خناقه وفاء اليوناني وابن البلد

▬▬▬▬▬▬ஜ۩۞۩ஜ▬▬▬▬▬▬


الموضوع وفاء وابن البلد تقمصوا دور زوجين بيتخانقوا


شوفوا اتخانقو ازاي


▬▬▬▬▬▬ஜ۩۞۩ஜ▬▬▬▬▬▬

ابن البلد

بمزجهــــا كانت بتطنشني

واكمني رهيف وقلبي حنين

وشايلها جوه نني عيوني

ساقت فيها حبه زياده

ورحمه امي ونور عينيها

راح ادوقها القهوه الساده

▬▬▬▬▬▬ஜ۩۞۩ஜ▬▬▬▬▬▬

وفـــــــــــــاء

حوش يا حواش حوش

!الحلو فاكر اني مفهمتوش

ده انت يا نني عيون امك

كل رخامه الدنيا في دمك

قاطع عني النور والميه

وانا غلبانه كلي حنيه

ومقضياها ياقلبي صبر

شغال تعند قلت راح ابعد

بس ده شر

وانا مرضاش اسيبك ببلاش


▬▬▬▬▬▬ஜ۩۞۩ஜ▬▬▬▬▬▬

ابن البلد

ماشي ياقطه

اغضبي وابعدي عمرك كله

يلا جنابك

شدي رحالك

حمي عيالك

ولمي عزالك

واجري يابطه علي بيت ماما

مش راح اجيلك ولا راح اصالحك

حتي لو جبتي عمو وخالو

راح اجيب غيرك ست الستات

حدلعني وتهنيني زي البهلونات

وحوريكي بالعند فيكي

وحتنسيني كل اللي فات


▬▬▬▬▬▬ஜ۩۞۩ஜ▬▬▬▬▬▬

وفــــــــاء

انا قلتها لك يا ننوس

حتروح فطيس

بطل بقي كلام تهييس

ده انا ست الستات

وبعدي بنات الكون كلها نسانيس

حب غيري وجرب مره

حتكون عيشه اهلك مره

وخلي الضحك عليك مره

بس يومها ماتلومنيش

وانساني ما ترجعليش

وفي غيابي ما تشكيش

شمسي خلاص مش حدفيك

وحقفل قلبي بضبه ومفتاح

وابني حيطه علي بابي

ودور انت ع اللي تحبك

وتنسيك لو يوم عذابي


▬▬▬▬▬▬ஜ۩۞۩ஜ▬▬▬▬▬▬

ابن البلد

اسمعي ياروحي

انا فكرت

بعقلي وقلبي خلاص اخترت

همسك لمسك يا نور عيوني

مش حتهوني

لو شمسك غابت يوم عني

حتجنني

والكون ايه حيكون في بعدك

لو ضيك ما مالمسش جبيني

لو نفسك ماحضنش شفايفي

لو حضنك مش حيدفيني

دا انتي القمره اللي تسهرني

انت نجومي اللي تصبرني

حستحمل حركاتك المجنونه

وراح اعصر علي قلبي ليمونه

وارجعلك ياشعنونه



▬▬▬▬▬▬ஜ۩۞۩ஜ▬▬▬▬▬▬


شكرا للفاضله وفاء للمشاركه

حظا سعيدا للجميع



[ندعوك للتسجيل في المنتدى أو التعريف بنفسك لمعاينة هذه الصورة]

هههههههههههههههههههههههه


يا جماعه مش كده فين البرنس يصالحكم على بعض


على العموم احنا لسه على الصبح بلاش خناق


يا فتاح يا علييم يا رزاق يا كريم


تعالو افطرو وبعدين نبقى نشوف الحكايه ايه


[ندعوك للتسجيل في المنتدى أو التعريف بنفسك لمعاينة هذه الصورة]

