| | تعالو نسهر مع بعض مع حكاية عريس من على النت |  |
|
|
| كاتب الموضوع | رسالة |
|---|
حنان
الاشراف العام
عدد المساهمات : 10597
نقاط المساهمات : 13305
الجنس : 
13/03/2010
العمل/الترفيه : لاشيء
| | موضوع: تعالو نسهر مع بعض مع حكاية عريس من على النت الثلاثاء 17 أغسطس 2010, 11:30 pm | |
| | |
|
| | |
sara
الاشراف العام
عدد المساهمات : 11685
نقاط المساهمات : 12775
الجنس :
27/04/2010
قائمه الاوسمه : وسام النشاط المستمر
| | موضوع: رد: تعالو نسهر مع بعض مع حكاية عريس من على النت الثلاثاء 17 أغسطس 2010, 11:41 pm | |
| حلوة قوى يا حنان القصة ديه
بس للاسف اخرها معروف
و انا و انتى طبعا عارفينها
ان ما فيه حب عنت
و ان شاء الله العريس حيطلع نصاب
بيضحك على البت عفاف
اسفة انى حرقتلك النهاية
| |
|
| | |
adel13
العضو الذهبى
عدد المساهمات : 1600
نقاط المساهمات : 2160
الجنس : 
16/06/2010
العمل/الترفيه : على فيض الكريم
قائمه الاوسمه : 
| | موضوع: رد: تعالو نسهر مع بعض مع حكاية عريس من على النت الأربعاء 18 أغسطس 2010, 12:52 am | |
| مجنونة وهتجنينا معاك يا حنان
هى ناقصة خبلة اية النت دة وبيرحولة منين
وكمان طالب
ههههههههههههههههههههههههههه
تقبلى مرورى وتحياتى | |
|
| | |
حنان
الاشراف العام
عدد المساهمات : 10597
نقاط المساهمات : 13305
الجنس :
13/03/2010
العمل/الترفيه : لاشيء
| | موضوع: رد: تعالو نسهر مع بعض مع حكاية عريس من على النت الأربعاء 18 أغسطس 2010, 1:09 am | |
| - sara كتب:
- حلوة قوى يا حنان القصة ديه
بس للاسف اخرها معروف
و انا و انتى طبعا عارفينها
ان ما فيه حب عنت
و ان شاء الله العريس حيطلع نصاب
بيضحك على البت عفاف
اسفة انى حرقتلك النهاية
صبرك عليا يا سارة متحرقيش المفاجاة ممكن حظ عفاف يكون احسن من حظنا ههههههههههههههههه انتظرى الحلقة التانية تحياتي | |
|
| | |
حنان
الاشراف العام
عدد المساهمات : 10597
نقاط المساهمات : 13305
الجنس :
13/03/2010
العمل/الترفيه : لاشيء
| | موضوع: رد: تعالو نسهر مع بعض مع حكاية عريس من على النت الأربعاء 18 أغسطس 2010, 1:11 am | |
| - adel13 كتب:
- مجنونة وهتجنينا معاك يا حنان
هى ناقصة خبلة اية النت دة وبيرحولة منين
وكمان طالب
ههههههههههههههههههههههههههه
تقبلى مرورى وتحياتى هو انت يا عادل لسة مش عارف النت يروحو له منين هههههههه يا لهوي خليك معايا فى بقية الاجزاءوهتعرف تحياتى شكرا عالمرور | |
|
| | |
حنان
الاشراف العام
عدد المساهمات : 10597
نقاط المساهمات : 13305
الجنس :
13/03/2010
العمل/الترفيه : لاشيء
| |
| | |
peace23
المراقبه العامه
عدد المساهمات : 17665
نقاط المساهمات : 23516
الجنس :
05/03/2010
قائمه الاوسمه : 
| | موضوع: رد: تعالو نسهر مع بعض مع حكاية عريس من على النت السبت 21 أغسطس 2010, 9:29 pm | |
| والله شكل السهرات الرمضانية معاكي يا ضرتي حتبقى حلوة
