| خروشات عمر المصــــرى ..الخروشة الـ 47 ــ | |
|
+4prof3laa aslama شمس omar.almasry 8 مشترك |
كاتب الموضوع | رسالة |
---|
omar.almasry مشرف قسم خروشات
عدد المساهمات : 283 نقاط المساهمات : 422 الجنس : 23/02/2010 العمل/الترفيه : Export Manager قائمه الاوسمه :
| موضوع: خروشات عمر المصــــرى ..الخروشة الـ 47 ــ الأربعاء 06 أكتوبر 2010, 1:50 pm | |
|
الخروشة الـ 47 ــ ... اربع أسئلة وخمس إجابات
مضى وقت طويل منذ اخر لقاء بين الرجليين ....... وكما تعودا هما .. وكذلك كما تعودنا نحن ، أن يكون الحوار بينهما غالباً يكون مثل حوار بين طرفى مقص ... لكلاً منهما وجهتهُ و اتجاههُ و قد تكون متباعدة اغلب الاوقات، ولا ينضما لبعضهما الا وقت السكون و التوقف عن الحركة مثل طرفى المقص ..... لكنهما يتذكران دائماً أن ما يربطهما هى نقطة تمركز واحدة و ثابتة .. تماما مثل النقطة ذاتها فى المقص... التى إن تفككت ... تقطعت بهما الاوصال .. و صار المتاح محال.
كان الرجل صاحب الفصحى الهادىء يمسك ورقة بيضاء حاول ان يخفى مضمونها عن الرجل صاحب العامية ذو اللسان السليط .. الذى استفزه هذا التصرف ... فغلبتُه عصبيته و اندفاعه الانفعالىِ .. وقفْ فجاءةً .. وبدا كأنه سوف يلقى خطبة عصماء بصوت جهورى ...... و كان بدوره يتكلم كأن بين يديه ورقة بها خطبة مكتوبة ،..بينما بالفعل يديه كانتا فارغتين إِلاَ من قلم بسيط كان يشيح به يميناً و يسارا........ فقال:
.. إقر انا الموقع ادنا و اعلاه ......... و براه .. وجواه ......... ، المقيم ببيتنا رقم كذا ... بشارع كذا ... بمحافظة كذا .... بجمهورية كذا ... احمل رقم هبابة قومية رقم كذا ... "محدش يسالنى أأقصد ايه بكلمة كذا.... واللى هيسالنى هادب صباعى فى عينه مباشرةً" ....... أُقر واعترف و انا بكامل قوايا العقلية ... و الصحية .... و النفسية .... و الفوقانية و التحتانية
. إنتظر إنتظر يارجل .. .... ماذا تقصد بِقواكْ العلوية والسفلية ..!؟
.. اسكت يا جدع انتا .. متلخبطنيش و تبوظ رصة الكلام فى دماغى .. انا مصدقت عرفت اتكلم شوية نَحّوى زيكم .. خللينى اكمل بلاش غلاسة
. لا ... لن اسكت لأننى شممت فى كلامك...... رائحة خروج عن النص
.. لا خروج عـ النص..... و لا دخول فى النُوص . .... سِبنى اكمل كلامى الله يهديك على الصبح
. لك هذا .. عفواً للمقاطعة ... أكمل إقرارك ... وانت المسئوال عما يوحى به كلامك من سوء النية و فحش التلميح
تجاهل رجل العامية بمكره...... تجاهل ما سمع ...... و مضى يُكمل ما بدئه .. غير مبال بالمقاطعة
.. إقر واعترف و انا بكامل قوايا العقلية و الصحية و النفسية و الفوقانية و التحتانية ... انو الجدع بتاع الفصحى اللى هوا شريكى فى الخروشات طلع لا مؤاخذة راجل لئيم ... و موش راجل طيب زى ما الناس فاهمة ....... و الدليل انه محضر ليا شوية اسئلة اليوم و مخبيهم فى الورقة اللى فى ايده .. وناوى يطلع عينى ......... و يفضحنى قدام اللى يسوى واللى ميسواشى ............. يا واش يا واش يا واش .. بس على مين..!!؟؟
. سامحك الله ... تقصدّنى انا بالطبع ........ لن اغضب من وصفك .. سامحك الله مقدماً .. كل ما فى الامر أننى استهوتنى اربع أسئلة ... استخلصته .. من تركيبتك العجيبة والغريبة ... فأردت أن اسالك إياهاَ ... عّلنى .. اُميط اللثام عن ما تخبىء انت فقط ..... فهل لىِ ان أسألك اسئلتى الاربع؟
.. لا يا حدق ...... انتا تدينى الورقة بتاعتك وانا معايا القلم بتاعى ........ و هاكتب الاجابة بنفسى .. و ممكن كمان اسجلها رسمى فى الشهر العقارى لو موش مصدقنى
حاول رفيق الفصحى ان يكتم ضحكة أُوشكت على الخروج منه .. فلم يكن يتوقع أن يكون العامى محترساً لهذه الدرجة .. لكنه باى حال احترم طلبه .. فاخرج ورقته بأسلتها الاربع ... و مدها له.