لا حول و لا قوة الا بالله

يا جماعة المسامح كريم

خلاص بقى يا ابن البلد ديه وفاء ست الستات

هو انت لو لفيت الدنيا حتلاقى زيها؟

و عايز كمان تجوز عليها؟

حقيقى يا مأمنة للرجال

لالالالالالالا ما ينفع كدة

و أنتى يا وفاء يا حبيبتى أصبرى ما احنا الستات ياما بنصبر عليهم

أنا عايزة أدخل الموضوع دة المرة اللى جاية الاقيكم اتصالحتو

ما تفرجوش المنتدى عليكم

شوفي يا مراتي يالي لسه في بيت حماتي


كمان مارينا دي حاجه بره ايدينا



وليه ؟؟ الصلح حا يكلّف

واروح للواطى واتسلّف

عشان خمس حلقان وكام فستان

واسورتين . وحا نشلّف

فخليكى مخاصمانى

وحا اصرخ آه .. وآه يانى

منين حا نجيب انا في الوف

دانا اتجوز ومن تانى

حتي لو جوازه صيني براني


ماهو اللي جرب طلبات اليوناني


يعيش احسن ع الرز التيواني



[ندعوك للتسجيل في المنتدى أو التعريف بنفسك لمعاينة هذه الصورة]

Prof كتب:

هههههههههههههههههههههههههه


يا جماعه مش كده فين البرنس يصالحكم على بعض

على العموم احنا لسه على الصبح بلاش خناق

يا فتاح يا علييم يا رزاق يا كريم

تعالو افطرو وبعدين نبقى نشوف الحكايه ايه

[ندعوك للتسجيل في المنتدى أو التعريف بنفسك لمعاينة هذه الصورة]

شكرا ياعم ع الفطار وده واجب علينا

والنبي بلاش البرنس ده هو اللي عامل ازمه البنزين

سحب الفلوس من البنك وملا بيها بنزين في التنك

عاوزه يخليها عاركه فلمنك

ابعد يابرنس ان جيت م الباب حنسد الباب ونعيش ف امان

وان جيت م الحيط حنسد الحيط بحجر صوان


ههههههههههههههههههههها

علاء اسعدني مرورك

ســــــــــاره

جيتك علي عيني ورأسي


بس هي بتعند وعاوزاه تولعها وانا شريها ومش بايعها

بس راح اقطعها يا ارجعها





طيب يا جميل

[ندعوك للتسجيل في المنتدى أو التعريف بنفسك لمعاينة هذه الصورة]


بدأتي تباني من ريحتك

وصوتك سد لي وداني

يا ننوسه باينه تسريحتك

شبكاها بقشر السوداني

نفسي بقي تختشي حبه

وتجيبي ليفه جديده بتليف

ده انا لو منك اتخبي

جمل في الاصل متأيف

وروحي بقي التحرير

حجزت لك شغله غفير


وبطلي شغل العصافير

ههههههههههههههه
لالالالالالالا الموضوع كدة شكله كبر
يا جماعة الطيب أحسن و أكرم
الصلح خير
و شوية ورد حيحلوا المشكلة
و كلمتين حلوين حيخلص الخصام


[ندعوك للتسجيل في المنتدى أو التعريف بنفسك لمعاينة هذه الصورة]

حـقــيــقــى مــوهــبــة ومـتجـــســـــمـه علـــى الــــــــورق

يــافــن راقـــى , لازم أشـــــيد بيـــــه وعـــلـــى المـــــــــــــلأ

أقـرا واسـخســخ , لحـد مـاأدروخ , يـــاعـــالـــم شــــــــــــلـق

أعــجابــى بيـكوا , و مــين حيجاريكوا لـــو حــتـــى أتشـــــنـــق

بصراحة هايل ياأجـدع زمــايــل , واللــى يزعل ده يـــــــتـــفـــلق

sara كتب:

ههههههههههههههه
لالالالالالالا الموضوع كدة شكله كبر
يا جماعة الطيب أحسن و أكرم
الصلح خير
و شوية ورد حيحلوا المشكلة
و كلمتين حلوين حيخلص الخصام


[ندعوك للتسجيل في المنتدى أو التعريف بنفسك لمعاينة هذه الصورة]

منوره يا ساره

دا انا لو جبت ورد الجناين

وزوقت بيه حواري المداين

مفيش فايده ده باين



بتقولي طب استحمل

اصل الفاضي بيجري ع القــــــاضي

وانتي يا ننوسه بقيتي فعل ماضي

ان ما دوختك وخليت بكك فــــــاضي

!!!!!!!!!! !!!!!!!!!!!!!!!! !!!!!!!!!!!!


