصورة]

يوووووووووووووووه انتم لسة بتتخانقوا؟
كفاية بقى خليتوا الكل يتفرجوا
دة شم النسيم جاى يلا الحقوا اتحضروا

اسرار كتب:

خناقـــــــــــــة وفـــــــــــــــاء وابن البلــــــــــــد

من اعذب الخناقـــــــــــــات ........

حاجة جديدة مختلفة ..............

عن كل المنتديــــــــــــات .........

فن من القفشـــــــــات.........

ومن كل لـــــــــــون.......

خذ وهااااااات..........

انها من طراز الزجليـــــــــــــــات........

بل هي كذلك

فيها كثير من النغمــــــــــات........

هذا هو الجمال ......

هكذا تكون الابداعات

طبعا لايمكنني مجاراة قلمكم وفكركم الفذ

انما هو احساس ومشاعر

عبرت بها بتلكم الكلمـــــــــــــات........

احييكم اشد على ايديكم بحرارة

والى مزيد من النجاحات والعطاءات

الفاضله اسرار

بصراحه ردك في قمه الرقي

بكلمات موزونه

تعبيرات جميله جدا تنم عن خلفيه ثقافيه عاليه المستوي

الفاضله اسرار

فعلا الموضوع جديد من نوعه

لما فكرنا فيه وفاء وانا

كنا نأمل تفاعل الجميع يوميا لان فكرته ان كل يوم يكون فيه جديد

يعني زوجين غم كل يوم الصبح يقوموا علشان يتخانقوا عن بعد

وعليه نحن نكتب بلهجه ساخره

قد تكون صعبه شيئا ما علي البعض

ولكن تفاعل الجميع يعطينا افكار جديده

الكلام بقي لمراتي

جايلك يالي كني غزاله وبقيتي عماره



هههههههههههههههها

عماره أيله للسقوط

أشـــــــــــرب

اسرار تقبلي احترامي

يا ليله يا طويله

وتعبت انا من الجيره

كل يوم خناقه

ومين يهدى الحكايه

الزوج والزوجه عندين

وانا اصرخ واقول يا مين


شكلى هاخد بايدى حكمين

ابو طارق والبرنس كمان

نعمل مجلس حكم للجدعان

ويحكم فيه ونقراء البيان

بس مين يسمع وينفذ الكلام

ابن البلد خناقته قويه

والزوجه كمان عنديه

وانا اعمل ايه بقه يا عنيا

دى حكايه مش معديه


[ندعوك للتسجيل في المنتدى أو التعريف بنفسك لمعاينة هذه الصورة]

يا جماعة اللي بيحصل ده كتير ،


هو إنتم ليه مش فارق معاكم صغير ولا كبير!!!


العيال عقدتوها ، وسابت البيت وخرجت تطير.


وبعدهالك يا ابن البلد وإنتي يا وفاء ؟ الأمر بينكم كدة أصبح خطير.


لو كانت هي دي الحياة الزوجية ، يبقى أقول للعريس اللي جاي لي مع السلامة ، من قبل حتى ما يشرب العصير .

sara كتب:

يا جماعة عيب بقى كدة احنا مش راضيين لغاية دلوقتى نتدخل بجد


لاننا عارفين انكم ناس كبار و عاقلين


لكن كدة الموضوع طال قوى و انا مضطرة ادخل بشكل حقيقى


مش معقولة تفرجوا الناس عليكم

سبتوزا ايه للناس الصغيرين المتهورين؟

ساره ايوه كده شعليليها من تحت لتحت

هو يعني احنا كبرنا ع الخناق ده حتي ضرب الحبيب زي اكل الزبيب

اسمعي بقي اللي حقوله لمراتي حبيبتي

هههههههههههههههههههههههها !!!!!!!!!!!!

ــــــــــــــــــــــــــــــــــــ

يا مراتي يا متمكنه

ياطخينه ــ ـ ـ ياسبب همي

سامع شرشحتك انا

طب مين يدافع عني

لسه دمك تقيل

ولا بتهتمي

اعمل معاكي ايه

طلعتي بوز !!! امي
ـــ ،،ـ،ـ،ـ،ـ،ـ،ـ،،ـ،،ـ،ـ،ـ،،
قلبي بيتقطع من حسك

وايدي بتقشف اما تمسك

وبخاف علي عيني لما تشوفك

من بصه العين اللي في وشك

دعيت ف الجوامع عليكي

دعوه يارب تكون ليكي

دعوات متنقيه نقاوه

اختاري اللي يكفيكي

اتمرمغي ف الطين يا عمري

انا شلت صورتك من صدري

وفاس قلعت جدورك

ياريتني كشفتك من بدري

كلامي كان اتغير

ولساني كان فضل قصير

كنت حبيت زي كل الناس

وبحب غيرك كنت أطير

واكلم الناس والعصافير

!!!!!!!!!!!!!!!!!!!!!!!!!