حملق صاحب العامية الماكر النزق .. حملق قليلاً فى الورقة و توجس شراً من الاسئلة ... حتى قبل ان يقرأ الاسئلة كان أضمرْ فى نفسه شيئين ... الاول .. أنه سوف يجيب بكل صراحة عن كل سئوال إحتراما لرفيقه و صديقه الوحيد فى هذه الدنيا ...... اما الامر الثانى الذى اضمره فكان امراً يتناسب تماما مع تركيبته و شخصيته
.. كده تمام يا باشا ....... تسلم ايدك ..... و انا بحترمك اوى ....... و عشان بحترم و يحترم حروفك .. هامخمخ اوى قبل ما اجاوب
. هأ انا أقرضتك أسئلتى ... قرضاً حسناً ..... فهل تهبنى منحة مجانية قبالة قرضى الحسن؟ إجابتك أقصد؟
.. ده انا هاوهبك احلى منحة ....... معنديش اغلى منك يا غالى ...... يا باشا أنا أطول!!؟ ... ليا احلى شرف انى اجاوب على قرضك قصدى اسئلتك .....و هامنحك احلى اجابة....... و ممكن احلف لك بالطلاق كمان انى هاجاوب بكل صراحة ..... يسلام عليك وعلى ادبك .. يا راجل يا عسل
. حفظك الله من كل شر ...... وادام عليك صحتك و عافيتك .. صحتك التى تآكلت قوتها فى السنين الاخيرة ...... ما يدهشنى حقاً .. انه كلماَ أصابك صائب ... استعنت بمن خلقكْ ولم يُعيدك خائب
.. اسكت بقى متصدعنيش و تجرنى لموضوع تانى ......... خّللينى اعرف اتنيل اكتب ....... بقولك ايه؟ عندى فكرة عسلوز .. ممكن تروح تتمشى شوية و تشرب فنجان قهوة .. وترجع بعد شوية ... أكون انا خلصت الهباب الاجوية؟
. فكرة صائبة .. ارفع عنك ضغط حضورى ... و تاخذ انت كامل حريتك ...... ساعود لك بعد قليل ... سلاماً.. طبتم
.. الله يسلمك يا خويا ........ هوينا بقى
إبتسم بود و صدق .. إبتسم صاحب الفصحى و هو يضم كتاباً صغيراً تحت إبطه .. لملم عويناته و وضعه فى جيبه و خرج ليتمشى.
بعد أقل من نصف ساعة عاد الفصيح ممسكاً بيده بوردة حمراء هدية لنصفه الذى تركه ليكتب اجاباته
. هل غبت كثيراً عنك؟
.. نورت يا باشا... وردة ليا؟ يا نهاااااااااااار ابيض ...... كده بدئت اقلق منك ...... ياعم خلي الوردة لموزا ...... مع انى عارف انك مالكشى فى الموضوع ...... على كل حال تسلم ايدك .... و أدى يا عم الورقة ااقرا براحتك ..... والله والله كتبتها بكل صدق
امسك صاحب الفصحى بالورقة ..... ادرك للوهلة الاولى انه تعرض لخديعة ....... إعترف لنفسه انه كان يتوقع ان يكون الاخر واضحا فى اجابته ... سوف يكون صريحا بالفعل ... لكنه كما توقع ايضاً .. تعمد صاحب العامية شيئاً .. سّبب لصاحب الفصحى الارتباك لبعض الوقت .. و قرر ان يقرأ الورقة مرة اخرى عسى ان يجد ضالته ..
