نهي مبدأ ؟؟؟؟؟؟ >> للشاعر عطية شواش

نهي مبدأ ؟؟؟؟؟؟؟؟؟؟؟؟؟؟؟
الخروف طلع لسانه
والحمار هز (ف) ودانه
والكلاب اللي خصيتها
ديلها بيسن (ف) سنانه
أنهي مبدأ أو عقيده
يستحق تموت عشانه ؟؟
..........
كل دم بألف مكه
ديه سكه وديه سكه
مصر مش زيك يا عكا
مش بعنتر أو حصانه
أنهي مبدأ أو عقيده
يستحق تموت عشانه ؟؟
..........
السراط المستقيم
يتعدل ياام ابراهيم
مش بمخبر أو بهيم
حد ينفخ له (ف) ودانه
أنهي مذهب أو عقيده
يستحق تموت عشانه
..........
انت طامع تيجي حاكم
ماشي ياعم الملاكم
التحدي له طريقه
مش بنيرون أو جنانه
أنهي مبدا أو عقيده
يستحق تمةت عشانه ؟؟
..........
الدماغ إللي حاشيتها
بالغباوه اللي حاويتها
دق مسمار جوه حيطها
واوعي يطلع من مكانه
أنهي مبدأ أو عقيده
يستحق تموت عشانه ؟؟
..........
أخرتك تعصر لمونه
نأبكم طالع في شونه
ميم حيديكوا المعونه
صدقوني فات آوانه
أنهي مبدأ أو عقيده
يستحق تموت عشانه ؟؟
..........
الشهاده لو عايزها
مش حتتشعبط في طيـــــ.....ها
الشهاده ليها عده
إنت مش عايش في رده
هات لي من تحت المخده
سلطانيه .....
طخ فيا .....
إحنا بنعيد عليكوا
وانت بترد العيديه
بندقيه ؟؟
مين حيصرف (ع) اليتامي
لما حتموت الحمامه
يالا في ألفين سلامه
مش قضيه
إنت مش واصل لواحد
واحنا 100
مين بجهله او ذهانه
حط عمره في رهانه
أنهي مبدأ أو عقيده
يستحق تموت عشانه ؟؟؟؟؟؟؟؟؟؟؟