جوابات حراجى القط - الجواب الثانى

الجواب التانى

اسوان

زوجى الغالى

لاوسطى حراجى القط

العامل فى السد العالى

ــــــــــــــــــــــــــــــــــــــ

]زوجي حراجي ..

فوصلنا خطابك ..
شمينا فيه ريحة الأحباب .

ربنا ما يوري حد غياب .
مش أول مره البسطاوي يخطي عتبة الدار ؟؟
عمرنا يا حراجي ما جالنا جواب .
النبي ساعة مرزوق البسطاوي ما نده ..
كده زي ما كون .. دقت في حشايا نار .
وكإن العمر بيصدق .. بعد ما كان كداب .

اتأخرت مسافه كبيرة كبيرة علي
عارف فاطنه يا حراجي لاليها عايل ولا خي .
ليه تتأخر كده يا حراجي .. ؟
طب والنبي وكإن ورقتك دي
أول قنديل بتهز ف جوف الدار
أول ندعة ضو .
الدار من غيرك يا أيو عزيزه .. هو .
وعزيزه وعيد
من غيرك يا حراجي زي اليُتما في العيد .
الواد على صغره حاسس بالغربه والبعد .
ولا عاد حتى بيطلع يلعب في القمَارى مع الولِد .
اطلع وأخش .. أطلع وأخش القاه .. غيمان
وكأنه محروق له دكان .
ويقوللي : (( فين يامه أسوان .. ؟
وأبا سابنا ليه يا مه ؟ ما يمكن زعلان .. ؟ ))
شهرين يا بخيل ؟
ستين شمس وستين ليل ؟
النبي يا حراجيما أطول قلبك
لاقطع بسناني الحته القاسيه فيه
..........................
كل الجبلايه تسلم فرداً فرد ..
م الحاج ((( طِلب حامد )) لعيلة بيت (( علي سعد ))
وانشالله يا حراجي ما يوريني فيك يوم
وانشالله تكون تعلمت ترد قوام .
ومادام احنا رسينا ع العنوان
والله ما حنبطل بعتان..
مفهوم:

اسوان

زوجي الغالي
لوسطى حراجي القط ..
العامل في السد العالي

زوجتك

فاطنة احمد عبد الغفار

جبلاية الفار

حسن عجبى كتب:: الجواب التانى

اسوان

زوجى الغالى

لاوسطى حراجى القط

العامل فى السد العالى

ــــــــــــــــــــــــــــــــــــــ

زوجي الغالي
لوسطى حراجي القط ..
العامل في السد العالي

زوجتك

فاطنة احمد عبد الغفار

جبلاية الفار

جميل جدا يا استاذ حسن فعلا محدش هيعرف يفيد قسم الابودى غير واحد بيحب الابنودى ولاو بحثنا عن حد بيحب الابودى اكيد هو انت اكثرنا عشقا لهذا الشاعر
شكرا لمتابعتك وتوجدك الدائم

النبي ساعة مرزوق البسطاوي ما نده ..
كده زي ما كون .. دقت في حشايا نار .
وكإن العمر بيصدق .. بعد ما كان كداب

الله يا استاذ حسن على اللهجه الصعيدى والبرائه فى كلمات كانها بتكلم جوزها وهو بجوارها

ولا كانهم تبعد عنه بمسافات

وفعلا زى ما قالو فى الامثال
الجوابات نصف المشاهدة

تسلم استاذ حسن

انت عرفتنى على الابنودى جوهرا
انا كنت عارفاها مجرد اسما لك انت عرفتهولى جوهرا
وشويه شويه هدمنه زى حضرتك

تقبل مرورى ذكرى

[ندعوك للتسجيل في المنتدى أو التعريف بنفسك لمعاينة هذه الصورة].

» جوابات حراجى القط للابنودى الجواب الثالث
» جوابات حراجى القط
» تابع رسايل الخال عبدرحمن الابنودى للاسطى حراجى القط
» تابع رسايل الاسطى حراجى القط للخال عبد الرحمن الابنودى
» مجموعة رسايل الاسطى حراجى القط لزوجته للخال عبد الرحمن الابنودى