. السئوال الاول ... علل ...... لماذا دائما تخسر اشخاصاً ... كنت تعتبرهم اصدقاءاَ .. ثم سقطوا منك.؟
.. مرة زمان كنت مسافر مع المدير بتاعى بره ..... الست مراته طلبت طبق من الأكل غالى جدا .. طلبت النوع الغالى لجوزها ... الراجل قعد يتفرج على الطبق.. ويبحلق و يلعب بلسانه جوا بوئه... و لم يمد ايده للطبق ... انا استغربت على الناس الغريبة دى....... و بعدين اتنحنح كده وقال لى .... عمورة يا بنى.... ممكن تقوم بالطبق ده عشان خاطرى ؟..... انا استعجبت اوى .. و مفهمتش حاجة لكن عشان ميزعلشى وكمان عشان حبيت افهم ايه الائصة معاهم ... اكلت الطبق الغالى و الصراحة كان لذيذ جدا ....يخرب بيتهم ويخرب بيت اكلهم اللذيذ... المهم .... بعديها بصيت فى عين مراته .. وفهمت كل حاجة من سكات الست... فهمت انا كل حاجة ......... فهمت انت بقى أى حاجة من اجابتى دى؟ .. انا جاوبت والله
. السئوال الثانى: .. هل وانت فى العِقد الخامس من عمرك ... مقتنع انك لديك القدرة كى تدخل تجربة حب جديدة ..؟
.. شوف هاقولك بصراحة .. أنا مقتنع و مليان إقناع كمان ..ان موش كل الناس ممكن تركب مع بعضها او على بعضها ، عارفك إنك هتضحك الان من كلامى لان نيتك موش حلوة.. انا كلامى بنية كويسة و مقصدشى حاجة كده والا كده، لا سمح الله .. انا بكرر كلامى تانى اهوه ... موش كل الناس ممكن تركب مع بعضها .. واللى يقع يقع بقى ..هوا حر
. السئوال الثالث : .. رغم ان معظم الناس .. تعتبر المال عنصر مهم جداً جداً للحياة ... إلا انك .. لا تشاركهم الراى.. هل لانك لست طموحاً ... أم لانك تفتقد القدرة على هذا .... ام لانك تستند لمال الاخرين .. أم عندك تفسير خاص اخر ..!؟
.. شوف بجد والله ....... لما تكون عارف ان ايديك شاطرة ..... و رجليك عارفة بتتحط فين بالظبط ..... و موش بتبص على ساعة ايدك بندم ... و لو عرفت ان عينك بتعرف تقرأ بجد .. موش ضرورى تقرا كلام مكتوب.. المهم بتعرف تقرأ حاجات تانية مهمة...... لو عرفت كل ده .... هتبقى فهمت اكبر رسالة مؤدبة ممكن تبعتها للناس
. السئوال الرابع: ... لماذا اصبحت غير اجتماعى ....... و تجد صعوبة كبيرة فى التأقلم و الاندماج مع الاخرين .... هل هذا مرض،... او غرور،.... ام توحد،.... ام رسالة غير مباشرة للاخرين ؟
.. طبعا يا حدق .. زى الفل يا معلم ...... جوايا نضيف ... ممكن يكون جوايا شقى شوية لكن نضيف .. انا أأقدر حتى لو دخلت فى العقد اللى لابساه الست الجميلة اللى ماشية فى الشارع دى برضو أأقدر....... يا راجل يا لئيم ..مسألة ااقدر أو مقدرشى سيبها على الله ........ المسألة بجد... ان يكون ده مهم فى حياتك .. و هينورها لقدام .. .......ده المهم يا حاج
