لراد ان يقتلها زوجها فقتلته

بسم الله الرحمن الرحيم
السلام عليكم ورحمه الله وبركاته

لا عرف حقيقه شعوري
هل اضحك ام ابكي
لكنني اخترت الضحك

قبل امس اختلفت انا وزوجي بموضوع نوم الاولاد
وزوجي يجيب العلاجات من راسه
يعني يفهم بكل شي ما شاء الله
هههههه

وهالمره طبعا من خلال منتداكم الطيب
بديت اغير بنفسي بالعاده اعصب
من اي شي يصير بينا
اي مشكله تتحول الى كارثه
وهالمره تفأجأت
بزوجي يوم صرت اتكلم بهدوء
وهو يتكلم بهدوء
المهم قالي انا انسان ابي اتزوج
وانتي تراك غاليه
لاني انا ابي عيال
قعدت اضحك بهدوء وهو جالس يناظرني
مستغرب من هدوئي حتى وهو يتكلم قلت له دقيقه وبرجع
قال وين قلت بصلح كاس شاهي

المهم رجعت وجلست قالي انا ابتزوج
وقلت لازم يكون عندك خبر
قلت له مبروك متى ان شاء الله
قال يعني مو هالحين بس الفكره براسي
قلت يعني متى تتوقع قال مدري شهرين ثلاثه
قلت طيب من متى تعيش هالاحلام
قال من سنه تقريبا
قلت له حقك والشرع حلل لك
اربع
ناظرني وقال ماعندك مانع
قلت المهم ماتجيبها بيتي
قال لا بيجيبها هنا بنفس البيت الدور الي تحت لها والي فوق لك
قلت له
ماعندي مشكله خذ البيت كله
انا بعد ابي اتزوج
قال انتي ليش زعلانه
ناظرته قلت انا زعلانه انت تبي تخليني زعلانه غصب
انا مو زعلانه
انا اقولك تتزوج وتاخذ لها بيت ثاني ماعندي مشكله
بس انا بجلس ببيتي اربي عيالي
وانت تعال شفهم من فتره لفتره بس انا ماتلمسني
او تطلقني وعليك بالعافيه العيال والبيت
انا بعد بجدد حياتي توني صغير
قال لا انا احبك وما اتنازل عنك
وابيك انتي والي باخذها وانتي الغاليه
قلت له يا اخي انت عادل
مافيه منك اثنين
بس انت تحلم احلام يقظه
لا تتوقع احقق لك هالامنيه
انا فبيت وهي فبيت
او البيت كله وطلاقي..
وبهدوووووووووووووء
قعدت اشرب الشاهي
وفجأه انفجر قال انتي بايعه ومخططه
انتي تبيني اطلقك انا عارف تحلمين
قلت له اذا جبتها هنا اخلعك
زي المسمار.....
قال محد يقدر يخلعني
حتى الشيخ نفسه مايقدر قلت له
شطارتي مقابل شطارتك
قال يوم انك تبين الطلاق ليش رجعتي ضحكت
قلت انا ماطلبت الطلاق انا اقولك
الي بيصير بس
وصدقني انا مسامحتك
قال عادي ؟؟؟
قلت له عادي الحياه كذا احيانا الانسان يحتاج
لتجديد
خلنا نعيش الحياه
قال انا افكر اتزوج اربع
قلت له
لا انا بتزوج واحد بس مايجوز اخذ اربع
قلت له طيب وش لك بوجع الراس
اربع خذ وحده صغيرونه دلوعه
يمديها تملا البيت عيال
واقلها ماتصير ضلمت وحده من زوجاتك اذا اخذت اربع
قال يعني انتي مايهمك
قلت عادي الشرع حلل لك
انا احرمه ليش؟؟
قال شفتي انك ندمانه انك رجعتي لي
قلت له بالعكس
انا ربحت برجوعي
انت لما طلقتني اول اتهمتني بشرفي
ورجعتك لي وبكائك عند باب اهلي يدل ان كلامك كله كذب
وهذا بمثابه رد اعتبار لي.
انجن وصارت عيونه تتحرك يمين ويسار وتحت
قال والله ما اطلقك لو وش يصير
قلت له لا تطلقني احد
قالك طلق؟؟؟
الحمد لله والشكر
قلت له انت وش تبي
قال انا بقولك اني انا رخيص وعرفت اني رخيص
قلت انت ترخص نفسك
وش تبيني ابوس رجولك اقولك لاتتزوج
اذا بتتزوج ماراح تهتم
وانا بعد بعيش حياتي
اصلا خلاص انا استنفذت شبابك
والي بتاخذك تبيك عشان طمعانه فيك
وفي ورثك من ملايين ابوك بعد عمر طويل
لكن انا اخذتك على فقرك
وعشت معك بالحلوه والمره
وقدرت اعيش
وش بتفرق معي
بالعكس يمكن ارتاح
ابدا اغير شوي بروتيني
وخل غيري يشيل عني شوي...