وحاعمل ايه بأحمر خدود

وازاي اغير حضرتك

يا واخده جايزه ف البرود

م التلج مخلوق جتتك

دا القرد جمبك م الجمال

يهرب ويلعن خضرتك

صوت وراح قطع الحبال

لما انصدم من خلقتك

جايبه كمان نجـــوي كرم

اللهي نعل جزمتك يتخرم

وتعودي حافيه من الهرم

ويجيكي كالو محتـــــرم

وتفرح فيكي الجـــــزم





[ندعوك للتسجيل في المنتدى أو التعريف بنفسك لمعاينة هذه الصورة]




وفاء اشكر مساهمتك الجميله في التوبك

وفكرتك الجميله لعمل هذا التوبك

واشكر كل من ساهم هنا

قد يصبح يوما مدونه او خروشات

ف النهايه انا سعيد بهذا الدويتو


ساره اسعدني مرورك يا محضر خير

يا كل الخير تحياتي للجميع

معلش يا وفاء يا حبيبتى
احنا كدة دايما حالنا مايل
و رضينا بالهم و الهم مش راضى بينا
استحملي بقى

[ندعوك للتسجيل في المنتدى أو التعريف بنفسك لمعاينة هذه الصورة]

أنا كمان يسعدني المرور على موضوعك الجميل أنت ووفاء الغالية
بجد فكرة رائعة خرجت من موهبتين نادرين
تسلم ايديكم و أتمنلكم التوفيق
و لكم مني كل التقدير و الاحترام

خلى بالك يا ابن البلد


شكلها بتعصبك علشان ترميها فى الشارع

وفى الاخر تلاقى نفسك انت الا بالشارع


الشقه من حق الزوجه

انا شامم ريحه غدر

فى موامره قويه

من الستات المفتريه على رجاله طيبه ومداريه

وبتقول يارب قوينا على العيشه ديه

[ندعوك للتسجيل في المنتدى أو التعريف بنفسك لمعاينة هذه الصورة]

بالحجز على ذمة القضية


[ندعوك للتسجيل في المنتدى أو التعريف بنفسك لمعاينة هذه الصورة]

اوبالحبس

بالحرق اقصد بالشنق
[ندعوك للتسجيل في المنتدى أو التعريف بنفسك لمعاينة هذه الصورة]
او بالاعدم رمى بالرصاص


[ندعوك للتسجيل في المنتدى أو التعريف بنفسك لمعاينة هذه الصورة]

وفاء وابن البلد

[ندعوك للتسجيل في المنتدى أو التعريف بنفسك لمعاينة هذه الصورة]


ههههههههههههههههههه

ينهار ملون

انا شايف وساكت انما توصل للجمل

وعلاء يقول جايب فطار وبيهدي النفوس

اتاري النفوس شايله ومعبيه

جمل ؟؟؟

جمل يابن البلد ؟؟؟

لالالالالالالالالالالا


بس هي خدت حقها باديها يابن البلد

[ندعوك للتسجيل في المنتدى أو التعريف بنفسك لمعاينة هذه الصورة]

شايف العضله عامله ازاي

دي ولا عضلت باتستا يراجل

بصراحه برافوا عليكي وأخدتي حقك

نيجي بقي لابو طارق وكلامه الطارق



واضح جدا قوي بقي ان النفوس شايله

حتي ابو طارق زعلان معاكم

علاء

الفطار ملوش لزوم بقي

وفاء اليونانى كتب:

حتى انت يا بروف

طيب يا خويا وماله

تعال وهاتنول اللى ناوله

واسمع اللى بقوله



آمــانة علـــــيك مـا تتمنــــظَّر

خــلاص ما عادش ليك منظَّر

وهيّ عــــــبلة كات قــــــرعة

عــشان إنت تكون .. عـــنتر؟!

دا انا زغَّــــردت ..... بالعالي

خـلاص البال صـــــبح خـــالي

جـايبلى بعـــــشرتك صَرعَّـــــة

وكـــــنت ... غـزال وبتمخَّــتر!