قرأ الرجل عاشق الفصحى، قرأ الورقة مرتين .. مع انه صاحب الاسئلة ... لكنه حاول بكل حهد ان يجد رابطاً بين السئوال و الاجابة التى تلته ..... فى المرة الثانية بحكم صداقة السنيين بينهما .. امسك باطراف الخديعة التى توقعها ... عندما حللها و بّدل اماكن الاجابات من مكانها الخاطىء الى مكانها الصحيح ........ و جد الاجابات المنشودة ..... إبتسم لنفسه .... فقد منحه الرجل صاحب العامية متعة جديدة إضافية للمتعة التى توقعها فى صدق الاجابات ....... شعر ان ذو العامية كتب كل حرف بصدق و فلسفة عجيبة و بسيطة ايضا ....... و بعثر كل اجابة بمهارة .. قد تزعج البعض و بالمؤكد ستمتع من يفك طلاسمها
. لن تتغير......... مراوغ انت ...... أشك ان والدتك الكريمة ارضعتك من ثديها لبناً أضٌيف له تركيبة خاصة من المراوغة و العبث و الرغبة فى التمتع ببعثرة افكار الاخرين .......... لكنى أُشهد الله أننى استمتعت بالمراوغة اكثر من صدق الاجابة
.. يا عم بلاش تهويل ...... انت إديتنى الاسئلة و طلبت اجابة صريحة صح؟ ..... و انا عملت اللى اتفقنا عليه ...... صح؟ ولعلمك بقى .. لو حد سالنى عن المكان الصحيح لاى اجابة .. موش هاقوله ... لانى اصلا اصلا نسيت حطيت الاجابة فين .... المهم جاوبت و خلاص ...... رصص انت بقى المسائل و هتلاقى اجابة لكل سائل ..
. صح ..... انت صادق ...... و صاحب حق ....... رواغتنى كعادتك ... و اعرف انك كنت تعرف.... أنى سوف اعرف ........ الاجابات الحقيقية اين موضعها الصحيح
.. عشان تحرم تيجب لى وردة حمراء تانى ..... سيب الحركة دى للناس اللى زى حالاتى يا حاج ..... المهم عايز تقول حاجة قبل ما نشطب الخروشة ونقفل؟
. نعم عندى سئوال لم اكتبه ....... لكنه طرأ على مخيلتى .. عندما سمعت فى اول الخروشة تصيح و تجول و تخطب و تنتفخ اوداجك .. هو ليس سئوال بمعنى السئوال ... اعتبره استفساراً فقط ... لان كلماتك و قتها افزعتنى .. وظننت بك السوء
.. السوق والا الغيط موش مهم ........ خلص بقى .... عايز تقول ايه؟ عشان عايز امشى .. المخيخ بدء يطلب زيت
لملم الرجل الفصيح كل ادبه فى لسانه حتى لا يستفز الاخر .. فتخرج اجابته عصبية موجعة .. متفاديا ان تنتهى الخروشة بتوتر فقال لصاحب العامية بصوت خفيض ودود.
. ماذا تقصد بِقواكْ العلوية والسفلية ..!؟ كما أسلفت فى بداية الخروشة .. أريد اجابة مباشرة بدون مراوغة منك .. واعرف كم انت حاذق و ماهر فى المراوغة ........ أجب مباشرة
.. خدها مباشرةً .. زى شوطة من ابوتريكة و فى الجون كمان ....... لما قلت لك قوايا الفوقانية و التحتانية ... كنت أأقصد اى راجل مننا ... يملك قوة واحدة بس من القوتين .. يبقى خايب ....... لا يمكن قوة واحدة تسد أو تغنى عن القوة التانية.... ويبقى ناقصه حاجة مهمة جدا ممكن تسبب له مشكلة كبيرة اوى ..... او فضيحة موش كبيرة اوى ...... و أى حد يقولك غير كده.... يبقى حمار لا مؤاخذة ...و كداب منغير لا مؤخذة .....
انا بتكلم بأدب اهو ..... عشان عارفك بتخاف من جراءة كلامى ..
