ليالى احمد أبو طارق - اليله الثانيه

ياراية بيضا ف السما ومرفرفة عالى *** أنا قلبى رفرف من هوى ريح الصبا جانى

جايب حواجب عين نور رمشها غالى ***وحتى نينى العين قال يا لله تعالا لى

زان الوجود كلة ببسمة تحلا لى *** جهز جيوش الغرام و ف لمحة جابهالى

وعشان عيونك أنا والدنيا بصا لى *** أركب بحار الصعب وموجها غنى لى

سلطان زمانى أنا أو زيد أبو هلا لى *** لكن سؤال بسأله والرد ما جا لى

أنت حقيقة ولا سراب ولا وهم فى خيالى *** ياليلة مش فايتة وأنتى كدة قبا لى

فكرى بقى أتحير بعد ما كان خالى *** لا بد أصون العهد وأحمى أنا عيالى

لجل الطهارة ف طلتك تبقى والعفة دى تلالى*** حا أهدى ثواب الصوم وكل أعمالى

وأمشى بحزنى أنا وأنتى أفرحى بدالى *** وأبقى عليه أتطمنى أصل أمى دعيالى

[ندعوك للتسجيل في المنتدى أو التعريف بنفسك لمعاينة هذه الصورة]

فكرى بقى أتحير بعد ما كان خالى *** لا بد أصون العهد وأحمى أنا عيالى

كنت متابعة لحلمك في الليلة الاولى

كم جاء ابداعك هناا متميز ايضا كسابقه
بس فعلا مافيش للواحد غيرة مراتك وعيالك
يعني خد بالك من ام طارق
ربنا يسعد قلبك يارب
كل سنه وانت طيب

وعشان عيونك أنا والدنيا بصا لى *** أركب بحار الصعب وموجها غنى لى

سلطان زمانى أنا أو زيد أبو هلا لى *** لكن سؤال بسأله والرد ما جا لى

أنت حقيقة ولا سراب ولا وهم فى خيالى *** ياليلة مش فايتة وأنتى كدة قبا لى

يا لهوي يا لهوي يا لهوي

يا ابو طارق تاني جاتلك صبيه يا عم مو كل مره بتسلم الجره يا ابو زيد

هههههههههههههههههه

دي ام طارق حتجيلك حتى با لمنام خد بالك

هههههههههههههههههههه

وحتكون ليلتك مش فايته بجد لا عزر لمن انزر

[ندعوك للتسجيل في المنتدى أو التعريف بنفسك لمعاينة هذه الصورة]

اجمل حلم واجمل كلمات سلمت يداك يا احمد

الله الله على لياليك يا ابو طارق
بلاش تحتار ولا تسأل ولا تفارق
واحنا لينا رد على سؤالك
والحمد لله ان امك دعيالك
مهو باين من نورك وخفت دمك
بس الاهم خليك على العهد وصون عيالك
وابعد عن جيوش الغرام لاحسن حتحاربك
و الرمش الغالي يجيب اجلك
وتكون الراية البيضة راية استسلامك
وبحار الصعاب امواجها تغرقك
قلت ايه يا ابو طارق يا ملاك

معرفش بقى استحملني واصبر عليا شوية
ده الي جاك من كتابة ايديا
معرفش حتحن ولا حتعصب عليا
لكن ناوية ارفعلك المعنوات المرة الجاية
ان شاء الله يا الغالي عليا
[ندعوك للتسجيل في المنتدى أو التعريف بنفسك لمعاينة هذه الصورة]

بين قوسين
تسلم يا ابو طارق يا غالي
نســـــومة

الأخت الغالية

salma

اشكر لك الأهتمام وكذلك حسن وجمال التعليق...