صــــبحت أتقــــدمْ ، أتأخـــــــر

خــسارة .... كنت بيك أفخَّـــــــر

بقــيت مرهــــون على شــعرة

وعـــقلك .. طـــــار و متبخَّـــر!

ما تقلقش عليا يا بروف

وتشكر علي وقفتك

بس دي جايه من ضلع اعوج

لو اتعدل يبات مكسور

وانا ممنون بدي العوجه

وعارف ان لي حوجه

!!! مرايه الحب اتعمت صحيح

صدقتي يا ننوسه في وصفتك

يا جيفه واقصادي اترمت

واتكعبلت في سكتك

تكونيش عملالي عمل

وقلتي حلمي حيكتمل

اتاريكي كان عندك امل

بس اتقتل من خلقتك

خايف عليكي م الغرور

ويفوتك يا حلوه الطابور

وتهدي بعندك القصور

شوفيلك شويه بخور

ولعيهم علي فحم واتبخري

ولما يطلع منك الوسواس

اضربي نفسك بمداس

اعقلي يابت الناس

لاخدك ضربه رأس

تقطعي الانفاس




علاء اشكرك لمشاركتك في التوبيك

وعمل الخير




[ندعوك للتسجيل في المنتدى أو التعريف بنفسك لمعاينة هذه الصورة]

amoli كتب:

[ندعوك للتسجيل في المنتدى أو التعريف بنفسك لمعاينة هذه الصورة]

بالحجز على ذمة القضية


[ندعوك للتسجيل في المنتدى أو التعريف بنفسك لمعاينة هذه الصورة]

اوبالحبس

بالحرق اقصد بالشنق
[ندعوك للتسجيل في المنتدى أو التعريف بنفسك لمعاينة هذه الصورة]
او بالاعدم رمى بالرصاص


[ندعوك للتسجيل في المنتدى أو التعريف بنفسك لمعاينة هذه الصورة]

وفاء وابن البلد

امولي منوره التوبيك

عاوزه تعدميني بالرصاص ولا اعدم ولا ادخل السجن

هو ده اللي قدرتي عليه

كاتبه حاجات لا فيها روح ولا ميته

ميصحش ارد عليكي بكلمتين

ولا صوره مسجون سنتين

ولا وش قط في حبل المشنقه

كلامك مفهوش شبرقه

روحي انت وقطتك بلاش تريقه



اما انتي يامراتي يلي في بيت حماتي


محظوظ أنا ساعات بفكر فيكي يتفتحلي ألف باب

لكنّي براجع نفسي والاقي لنفسي العقاب

ومعرفش ليه مسخه الدنيا كدة


ساعات اقول ما أحلي السكات

وافكر ف الولاد والبنات

ايام ما كانتي حلوه شربات

ينفتح لي ميت مغاره بالف باب

وافتكر طبعك وعندك الهباب

ارجع واقول وليه اقول انا كده محظوظ

وبلاش اعتذر احسن تقلبيها جد

وتفتكري انك بقيتي حد

وفوق انفاسي تكتمي

وترجعي البيت ولا تسلمي

وتلوي بوزك وسحنتك

وتبليني ببلوتك

ساعتهاأأقول ايه اللي خلاني افتكر

يا بلوه ملهاش حدود

وطول ما انا عايش موجود

حنططتك نط القرود





[ندعوك للتسجيل في المنتدى أو التعريف بنفسك لمعاينة هذه الصورة]


امولي اسعدني مرورك وتفاعلك مع التوبيك تقبلي احترامي

هههههههههههههه

أول ما سمعت خناقة جيت جري عشان تحضر الأذان والعين

بس بجد اجمل واجمد خناقة بين زوجين

وماشاء الله مفيش ملل

ولا حد منهم تعب ولا كل

و الواحد بيطلع اجمد من التاني

و الناس جاية تصالح وبتعاني

وانا بقى حقلكم واصلوا ربنا يعينكم وينصر الجاني

اشوفكم في الخناقة الجاية من تاني

معلش اصلي جاية اهدي بين ابن البلد ووفاء اليوناني

سلام وسلامات ويا بخت من يعيش وحداني

احمد ابوطارق كتب:

حـقــيــقــى مــوهــبــة ومـتجـــســـــمـه علـــى الــــــــورق

يــافــن راقـــى , لازم أشـــــيد بيـــــه وعـــلـــى المـــــــــــــلأ

أقـرا واسـخســخ , لحـد مـاأدروخ , يـــاعـــالـــم شــــــــــــلـق

أعــجابــى بيـكوا , و مــين حيجاريكوا لـــو حــتـــى أتشـــــنـــق

بصراحة هايل ياأجـدع زمــايــل , واللــى يزعل ده يـــــــتـــفـــلق

ابو طارق

ان شاء الله حترجع لنا بسلامه الله وتضحك وتسخسخ

وتمتعنا بكلامك الجميل

اما انتي يا مراتي

مفيش داعي للكلام النهارده ونعمل هدنه

لغايه ما يرجع حبيبنا بي السلامه


ابو طارق لنا لقاء

يا ابن البلد

انت فين

رد عليا بسرعه

انا كنت معدى من تحت الشباك

وسمعت صوتها هيا وساره ونسيمه

وتقريبا والله اعلم الحكايه فيها جريمه


الستات غالبا نوين يعملو اتحاد

ويشنو عليك هجوم ممكن يكونو بيفكو فى ايه الله اعلم


انا خوفى عليك خلانى

ابلغك كل الا سمعته بودانى

وربنا يسترها

واه يانى

من الا مغلابانى

[ندعوك للتسجيل في المنتدى أو التعريف بنفسك لمعاينة هذه الصورة]


ههههههههههههههههههههههههههههها


اأأأأأه وأهين منك يا يمامه

رضيتي ليه بغراب لمامه

هو انتي نسيتي يا ندامه


وجايه خايفه من عزولك

عيب علي عرضك وطولك

ولزمتها ايه الشوشره

يا مكعبره يا قصيره

خليتي حالتي مقشفره

بتقلعي لي المدوره

يابت مشيك ع الموضه

خلي حياتنا بقت سوده

من شقه سكنا ف اوضه

بقي فوق الركبه فستانك

وكمان يومين يوصل لودانك

بصي يا حلوه ف المرايه

دانتي كنتي احلي ايه

بقيتي بومه علي حدايه

ليه بقي فرش الملايه

يا عود ريحان انكسر

يا قلب نابض ضمر

وعوزانا نرجع تاني


هييئ !! هييئ ههههها ها



[ندعوك للتسجيل في المنتدى أو التعريف بنفسك لمعاينة هذه الصورة]



وفاء تفاعل جميل


وشكرا لكل من يساهم في نجاح الخناقه

ولنا عوده نرد عليكم وعلي مشاركتكم

فاكر من بعدك مش هاتهنه

قال يعنى معاك مفتاح الجنه

انسى ياروحى انا مش مهتمه



حتى اللى منك خافو منك

كل اللى جمبك بعدو عنك

اسأل قلبك وهو يدلك

مافيش حد بيأمنلك

والزمان قادر يزلك

انا كنت فى السما خلتنى انزلك

وحلفت ماسيبك غير لما اجنك

كنت حبيبى وكرهت ضلك

والله ما شوفت فى حياتى ذيك

مغرور وقاسى والغدر طبعك

كركركركركركركركر
[/color]

Prof كتب:

يا ابن البلد

انت فين

رد عليا بسرعه

انا كنت معدى من تحت الشباك

وسمعت صوتها هيا وساره ونسيمه

وتقريبا والله اعلم الحكايه فيها جريمه


الستات غالبا نوين يعملو اتحاد

ويشنو عليك هجوم ممكن يكونو بيفكو فى ايه الله اعلم


انا خوفى عليك خلانى

ابلغك كل الا سمعته بودانى

وربنا يسترها

واه يانى

من الا مغلابانى

هههههههههههه

لا يابن البلد علاء عاوز يوقع بينكم صدقني

الي حصل انها بتدبر لك خطه عشان تحبسك

اللهم بلغت اللهم فاشهد

خلي بالك منها يابن البلد