الاجابة بحد ذاتها اخرست الرجل المهذب الوقور .. فلم يجد إلا ان يلتزم الصمت كأنه ما سمع شىء .. وبين وبين نفسه ... شعر ببعض الندم على فكرة الاسئلة مع رجل لا يتحسب لاى شىء ... فوُدعه الفصيح بسلام من الله و لم ينتظر رد السلام ... وخرج وحيداً للشارع.
نلتقى فى خروشة جديدة بأذن الله تحياتى / عمر المصرى
عدل سابقا من قبل omar.almasry في الجمعة 12 نوفمبر 2010, 1:25 pm عدل 1 مرات | |
|
| |
شمس العضو الذهبى
عدد المساهمات : 1406 نقاط المساهمات : 1402 الجنس : 30/09/2010 العمل/الترفيه : بتفرج على الدنيا قائمه الاوسمه : افضل عضو عن شهر نوفمبر 2010
| موضوع: رد: خروشات عمر المصــــرى ..الخروشة الـ 47 ــ الأربعاء 06 أكتوبر 2010, 2:09 pm | |
| ههههههههههههههههههههههههههههههههه هههههههههههههههههههههههههه روعة يا عمر ويوجد حكمة جميلة الا وهى خاطبو الناس على قدر عقولهم | |
|
| |
aslama عضو متقدم
عدد المساهمات : 9403 نقاط المساهمات : 13487 الجنس : 15/08/2010 العمل/الترفيه : طالب جامعى قائمه الاوسمه : مشرف مميز عن اكتوبر 2010
| موضوع: رد: خروشات عمر المصــــرى ..الخروشة الـ 47 ــ الأربعاء 06 أكتوبر 2010, 2:12 pm | |
| | |
|
| |
omar.almasry مشرف قسم خروشات
عدد المساهمات : 283 نقاط المساهمات : 422 الجنس : 23/02/2010 العمل/الترفيه : Export Manager قائمه الاوسمه :
| موضوع: رد: خروشات عمر المصــــرى ..الخروشة الـ 47 ــ الأربعاء 06 أكتوبر 2010, 3:01 pm | |
|
شكرا شمس
أنصحك تقرأئيها مرة اخرى...... سوف تكتشف شيئاً غريبا.. قد يضحكك اكثر... أو ؟
| |
|
| |
omar.almasry مشرف قسم خروشات
عدد المساهمات : 283 نقاط المساهمات : 422 الجنس : 23/02/2010 العمل/الترفيه : Export Manager قائمه الاوسمه :
| موضوع: رد: خروشات عمر المصــــرى ..الخروشة الـ 47 ــ الأربعاء 06 أكتوبر 2010, 5:27 pm | |
| | |
|
| |
شمس العضو الذهبى
عدد المساهمات : 1406 نقاط المساهمات : 1402 الجنس : 30/09/2010 العمل/الترفيه : بتفرج على الدنيا قائمه الاوسمه : افضل عضو عن شهر نوفمبر 2010
| موضوع: رد: خروشات عمر المصــــرى ..الخروشة الـ 47 ــ الأربعاء 06 أكتوبر 2010, 5:45 pm | |
| ههههههههههههههههههههههههههههههههه اه فهمت قرأتها بتمعن المرة دى ههههههههههههههههههههههههه صاحب الفصحى وصاحب العاميه هما شخص واحد وعجبى هههههههههههههههه تسلم الايادى يا عمر بانتظار المزيد | |
|
| |
omar.almasry مشرف قسم خروشات
عدد المساهمات : 283 نقاط المساهمات : 422 الجنس : 23/02/2010 العمل/الترفيه : Export Manager قائمه الاوسمه :
| موضوع: رد: خروشات عمر المصــــرى ..الخروشة الـ 47 ــ الأربعاء 06 أكتوبر 2010, 6:19 pm | |
|
صح يا شمس . كده بدئتى تفهمى فلسفة الخروشات البسيطة التى صار عمرها 5 سنوات و اكثر