تقبلى كل تحية وأحترام

[ندعوك للتسجيل في المنتدى أو التعريف بنفسك لمعاينة هذه الصورة]

كلمات جميله
تستحق المرور فيها
والتمعن فى معانيها
ويا محلا لياليها
وانا وانت نتوه فيها
تحياتى يا ابو طارق

فعلا موضوع جميل من شخص اجمل
سلمت يمناك التي خطت لنا الابداع
كلمات وتعابير جميلة تستحق كل الود التقدير
تقبل مروري مع تحياتي القلبية
[ندعوك للتسجيل في المنتدى أو التعريف بنفسك لمعاينة هذه الصورة]

صح معاكم حق يا جماعة
كلام ابو طارق ممتع
وهو بجد انسان رائع
وربنا اكرمنا باروع مبدع
تقبل مروري ثانية اخي العزيز الغالي المتواضع

شو يا ابو طارق حنينا لي لياليك
انت بطلت تحلم ولا ايه لو كان هك حجبلك منوم

عشان تنام وتحلم وتكتب

واذا رفضت حبعتلك العيال انت عارف هما بيطوشو زاي

هههههههههههههههههههه

[ندعوك للتسجيل في المنتدى أو التعريف بنفسك لمعاينة هذه الصورة]

بروف علاء قلب المنتدى نانسى الغالية ناسيمة الغالية لمياء

باقى الأحباب والأعضاء

السادة المذكورين هنا أعلاه *** كتبوا كلام م الغالى ماأحلاة

حير فؤادى أنا والفكر منى تاه *** ومنين أجيب الرد وفين ياعينى ألقاه

أزاى أحل المشكلة وحل كدة أرضاة *** قررت أقول كلام والناس تصير عارفاة

قررت أعيش للمنتدى والمذكورين أعلاة[ندعوك للتسجيل في المنتدى أو التعريف بنفسك لمعاينة هذه الصورة]

يادى الليالى بتجرى ليلة ورا ليلة *** وانا فى سهادى مانمت ولا ليلة

سهران فى وحدتى مابيدى ولا حيلة ** يادى العجب م اللى انكتب كل دى شيلة

القلب ويا العين عاملين لى مظاهرة وهليلة ** والفكر جه محتار جى وراكب خيلة

سيبت التلاتة وجريت ماهوا أصبحوا عيلة[ندعوك للتسجيل في المنتدى أو التعريف بنفسك لمعاينة هذه الصورة]

كل الحبايب يسألو ياعم فين لياليك ***
أبدأ كلامى بالسلام والدعا ليكى وليك

وكل الشكر من قلبى وببعتة مزازيك ***
مبدأ وانا متبعة لو تشترينى أشتريك

ياكل اهل المنتدى واللى كلامهم شيك ***
بمسك دماغى وأعصرة بأحلى كلام وأهديك
الناس حقيقى كتير معجبة بس اللى
مش يعجبه يشرب ياخويا فنيك *****

[ندعوك للتسجيل في المنتدى أو التعريف بنفسك لمعاينة هذه الصورة]

لياليك ديما منورانا
وانت بالمنتدى معانا
والاعضاء بيجرو ورانا
وبسبك قعدو معانا
وسهرو واستمتعو ويانا
ويارب ديما بالصحبه واللمه معانا

ونسهرو بالفرح والاحباب ويانا

لياليــــك دايما دايمـــا منــــورانا .... سلام عليك يابروف وآهــل منتدانـا

ولينا كل الفخر وآهل النت سمعانا .... نعلى ضرورى ع الكل وبصدق وآمانة

محبة بتضمنا والود من طبعنا يــانـا .... الوف وراها الوف لازم تيجى معانا

وانا وانت ويا الكل نشوف فرحة ملزمانــة

[ندعوك للتسجيل في المنتدى أو التعريف بنفسك لمعاينة هذه الصورة]

يا سلام عليك يا ابو طارق يا سلطان زمانك

حبيبي قوي ابوطارق الجميل

وقفت بين شطين بفكره متخمره

اقرأ كلامك واقول وصلت لفين يا تري

محتار ح اموت .. قريت زجل وبيوت

لقيت حروفك في عيوني متسطره

حب جديد ولا نعنشه يا هل تري

>>* *************>>

عمونا الغالي تقبل مروري واحترامي

من غير الريشه والمحبره

لياليك يا أبو طارق بنستناها، كل ليلة فيهم يا محلاها،

كل ليلة بفكرة جديدة، وكل فكرة نبحر في معناها.

