علاء خد الشويه دول
مبارك يهدد بإحراق نفسه و يطالب بتغيير الشعب ..~
....
مبارك أصدر قرارًا بحظر التجوال و التزم وحده بالقرار ..~
....
عاجل : عقد الريس جلسة مع وزير الداخلية السابق حبيب العادلي و قال له محتداً : منعت الحشيش يا فالح أهو الشعب صحصح وفاق ..~
....
ردًّا على جمعة الغضب و يوم الرحيل و يوم الخلاص و أسبوع الصمود قرر السيد الرئيس محمد حسني مبارك التنحي عن الحكم يوم القيامة ..~
....
بن علي اتصل ببرنامج ما يطلبه المستمعون و طلب أغنية "أنا بستناك" و يهديها للرئيس المصري محمد حسني مبارك ..~
....
اتصل مبارك بزين العابدين بن علي و قال له : " ألو و حياة أبوك لو بتنام بدري خبيلي المفتاح تحت مشايه الباب ..~
....
مبارك على سرير المرض ، أعطى وصاياه الأخيرة لأحمد نظيف : وصيتك الحكم من بعدي ، فأجابه في رقبتي يا ريس ..
كله تمام ، و السلطة هياخدها إبنك جمال . ثم راح في غيبوبة ، أفاق منها بعد قليل و قال لأحمد وصيتك الشعب من
بعدي ، فأجابه : ما تخافش يا ريس .. الشعب ياكل الزلط . ثم راح في غيبوبة ، أفاق منها بعد قليل و قال له "أحمد" ، أجابه
"نعم يا ريس"، قال مبارك "ما تنساش .. تعطي توكيل شركة الزلط لإبني علاء ..~
....
مبارك استبدل النشيد الوطني بأغنية سميرة سعيد :
يللي اديت لحياتي حب و طعم و لون
مش حتنازل عنك مهما يكون ..~
....
بن علي تلفن لمبارك و قال له :
حسني ، ترى جيب معك مايوه
جدة غرقانة ..~
....
حسني مبارك يهدي الشعب المصري أغنية نانسي عجرم
أخاصمك آه ..... أسيبك لا ..~
....
اتنين محششين . واحد بيسأل التاني ، لو انتصرنا و فزنا على الحكومة ايه حيحصل؟
قال الثاني ، بنلعب مع تونس في تصفيات النهائي ..~
....
التقى مبارك بإبليس في يوم من الأيام ، فقال له :
عارف يا إبليس يا خويا ، أنا عاوز اعمل في الشعب المصري حركه تطلع من نافوخهم ؟
ردّ إبليس : طب هات ودنك و خد الفكره دي ( عرض عليه همساً ) ..
مبارك : لالا يا إبليس الفكره دي مش نافعه .. عاوز حاجه أشد ..
إبليس : طب خد دي ؟
مبارك : لالا .. برضه مش نافعه .. إيه يا إبليس أنت بقيت مش نافع كده ليه .. هات بقه ودنك و أنا أقولك أنا نويت أعمل
فيهم إيه ..
( لما عرض عليه الفكرة )
قال إبليس : لا يا راجل حرام عليك ! ..~
....
مواطن مصري قال لآخر :
مبارك خطفوه و الفدية 5 مليون دولار ، و لو الفدية ما اندفعتش .. الخاطفين هددوا يدلقوا عليه بنزين و يحرقوه و احنا
بنجمع تبرعات .. تحب تشارك ؟
الرجل سأل : " و في المتوسط الناس بتتبرع بكام ؟
الرجل الثاني : " من 5 إلى 10 لتر بنزين ..~
....
مبارك جمع شيخ الأزهر و بابا الكنيسة المصرية و قال لهم :
أنا جمعتكم النهارده عشان أقول لكم أن ابني جمال هيبقى رئيس مصر سنة 2011 م
قام البابا قال : ماشاء الله اللهم صلى ع النبي
شيخ الأزهر قال له : إيه اللي بتقوله ده يا حضرة البابا .. الكلام ده بتاعنا ؟
البابا قال له : ما هي حاجة تخلي الواحد يطلع عن دينه ..~