بتعرفى تخروشى؟
| |
|
| |
prof3laa المدير. العام
عدد المساهمات : 12134 نقاط المساهمات : 13423 الجنس : 03/02/2010 قائمه الاوسمه :
| موضوع: رد: خروشات عمر المصــــرى ..الخروشة الـ 47 ــ الأربعاء 06 أكتوبر 2010, 7:37 pm | |
| لسه كنت بكتبلك فى الخروشه السابقه ان متميز بصورك والان انت مختلف بكتاباتك دائما تطورها بشكل جميل وتخروش لنا فى اطار ممتاز اليوم سرقت عقولنا داخل خروشتك بالرحله الظريفه بين الرجل العامى والاخر صاحب الهدوء والفصحه هههههههههه لا تقلق احنا مركزين معاك يا ريس المهم لا تحرمنا من خروشاتك الممتعه والف سلامه عليك يا عميد المخروشين | |
|
| |
شمس العضو الذهبى
عدد المساهمات : 1406 نقاط المساهمات : 1402 الجنس : 30/09/2010 العمل/الترفيه : بتفرج على الدنيا قائمه الاوسمه : افضل عضو عن شهر نوفمبر 2010
| موضوع: رد: خروشات عمر المصــــرى ..الخروشة الـ 47 ــ الأربعاء 06 أكتوبر 2010, 7:46 pm | |
| ههههههههههههههههههه بتعلم منك يا عمر سير فى خروشاتك واحنا معاك يا قمر | |
|
| |
omar.almasry مشرف قسم خروشات
عدد المساهمات : 283 نقاط المساهمات : 422 الجنس : 23/02/2010 العمل/الترفيه : Export Manager قائمه الاوسمه :
| موضوع: رد: خروشات عمر المصــــرى ..الخروشة الـ 47 ــ الخميس 07 أكتوبر 2010, 11:09 am | |
| ههههههههههههههههههه
بتعلم منك يا عمر
سير فى خروشاتك واحنا معاك يا قمر
.........
] شمس........... انتى فهمتى غلط يا بنيتى ..؟ حسيت من كلامك انك فهمتى انى رايح احرر القدس مثلا .... و مع ذلك هاسير ... لما نشوف اخرتها ايه معاكم
[/font] | |
|
| |
omar.almasry مشرف قسم خروشات
عدد المساهمات : 283 نقاط المساهمات : 422 الجنس : 23/02/2010 العمل/الترفيه : Export Manager قائمه الاوسمه :
| موضوع: رد: خروشات عمر المصــــرى ..الخروشة الـ 47 ــ الخميس 07 أكتوبر 2010, 11:14 am | |
|
استاذ علاء .... لا مفر أن نسمع هذه الخروشة بالذات بصوتك والقاءك المحبب الجميل
صدقنى سوف تكتشف ان الخروشة لها طعم اروع بالقائك كذلك و من يشرفنا بالمشاركة الصوتية او الحضور
الله يسلمك من كل شر و يديم عليك نعمة الصحة والعافية و الصوت الجميل . وانصحك بناءا على تجربة مجرب ..... انصحك تتقى شر الحسد لصوتك فى الالقاء..... . حتى لا يصاب صوتك بسوء ........ زى واحد صاحبنا
تحياتى ومحبتى
| |
|
| |
peace23 المراقبه العامه
عدد المساهمات : 17665 نقاط المساهمات : 23516 الجنس : 05/03/2010 قائمه الاوسمه :
| موضوع: رد: خروشات عمر المصــــرى ..الخروشة الـ 47 ــ الخميس 07 أكتوبر 2010, 12:05 pm | |