فاكره لما كنا حلوين والصبح برزعك كلمتين

ويحمرو عندك الخدين

كنت بقولك


حبيت عيونك وتسبيلها

تفاح خدودك وعمايلها

والشفه نقاوة فكهاني

علي طبق الحسن اللي شايلها


ساره نهر امولي برنس علاء ابو طارق اسرار

كل الاحباء والاصدقاء انا في انتظاركم

اي خناقه





[ندعوك للتسجيل في المنتدى أو التعريف بنفسك لمعاينة هذه الصورة]

ابن البلد

[ندعوك للتسجيل في المنتدى أو التعريف بنفسك لمعاينة هذه الصورة]

سمعت انك بتحب الزبيب جبت لك قفص من عند ابو طارق

كل وادعيلي انت والحاجه وفاء

بس شايفها ساكته اكيد بتجهز لك رد قوووي

فاكر بوكس باتيستا

كر كر كر كر كر كر

فـــكــرتــونــــا بــردح الشــبابيــك وســـــط الــحــــــــارة

يفضحــوا آســـرار كوســة على خيــار وام شــــــــــــــرارة

ومــين حــبت مـــين والنــاس سامـعيــن آه يـاخســــــــاره

مــاتــلمــوا الــدور , وطابق مستــــور وكل غســيلكوا ده يداره

حبيبتى نهر الحـــــــب

خلى العريس يجى ويشرب العصير

عريس فى اليد يا اختى احسن ما يطير

ده شر لابد منه وجوزك على ما تعوديه


[ندعوك للتسجيل في المنتدى أو التعريف بنفسك لمعاينة هذه الصورة]


مافيش حـــب صالح . كله بتـــــاع مصالح

الراجل عامل لى فضايح . ومش عاوز يصالــح

وشه زى قفــاه . ولسانه زى النخل طـــارح

والله ان شوفته جاى . تقول عليه رايــــــح

[ندعوك للتسجيل في المنتدى أو التعريف بنفسك لمعاينة هذه الصورة]

يامه انا وقفه خلف الشيش

وقفه استنا وازاى ما يجيش

دنا من غيره ماعارفه اعيش

روحوله يناس قوام هاتـــوه

[ندعوك للتسجيل في المنتدى أو التعريف بنفسك لمعاينة هذه الصورة]

كنت ف حبه دايره بربابة

و ليه يحب عِدايا صبابة

روح هاتهولى والنبى يا با

فهمه وانشاله حتى تضربوه

[ندعوك للتسجيل في المنتدى أو التعريف بنفسك لمعاينة هذه الصورة]

انا مش جشعه ولا عندى دنـــــاوة

عايشه معاه على عيش وحلاوة

ليلاتى اغنيله وابوس الــــواوا

فين العدل ياخلق ياهوووه

[ندعوك للتسجيل في المنتدى أو التعريف بنفسك لمعاينة هذه الصورة]

يامه انا هاخد منه التــــــــــار

والنبى لنا خرباله الـــــــدار

عقلى ف راسى ياخلق احتـــــار

اوعو منى يانـــــاس تــــداروه

[ندعوك للتسجيل في المنتدى أو التعريف بنفسك لمعاينة هذه الصورة]

يامه ده وحش طالعله نابين

واقف يلحـس فى السكــــين

والله لسود عشتـــه بطيـــن

صدق من قال ده يشبه أبــــــوه

كركركركركركر



حبيبتى نهر الحب

اسعدنى مرورك الغالى

تحياتى لكى

[ندعوك للتسجيل في المنتدى أو التعريف بنفسك لمعاينة هذه الصورة]


من كتر همومك جايه ومعاكي سمومك ساحره شريره بجنونك


اناحرجع لك ده بس علشان تعرفي اني مش ناسيكي




[ندعوك للتسجيل في المنتدى أو التعريف بنفسك لمعاينة هذه الصورة]

اخى الغالى ابن البلد

الاصحاب ديما بيساعدو بعض


وانا بدورى بحثت لك فى جبال الاطلس


فوجدت اقوى واقسى ساحره فى الشرق الاوسط



وهذه الساحره عرضنا عليه المهمه وقبلت التعاون مع ابن البلد دون اى مقابل


واليك صوره تلك الساحره ليسهل عليك التعرف عليها فور وصولها لارض الوطن


[ندعوك للتسجيل في المنتدى أو التعريف بنفسك لمعاينة هذه الصورة]


الساحره اثناء زيارتها لجزر الماهونا فونا




[ندعوك للتسجيل في المنتدى أو التعريف بنفسك لمعاينة هذه الصورة]

بصوا يا جماعة احنا كلنا حاولنا نصالحكم

لكن انتم مفيش فايدة فيكم

انا بقى من رأيي كل واحد يروح فى حاله

لان واضح ان التفاهم بينكم معدوم

و يلا على كل حال انا بهدي النفوس

ههههههههههههههه


[ندعوك للتسجيل في المنتدى أو التعريف بنفسك لمعاينة هذه الصورة]

هههههههههههههها



[ندعوك للتسجيل في المنتدى أو التعريف بنفسك لمعاينة هذه الصورة]


وفاء ساره نهر الحب

اهلا بكم في برنامج الستات ما يعرفوش يكدبوا

واحده تألف ووحده تلحن واحده تغني

والغلبان الضعيف ابن البلد هو المشاهد الوحيد للبرنامج

والمجني عليه انا حقدم فيكم شكوي لمنظمات حقوق الانسان

مش كفايه واحده بقيتوا 3

انامستني منكم رد انتم معاها ولا معايا ولا مع الحق


عموما لما افضالك يا مراتي ان ما اخدتك علي حنطور عينك





شكرا لكل من ساهم ويساهم في خناقتنا الظريفه

أنا اقدر ما اكنش مع الحق يا ابن البلد !!!؟؟؟

إزاي وأنا بدافع عنكم إنتم الاثنين؟ كدة إنتَ ظلمتني ،

وعموماً بردُ هوصي عليك وفاء ، وهدعيلكم ربنا يهديكم ويرد الحياة ليكم .

وشوية شوية هتشوف نتيجة اللي بنعمله علشانك .