مسلسلات في حلقات ومائدة سحور ومكسرات
وضحك
والله ربنا يخليك لينا يا ضرتي
ونشوف معاكي ايام حلوه في رمضان
شو امحضره لينا في لها السهرة من مواكل
الفرفشة 100/100 ميه ميه واكيد الاكل كمان | |
|
| | |
حنان
الاشراف العام
عدد المساهمات : 10597
نقاط المساهمات : 13305
الجنس :
13/03/2010
العمل/الترفيه : لاشيء
| | موضوع: رد: تعالو نسهر مع بعض مع حكاية عريس من على النت السبت 21 أغسطس 2010, 9:49 pm | |
| اكيد يا ضرتي هتبقى احلى سهرة بوجودك وبوحود كل الاعضاء  | |
|
| | |
حنان
الاشراف العام
عدد المساهمات : 10597
نقاط المساهمات : 13305
الجنس :
13/03/2010
العمل/الترفيه : لاشيء
| | موضوع: رد: تعالو نسهر مع بعض مع حكاية عريس من على النت السبت 21 أغسطس 2010, 9:50 pm | |
| | |
|
| | |
حنان
الاشراف العام
عدد المساهمات : 10597
نقاط المساهمات : 13305
الجنس :
13/03/2010
العمل/الترفيه : لاشيء
| | موضوع: رد: تعالو نسهر مع بعض مع حكاية عريس من على النت السبت 21 أغسطس 2010, 9:52 pm | |
| | |
|
| | |
peace23
المراقبه العامه
عدد المساهمات : 17665
نقاط المساهمات : 23516
الجنس :
05/03/2010
قائمه الاوسمه :
| | موضوع: رد: تعالو نسهر مع بعض مع حكاية عريس من على النت السبت 21 أغسطس 2010, 9:55 pm | |
| كل ذا يا حببتي ليا والله مشكورة
الكرم انتي عنوانه ربنا يكرمك يا ضرتي ويعطيك على قدنيتك
فين اماني والله وحشاني
لوتكلميها ا بلغيها سلامي | |
|
| | |
حنان
الاشراف العام
عدد المساهمات : 10597
نقاط المساهمات : 13305
الجنس :
13/03/2010
العمل/الترفيه : لاشيء
| | موضوع: رد: تعالو نسهر مع بعض مع حكاية عريس من على النت السبت 21 أغسطس 2010, 10:07 pm | |
| ميغلاش عليك غالي يا غالية اماني بخير وهبلغها سلامك
شكرا يا ضرتي على تشريفك السهرة
ان شالله هتبقى صبيحي | |
|
| | |
حنان
الاشراف العام
عدد المساهمات : 10597
نقاط المساهمات : 13305
الجنس :
13/03/2010
العمل/الترفيه : لاشيء
| | موضوع: رد: تعالو نسهر مع بعض مع حكاية عريس من على النت الثلاثاء 31 أغسطس 2010, 12:58 am | |
| اسفة يا بيس اتاخرت عليكم لعطل فني سامحوني المهم
وادي الحلقة التالتة اهي ويارب تعجبكم
الحلقه التالته
كــــاميرا 1 .......................اجهز
كاميرا 2 ................استعد
كاميرا 3.......................صور
الشاى يا سباعى
اكشــــــــــــــن
عفاف: يا ماما والنبي افهينى بقي عشان خاطرى
العريس دة لقطة ومفيش زيه فى النت
أنا حبيته من كتاباته
الأم: كتاباته ؟؟؟؟ هو مؤلف؟؟؟؟
عفاف: مش مؤلف قوى يعنى بس بيكتب عالنت
الأم: ودة بيكتب فى ايه بالضبط؟
عفاف: لالالالالالالالا يا ماما
دا ما شاء الله عليه ماخلاش حاجة إلا لما كتب عنها
الأم بخبث :ااااااااااااااااااااااه
مين يشهد للعروسة؟؟؟؟
عفاف: لا والله ياماما بكلمك جد
الأم بصوت عالى : اسمعى يا بت انتى أنا لا أعرف نت ولا كتابات
أبوكى زمانه جاى دلوقتي هوبقي يتصرف معاكى
