ذكرى ثورة 25 مش احتفال

ذكرى الثورة مش احتفال ولا فرح ولا حتى ضحكة عاليا ..

الذكرى دى فيها دم وفيها دموع وفيها وجع وفيها ظلم وقهر ..

وعلشان عارفه ومتاكده ان فى ناس مش هيعجبهم كلامى

ناس من فئات معينة مش هقول غير كلمة واحدة .انت مصرى

مش تبع حد ولا حياتك فى ايد حد لا عيشتك وموتك فى ايد حد

اهم حد قى الدنياء ربنا هو الوحيد اللى يقول للشئ كون فيكون .

جوانا كلنا احساس بالضياع من كل حاجة فى البلد

ومن البلد ناس ماتت وحقها لسة ضايع وناس بتموت والسبب مجهول

وناس هتموت والفاعل طرف تالث ...... حتى الصرخة من الوجع مش من حقك

وكان لسانى هيتقطع لما اقول ااااااااااه يا مصر ....

كل حاجة كلام وهو ده اللى وصلنا ليه بعد الثورة ......

بلد بتفرقنا عن بعض (مسلم ... مسيحى) هما دول المصرين

اللى بنكتبهم فى البطاقة مفيش حاجة تالتة (الجنسية ...... الديانة) ......

مش قوتلكم كل اللى لينا كلام مفيش حاجة اتعملت للشعب للناس الغلابة

لقهر الظلم والفقر والفساد بالعكس طلعنا من ظلم لظلم ومن ضلمة لضلمة ومن استبداد لاستعباد

والملطلوب غمض عينك وموت .

لو فضلت اكتب مش هبطل اللى جوايا وجواكم كتييييير

وياريت حتى الكلام بقى يداوى نفسنا المكسورة ......

اسمع كلامى وقول اللى عايزه

يا بلدى ابعدى عنى

بقيتى انتى سبب همى

انا غيرك ومش منك

انا غلبان ومش انسان

ولا عارف لنفسى مكان

مظلموم منك ولا همك

ابوس ايدك ارحلى عنى

كتمت الصوت فى عز الموت

وشلتى القلب من جسمى

شايل كفنى ع ايدى ومستنى

مكان موتى على ارضك

ولا تخافى على عرشك

ولا دمعة تواسينى

ولا صرخة تبكينى

صحيح انا مين عشان تبكى

مجرد شخص كان منك

اكتبوا بس على قبرى

شهيد مصرى

ف ابسط حق من حقى