| أه أستاذ عمر لقد اشتقنا فعلا لأصدقائك الفصيح والعامي واللذين لا تستحضرهما لكتابة خروشاتك إلا عندما تكون سعيدا أو بداخلك شيء تريد أن تفصح عنه لكن بطريقة التلميح والمراوغة ووضع الطلاسم وهذا ما تعودنا منك متعة الإبحار في فلسفة كلاماتك وفك طلاسم ألغازك بل لنقول فك شخصية عمورة التي يعيشها بمواصفات شخصية أبطال خروشته فهو المتعلم والمتطلع وهو العامي الذي لا يريد ألا يفقد مميزات تلك الطبقة فانا لن أقول انه يعش الصراع وإنما هو سعيد بمقوماته كانسان يستمتع بما قدر له الله أن يكون فبين العامي والمتعلم نجد حقيقة عمورة التي هو مقتع بها كل الإقناع فهو يعلم علم اليقين انه المقص وان جزئيه هما المتعلم والعامي وكلاهما يتضافر لقطع كل ما يزعج عمورة لأنهما وجدا من اجل شيء واحد وهي نقطة تمركز واحدة وهما حريصان عليها لأنها سبب وجداهما ووجوده أنا اليوم لم اقرأ حوار بينهما بقدر ما قرأت حوارا لن أقول بين ألانا وألانا الأعلى فهل فهمت قصدي وأنا اليوم لم اقرأ أربعة أسئلة وخمس إجابات وإنما قرأت سؤالا واحدا وخمس إجابات فالسؤال الأساسي هو اصل الحوار وهو سبب الذي دفع عمورة لكتابة الخروشة 47 فهو الجواب عن القواي العلوية و السفلية لعمورة فاجابتة كلها تصب في إناء واحد لدرجة أن صاحبك لم يحترم ترتيب الأجوبة فمن يقدر عليه وهو المراوغ والمحترف الذي لخص لنا فلسفة حياته في أربعة نقاط أساسية الأصدقاء مش كل الناس بتركب مع بعضها الصحة شو فائدتها لما يكون أمامك طبق غالي ومتقد رش تأكلو الحب أنا اقدر حتى لو دخلت في عقد الستين الصعوبة في والتأقلم مع الآخرين هي لما تقرا حاجات ثانية مش مكتوبة و تبعث لهم اكبر رسالة مؤذية زي الرسالة اللي بعثها لهم في خروشتك اليوم نعم أستاذ عمر أنا استمتعت اليوم بقرات شخصية عمورة وأنا سعدت بذلك وسعدت أيضا لما وصلت الرسالة وأتمنى من كل قلبيي ألا أكون من بين الذين أرسلت لهم رسالتك ووقعوا من قائمتك لأنهم لا يركبوا على شخصك أما الصحة والمال فانا متأكدة أن المال ليس من اهتمامات عمورة أما الصحة فربنا يشفيه أما الحب فأنت لا تقدر أن تعيش بدونه أما القوى العلوية والسفلية لعمورة والتي هي أصل حكاية الخروشة ذي فانا ما أستطيع قوله لك هو لا تعليق على تعليقك به أستاذي الفاضل والكريم شكرا لك وشكرا لكاماتك التي نرتقي بها خاصة لما تخروش جوانا اسأل الله ألا تحرمنا منها تحياتي واحترامي وتقديري | |
|
| |
omar.almasry مشرف قسم خروشات
عدد المساهمات : 283 نقاط المساهمات : 422 الجنس : 23/02/2010 العمل/الترفيه : Export Manager قائمه الاوسمه :
| موضوع: رد: خروشات عمر المصــــرى ..الخروشة الـ 47 ــ الخميس 07 أكتوبر 2010, 1:41 pm | |
| عزيزتى بييس سوف ارد على تعليقك بشكل مختلف بعض الشىء.لكنه سيصلك بوضوح الحكاية الشهيرة بين الفيلسوف العظيم سقراط وبين سيدة بائسة ضائعة مشوشة فى حياتها.. دار الحوار القصير الاتى Socrate and some Lady
Lady: Mr. Socrate, would you please tell me what's more valuable in our lifes?