عفاف وفي سرها : ماهيا دى المصيبة
دخل المعلم حلاوة العنتبلى فى هذه اللحظة مبتهجا
العنتبلى: مساء الخير
الأم: يسعد مساك يا خويا
تعالى بقى شفلك حل فى بنتك دى
العنتبلى: خير يا بنتى؟
عفاف:أبدا يا بابا
مش انتوا عاوزينى اتجوز
اهو جالى عريس ومع كدة ماما مش عاجبهااااااااااااا
العنتبلى: أكيد مش عاجبها عشان جاهلة
سيبك منها وقوليلى إيه الحكاية؟
عفاف: فى واحد طلب ايدى عن طريق النت
وقالى انه جاد فى طلبه ومستعد يجيي فى أى وقت
العنتبلى: عال عال
وإيه كمان؟؟؟؟
عفاف: يعنى انت مش معارض يا بابا؟
العنتبلى: واعارض ليه يا بنتى
عفاف : طب ارد اقوله ايه
العنتبلى وبصوت خشن:تردي علي مين
عفاف :على حاتم ياباباااااااااااااااااااااا
العنتبلى وبصوت خشن:حااااااااتم ميييييين؟
عفاف: العريس يا بابا
العنتبلى:اااااااااااااااه مش تقوليلى كدة من الصبح
قوليلى الأول هو بيكتب فى أنه صفحة؟؟؟؟
عفاف: يااااااااااااااااه يابابا
دة بيكتب فى صفحات كتيرة اوي اوي
العنتبلى: عظيم
وياترى بقى هو مشهور كدا يعنى الناس تعرفه؟
عفاف: أكيد يا بابا دة معروف جدا فى المنتديات
العنتبلى: فين ياختى؟؟؟؟؟
عفاف: فى المنتديات يا بابا
العنتبلى: ودى تطلع إيه دى كمان ؟؟؟
عفاف:دى صفحات عالنت يا بابا بتجمع أعضاء كتير اوووي
وبيتكلموا فى مواضيع كتير
العنتبلى: يابت سيبك من النحوى دة وكلمينى كلام افهمه
عفاف في سرهاقى دة نحوى ياعالم
عفاف: حاضر يا بابا
المنتديات دى زى
زى ايه قعدة المصطبة كدة
كل مجموعة واخدلها ركن وعمالين يتكلموا فى حاجة معينة
وبيبقى لها شروط وقوانين معينة وكدة يعنى
العنتبلى: ااااااااااااااااااااه فهمت
يعنى زى سوق العجول كدة
عفاف وقد فاض بها:
عجول ايه بس يابا ؟بقى المنتدى زى سوق العجول؟!
العنتبلى: جرا ابه يابت انتي
مش عاجباكى العجول يا بنت عواطف؟؟؟؟
مش العجول دى الى بناكل منها عيش وربتك انتى واخواتك لغاية ما كبرتى وبقيتى عجلة زى أمك؟؟؟؟
عفاف: طيب خلاص يا بابا ...
المهم انه مشهور .. مشهور اوووي
العنتبلىيب نيجى للمهم بقىىىىىى
هو عرفك منين؟؟؟؟
شعرت عفاف بالرعب من السؤال فأجابك بسرعة
عفاف: لا يا بابا اوعى تفهمنى غلط
والله ما شافنى ولا مرة حتى فى أى حتة
العنتبلى: ماطبعا يا بنتى لأنه لو كان شافك مكانشى اتقدم أصلا
عفاف: وبعدين معاك بقى يا بابا............. هو أنا وحشة اوي كدا ؟؟؟؟
العنتبلى مبتسما إبتسامة صفراء: يابت بضحك معاكى
انتى زى القمر بس عيبك الوحيد انك شبه أمك
الأم: جرالك ايه يا راجل إنت ما تتعدل فى الكلام أحسنلك
العنتبلى: احم احم
كنا بنقول إيه يا عفاف؟؟؟؟
عفاف: كنت بتسألنى هو عرفنى منين؟؟؟؟
عموما هو عرفنى من النت
واتقدملى عن طريق النت
وإن شاء الله لو وافقتم هييجى يتقدملى على طول
العنتبلى:وماله يا بنتى خليه ييجى
عرفك من النت عرفك من السلخانة
مش فارقة المهم انه وقع على بوذه
عفاف فى سرها: ياخوفى من ألفاظكم دى الى تطفش 100 عريس مش عريس واحد بس .....!!!!