تسلم ويسلم فكرك ويديك وقلمك.

تحياتي وتقديري، وتقبل مروري.

يا سلام عليك ولا زيد أبو هلا لى

لكن سؤال بسأله والرد ما جا لى

منين بتجيب الكلام ده اصله كلام غالى

تسلم ايدك عليه واكتب وقول وعيد تانى

وان عرفت اجابت السؤال تعالى قولهالى

:,v]i14477: :,v]i14477: :,v]i14477:

أبن البلــد مشــكور جانى بكل ســرور ... أبن الأصول راكب حنطــور

وف لمحـة ياعم الصفحة زاد فيها النـــــــــــور
[ندعوك للتسجيل في المنتدى أو التعريف بنفسك لمعاينة هذه الصورة]
سألنى بيطمن حلو وبيفنن كلام كدة يجنن وقالى ياهل ترى حب جديد ولا دى نـأورة

ياقلبك الطيب , ومافيش حاجة تعيب , عاشـق وعشقى عجيب قلبى مفتـوح منـــدرة

وكلامى مش مســخرة ولا بخور مبخرة وانا عشان صادق عشقى دا للخالق ومش لأى مــرة

فاتحة ياعينى ســـبيل يروى كل عليــل ولا فيهشى مســـتحيل بــقى كــوبرى أو قنطــرة

وشكرا على سؤالك وطمنى عن حالك وجــوابى أهــو جالك ودة كــل اللـى جــــــــــر ا

[ندعوك للتسجيل في المنتدى أو التعريف بنفسك لمعاينة هذه الصورة]

منين بتجيب الكلام ده كلام غالـــى ... أصل العجيب ياسلام يام المقام عالى

لاانا آديب ولارسام طول عمرى وفحالى ... حاجة كما الألهام تيجى كدة ف بـالى

لو شفت بنت حلال وبرمش يحــلالى ... بركان مشاعر تندفع طوفان بقى قبــالــــــى

آســـــهر فى وســــــط النجوم كان مال الهوى ومالى

[ندعوك للتسجيل في المنتدى أو التعريف بنفسك لمعاينة هذه الصورة] أســتاذة دمـــوع لكى منى كل تقديــر

وود وأحتـــــرام وشكرى الكثير الكثير

ليـــه اللســـان عــاجز مش راضى يقول ولا كلمــة

دا من زمــان عايـــز يفضفض , طب ليه سكت بالذمة

مش قادر يكمل ســطر يمكن عشان نهر طالعة بيه القمـــــة

نهر الحب يامؤدبة وبكلمة ومرتبة وأنــا برضــوا ف الخدمة

ندرا علية يوم فــرحك أرقص وأجيلك وأتحزم وارقص العمــــة

[ندعوك للتسجيل في المنتدى أو التعريف بنفسك لمعاينة هذه الصورة]

يـــادى الليـــالـى , بتجــــــرى ليــــلـة ورا ليــــلــــــة

عــمرى وعــدى قـــبـــالـــــى ماأرتحــــت ولا ليـــلـــة

أصــــل الغـــــــرام مـــــااصــــــــعبه , مـاأتعــب الشيلة

لـــو ليلة يـــــرضـــى الحبيـــب ح أعـملـوا هـليـــــــــله

[ندعوك للتسجيل في المنتدى أو التعريف بنفسك لمعاينة هذه الصورة]

» ليلة تخاريف (ليالى احمد أبو طارق)
» " ليلة البوعزيزى " ليالى احمد ابو طارق
» ليلة من ألف ليلة .... من ليالى احمد ابو طارق ....
» " ليلة المرأة " من ليالى احمد أبوطارق
» تهنئه الى الاستاذ احمد ابو طارق