Socrate: Dear Lady, there are three things more valuable in our lifes, Love, Friends and..... self confidence
Lady: Which one should be start with it? Socrate: strat with last one, without it, you have no thing at all
اشكرك لتفهمك و قرائتك لما لم اكتبه فى الخروشة او التعليق تحياتى | |
|
| |
peace23 المراقبه العامه
عدد المساهمات : 17665 نقاط المساهمات : 23516 الجنس : 05/03/2010 قائمه الاوسمه :
| موضوع: رد: خروشات عمر المصــــرى ..الخروشة الـ 47 ــ الخميس 07 أكتوبر 2010, 2:13 pm | |
| thank you omar really without self confidence you have no thing at all and i have said to you one day with you always i' m lerrning i feel with you that you are socrate and you are my teacher but i do not wich to be like lady how asked him Do you understand me omar i 'm happy when i read what you write شكراعلى الرد الاكثر من رائع فعلا فانتا محتاجة الي ان اثق بنفسي اكثر لانه بدونها لا يكون لي شيء على الاطلاق الدرس وصل تحياتي واحترامي وتقديري | |
|
| |
omar.almasry مشرف قسم خروشات
عدد المساهمات : 283 نقاط المساهمات : 422 الجنس : 23/02/2010 العمل/الترفيه : Export Manager قائمه الاوسمه :
| موضوع: رد: خروشات عمر المصــــرى ..الخروشة الـ 47 ــ الخميس 07 أكتوبر 2010, 2:51 pm | |
|
Thank you too Miss. Peace, but i have to explain something .. it was only advice for all humans. not a lesson to someone ever
خلينا نرجع نتكلم عربى أفضل وإلا ........ الناس هنا هيضربونا بالطوب بعد كده
تحياتى و شكرى و احترامى
| |
|
| |
prof3laa المدير. العام
عدد المساهمات : 12134 نقاط المساهمات : 13423 الجنس : 03/02/2010 قائمه الاوسمه :
| موضوع: رد: خروشات عمر المصــــرى ..الخروشة الـ 47 ــ الأربعاء 13 أكتوبر 2010, 5:17 pm | |
| iiiiiiiiiii ههههههههههههههههههههههه يسلمو استاذى الجليل | |
|
| |
حنان الاشراف العام
عدد المساهمات : 10597 نقاط المساهمات : 13305 الجنس : 13/03/2010 العمل/الترفيه : لاشيء
| موضوع: رد: خروشات عمر المصــــرى ..الخروشة الـ 47 ــ الأربعاء 13 أكتوبر 2010, 5:47 pm | |
| تسلم يا استاذ على الخروشة | |
|
| |
شفاء 9 وسام التواصل الدائم
عدد المساهمات : 168 نقاط المساهمات : 175 الجنس : 13/02/2010 قائمه الاوسمه :
| موضوع: رد: خروشات عمر المصــــرى ..الخروشة الـ 47 ــ الخميس 21 أكتوبر 2010, 5:09 am | |
| مشااااااااااا الله عليككككككككككككككككك يا استاد عمررررررررررر المصرئئئئئئئئئئئئ | |
|
| |
حلم عضو برونزى
عدد المساهمات : 62 نقاط المساهمات : 69 05/11/2010 قائمه الاوسمه :
| موضوع: رد: خروشات عمر المصــــرى ..الخروشة الـ 47 ــ الثلاثاء 09 نوفمبر 2010, 1:03 pm | |
| جيت متأخرة وحتعمد أتأخر أكثر اسلوبك رئع فعلا كما العادة فهمتها بس حاقراها تاني وثالت ورابع اسلوبك لا يمل منه يا طيب | |
|
| |
omar.almasry مشرف قسم خروشات
عدد المساهمات : 283 نقاط المساهمات : 422 الجنس : 23/02/2010 العمل/الترفيه : Export Manager قائمه الاوسمه :
| موضوع: رد: خروشات عمر المصــــرى ..الخروشة الـ 47 ــ الثلاثاء 09 نوفمبر 2010, 2:00 pm | |
| حلم عندنا؟ يا مرحبا يا مرحبا
اخيرا حطيتى رجللك فى الخروشات ؟ خلاص يا معلم كده هتبقى إدمان لك
موش عارف ليه عندى احساس انك هتقعدى ايتها الرصينة البلليغة على كرسى الخروشات يوما ما
| |
|
| |
| خروشات عمر المصــــرى ..الخروشة الـ 47 ــ | |
|