العنتبلى: قوليله ييجى يوم الجمعة بعد العصر
عفاف مسرورة: حاضر يا بابا هقوله حالا
ودخلت مسرعة إلى حجرتها فاستعجب المعلم حلاوة العنتبلى وسألها العنتبلى: هتعملى إيه يا بت؟؟؟؟
عفاف: هقوله يا بابا
العنتبلى: انتى يا بت أخذتى التليفون عندك؟؟؟؟
عفاف: لا يا بابا أبدااااااااا
العنتبلى: امال هتقوليله إزاى من عندك؟
عفاف: هبعتله إيميل
صرخ الأب فجأة بصوت مزعج وعالى....................
وإيه الى جاب الواد إيميل عندك فى الأوضة؟؟؟؟
عفاف: يا بابا اهدى إيميل مين بس دة الى عندى
أنا أقصد هبعتله جواب عالنت
تذكر العنتبلى حواره مع زينهم والورق الذى يدخل من خلف الشاشة فقال
اااااااااااااااااااااااااااه
أنا بحسب المهم بلغيه بالميعاد
وقبل أن يغادر إلتفت إليها قائلاقولك إيه يا عفاف
بعد ما تكتبى الجواب حطيه بالراحة عشان الشاشة ما تنفجرشى
تابعته عفاف بنظرات الدهشة والحيرة وهى تقول فى نفسها
احط إيه وشاشة إيه دى الى هتنفجر؟؟؟؟؟؟؟
وفى اليوم المحدد أتى العريس أنيقا مهتما بنفسه
بشكل ملحوظ وذو رائحة طيبة وفى أبهى صورة
واستبشر الجميع خيرا إلا أنه كما تعلمون هناك سوء تفاهم رهيب
فالأم تعرف أنه طالب فى كلية محترمة والأب يظنه صحفى مشهور
وعفاف مرعوبة من طريقة تعامل الوالدين مع العريس خاصة والدها
كما أن المفاجأة غير المتوقعة أن العريس جاء بمفرده
ياترى ايه اللي هيحصل ؟؟؟؟؟؟؟؟؟؟ | |
|
| | |
حنان
الاشراف العام
عدد المساهمات : 10597
نقاط المساهمات : 13305
الجنس :
13/03/2010
العمل/الترفيه : لاشيء
| | موضوع: رد: تعالو نسهر مع بعض مع حكاية عريس من على النت الثلاثاء 31 أغسطس 2010, 1:02 am | |
| | |
|
| | |
حنان
الاشراف العام
عدد المساهمات : 10597
نقاط المساهمات : 13305
الجنس :
13/03/2010
العمل/الترفيه : لاشيء
| | موضوع: رد: تعالو نسهر مع بعض مع حكاية عريس من على النت الأربعاء 15 سبتمبر 2010, 7:19 pm | |
|
رن جرس الشقة مرة واحدة فأسرعت عفاف لفتح الباب ولكن والدها أوقفها وأخبرها أن تلزم غرفتها حتى ينادى عليها ثم فتح هو الباب ليجد شابا وسيما أنيقا ذو رائحة طيبة وإبتسامة هادئة وبيده كيس موز!!!
