مصطلحات مصريه من الواقع

مصطلحات مصريه بمفهوم واقعي




التنوير:
عملية تتم في الشوارع عندما يسكنها وزير.

العولمة :
عملية تحول اجتماعي وثقافي وفني تمارسها فيفي عبده.

الشفافية :
سمة ضرورية للملابس المستخدمة في العولمة.

النظام الملكي :
عند وفاة الملك ينتقل الحكم لابنه ليصبح هو الملك الجديد.

النظام الجمهوري :
عند وفاة الرئيس ينتقل الحكم لابنه ليصبح هو الرئيس الجديد.

المبايعة :
ورقة تكتبها لما تبيع سيارة قديمة.

الدستور :
كلمة تقال للحماية من الاسياد لما الواحد يدخل بيت مسكون.

الديمقراطية :
نوع من الفنون الزخرفية يستخدم لتزويق صورة الحكومة.

القانون :
آلة تصدر أصوات جميلة لما تـلعـب عليه في حفله.

الحرية للجميع :
للشعـب ان يقول ما يشاء ، وللحكومة ان تـفعـل ما تـشاء.

حرية النشر :
تمارسها النساء عـلى السطوح في المناطق الشعـبـية.

الدبلوماسية :
احسن هدية تصالح بها مراتك بس بشرط الألماس يكون حر.

الصراع الطبقي :
خناقة كل بيت على مين اللي يغسل الاطباق النهار دة.

حرب الشوارع :
قيادة سيارة في شوارع القاهرة.

العمل الثوري :
مذكر العمل البقري.

الشريط الحدودي :
الشريط الجاي لعمرو دياب.

الوحدة العربية :
ان تعاني كل دولة عربية من الشعور بالوحدة!

حرب التحرير :
معركة شهيرة يخوضها كل من يريد استخراج جواز سفر من مجمع التحرير


حاجه بس احب اقوله فى الاخر ل PROF3LAA انت بعتلى رسائله و طبعا انا مردتش عليك بقالى مدة و بصراحة طول الفترة دى انا بحاول القى طريقة ارد عليك مش عارف لان انا عدد مشاركاتى قليل و شكلك انت نسيت انى غير مسموح ليه ابعت رسائل خاصه لحد و برده peace 23 انا عاوز ابعتلك رابط التوقيع و مش عارف هبعته ازاى لانى هعمل كذا واحد و انتى تختارى اللى يعجبك