استنوا الحلقة الجاية
استبشر حلاوة العنتبلى خيرا ودعاه للدخول ولكنه أخذ ينظر وراءه فى تعجب لعدم وجود أحد معه فأغلق الباب خلفه فى عنف وتغيرت ملامح وجهه وهو يقول !
أهلا!
حاتم: أهلا بيك يا عمى
العنتبلى: خير يابنى؟!
حاتم(فى قلق): هى الآنسة عفاف ما قالتلقوش إنى جاى؟!
العنتبلى: لا قالتلنا 0000بس ماقالتلناش إنك سيادتك هتشرّف لوحدك!
حاتم: لا ياعمى منا مش جاى لوحدى أنا معايا كيس موز!
العنتبلى: لا يا شيخ!000 كيس موز!
الأم: ياما جاب الغراب لأمه!
حاتم: طيب يا عمى ندخل فى المفيد!
العنتبلى: ندخل فى المفيد!000إنت متأكد إنك جاى تدخل فى المفيد؟!
حاتم: أكيد يا عمى إمال أنا جاى ليه؟!
العنتبلى: وإن شاء الله هندخل فى المفيد بطولك كدة؟!00000من غير والدك ولا والدتك ولا عمك ولا خالك ولا أى حد!
حاتم: لا لا يا عمى ماهو انتوا هتشوفوهم فى الفرح إن شاء الله
وقف العنتبلى مرة واحدة صارخا
نعم يا خويا؟!!! 000فى الفرح؟!
حاتم: اتفضل بس يا عمى وأنا أفهمك على كل حاجة
العنتبلى: أدينا اتفضلنا أهو 0000000نعم؟!
أنا ياعمى اسمى حاتم وعندى 22 سنة و3 أشهر و5 أيام و4ساعات ونصف!!!!
الأم(بحدة): جرا إيه يابنى إنت؟! 0000كان زمانك إتجوزت وخلفت كمان!
العنتبلى: استنى بس يا أم عفاف إما نشوف أخرتها!
حاتم: أنا يا عمى عندى شقة واسعة والحمد لله وجاهزة عالفرش
العنتبلى: الى بعده!
حاتم: وجاى أطلب إيد الآنسة عفاف000طبعا أنا عارف إنكم مستغربين إنى جيت لوحدى
العنتبلى: الله ينور عليك هو دة بقى المفيد! فين الحاج والحاجة؟!
حاتم: بصراحة كدة ياعمى الحاج والحاجة مش مقنتعين بحكاية جوازى من النت دى
العنتبلى: نعم يا حبيبى؟!0000هو مين الى من النت إنت ولا إحنا؟!
حاتم: إحنا الإثنين يا عمى!
العنتبلى: يابنى انت هتلخبطنى ليه بقى؟!0000أنا جزار مش صحفى!
حاتم: وفيها إيه يا عمى طيب ما أنا طالب مش صحفى!
العنتبلى(صارخا): مش صحفى؟!!0000وكمان طالب!!!!
الأم: إمال إنت فاكر إيه يا حاج ماهو طالب فى البتاعة دى الى بيشتغلوا فيها على الكبورر!
العنتبلى: خشى يا ولية نادى على عفاف!
أتت عفاف بسرعة ووالدها يرمقها بغضب بينما ابتسم حاتم وهو يقول
أهلا يا آنسة عفاف
عفاف: أهلا بيك يا أستاذ حاتم!
العنتبلى: اقعدى يا عفاف شوفى المصيبة دى!!!!
عفاف: مصيبة إيه بس يا بابا كفا الله الشر
العنتبلى: البيه بيقولى إنه طالب!
عفاف: أيوة يا بابا ماهو طالب فى هندسة الحاسبات فى آخر سنة
العنتبلى: نعم ياختى؟! 0000أنا كنت فاكره صحفى
حاتم: صحفى؟!000بس أنا عمرى ماكنت صحفى ولا هكون!
عفاف: استنى بس يا حاتم لو سمحت يظهر إن فى سوء تفاهم وفاكرينك صحفى عشان أنا قلتلهم إنك بتكتب فى المنتديات
ثم إلتفتت إلى والدها وهى تقول
يا بابا الأستاذ حاتم بيكتب عالنت مش فى الصحافة! وكتاباته مميزة جدا
العنتبلى: منا عارف إنه بيكتب فى الجرنال وبعدين يدخل الجرنال فى الشاشة عشان الناس تشوفه عالنت0000انتوا فاكرينى جاهل ولا إيه؟!
حاتم: لا ياعمى العفو!
عفاف: يابابا فى جرنال فى الدنيا بيدخل فى الشاشة؟!000مين الى قالك كدة؟!
العنتبلى: واحد صاحبى متعلم ومتنور ومعاه تالتة إبتدائى!000قالى إن الأخبار الى بتشوفوها عالنت عبارة عن جرايد بيدخلوها من فتحات الشاشة الى ورا!!!
عفاف: تالتة إبتدائى؟!000يا بابا الكلام دة غلط ومافيش جرايد بتدخل من الشاشة ولا حاجة000بالنسبة للأخبار دى عبارة عن كلام مطبوع عالنت
العنتبلى: شوفى يا بنتى إنتى وهو 0000لو فضلتم سنة تتكلموا عن النت دة مش هفهم برضه! المهم دلوقتى بسلامته والدك مش موافق ليه؟!
إحنا مش قد المقام ولا يعنى ما نشبهشى؟!
حاتم: لا ياعمى العفو دة شرف ليهم إنهم يناسبوا حضرتك وطنط!
الأم: طنط؟!!! 00000طنط مين يا ضنايا؟!!!!
عفاف: اهدى يا ماما 000هو يقصد إنه يحترمك مش أكتر!
حاتم: أيوة طبعا زى ما قالت عفاف كدة بالضبط
الأم: بس معلشى يابنى لا طنط ولا مدموذيل قولى يا حاجّة أحسن!
حاتم: حاضر يا حاجّة!
العنتبلى: طيب لما هو شرف ليهم مش موافقين ليه؟!
عفاف: هو يقصد يا بابا إنهم مش موافقين على الطريقة نفسها000يعنى الزواج عن طريق النت
العنتبلى: طب ليه يا بنتى مش دة جواز على سنة الله ورسوله؟
حاتم: أكيد يا عمى بس تقول إيه بقى ربنا يهديهم!
العنتبلى: طب ممكن تقولى بقى إزاى عجبتك بنتى من غير ما تشوفها 000يعنى إنت أصلا جاى بناءا على إيه؟!
نظر حاتم إلى عفاف وهو يقول
حاتم:عجبتنى مشاركاتها يا عمى !000مواضيعها وردودها
قابلتها أول مرة فى موضوع عن السجاير! كلامها لفت نظرى ولقيتها مرة واحدة مشاركة فى موضوع ليا عن الكورة وأقنعتنى بكلامها إن الكورة دى للفاضيين ومش ممكن واحد مسلم يشعر بإخوانه فى العراق وفلسطين يقعد يكتب موضوع عن الكورة ويشجع الأهلى!
العنتبلى: اخص عليكى يا عفاف ! خلتيه يشجع الزمالك بدل الأهلى؟!
حاتم: لا ياعمى هى خليتنى أسيب الكورة نهائى وأشجع الوحدة الإسلامية!000بعد ما إقتنعت بكلامها طلبت من الموديراتور إنه يقفل الموضوع!
و000
قاطعه العنتبلى: طلبت من مين يا خويا؟!
حاتم: الموديراتور!
العنتبلى: ويطلع إيه الموتور دة كمان ؟!!!!
عفاف: يقصد المشرف يا بابا 0000يعنى الى بينظّم المكان
العنتبلى : طيب!
نكمل بقى فى الحلقة الجاية لما اشوف ردودكم
| |
|
| | |
| | تعالو نسهر مع بعض مع حكاية عريس من على النت | |
|
ى كل البلاد يا ماما
: ايميل؟ 
ا ماما اهدى إيميل جارنا مين بس ...!
