موضوع: قصيده قنبله وموثره جدا وشاعر قنبله بالصوت والصوره والكلمه قصيده جحا الأحد 15 أغسطس 2010, 5:36 pm
شعور سخيف ... إنك تحس بإن وطنك شيء ضعيف صوتك ضعيف .... رأيك ضعيف إنك تبيع قلبك وجسمك .. وإنك تبيع قلمك وإسمك ما يجيبوش حق الرغيف دى بدايه القصيده والان بامكانك تقراها وبامكانك تشوفها وتسمعها انا سمعت الشاعر دى فى برنامج تلفزيونى وعجبتنى جدا
شعور سخيف انك تحس ان وطنك .. شيء ضعيف صوتك ضعيف ... رأيك ضعيف انك تبيع قلبك و جسمك ... و انك تبيع قلمك و اسمك .... ميجبوش حق الرغيف سالوا جحا عن سر ضحكه قالك اصل اثنين و شبكوا اللي كان من تحت ميت و اللي كان من فوق كفيف... ده شعور سخيف و شعور سخيف انك تكون رمز الشحاتة ... تبني مبنى للشحاتة .. تعمل وزارة للشحاتة
. . .
يا ساقية دوري و عدي فوقي و دوسي نصبوا علي و شحّتوني فلوسي ربطوني فيكي حتى انا تغميت هما اللي فرحوا وحدي انا تغميت انا اللي صاحب البيت عايش بدون لزمة ولما مرة شكيت ادوني بالجزمة . . .
كرامتنا متهانة ... و اللقمة باهانة بتخلفينا ليه لما انتي كرهانا ؟؟؟
لما جش الرز ثروة بتتحرق لما نفط الامة ثروة بتنسرق و لما جلادك على ولادك بيبطش ولما علمك ميلاقيش ياكل... فيطفش
يعني ايه نرفع ادينا بالسلام للغزاة ؟؟ يعني ايه لما ابقى ماشي فحالي اشتد اشتباه ؟؟؟ يعني ايه لما تحبس 4 سنين حبس احتياطي ... حبس اعتباطي ؟؟؟ يعني ايه مش حاسة بالعمر وغلاوته؟؟ بتصبي مر العمر ليه ؟؟؟ ... ده انا كنت هوهب لك حلاوته . . . .
بعتيني عشانهم و عنيكي معصوبة يا هل ترى خاينة ولا زيي مغصوبة ؟؟؟؟؟؟؟؟
كل الكلام اتقال و الشعر بقى ماسخ و الصبر بقى علو جبال و الظلم شيء راسخ . . . .
كل اللي بيقولك بحبك دول نفاق انا لما قلت لك بحبك كان نفاق الحب يعني اثنين بيدوا مش ايد بتبني و 600000 ايد يهدوا
الحب حالة الحب مش شعر و قوالة يعني الغلابة يناموا في الليل دفيانين الحب يعني جواب لكل المسجونين هما ليه بقوا مسجونين؟؟؟ يعني اعيش علشان هدف علشان رسالة يعني احس بقيمتي فيكي مش عايش عوالة يعني لما اعرق تكافئيني بعدالة الحب حالة الحب مش شعر و قوالة الحب حاجة متتوجدش فوسط ناس بتجيب غداها من صناديق الزبالة
موضوع: رد: قصيده قنبله وموثره جدا وشاعر قنبله بالصوت والصوره والكلمه قصيده جحا الثلاثاء 02 نوفمبر 2010, 9:15 pm
شعور سخيف انك تحس ان وطنك .. شيء ضعيف صوتك ضعيف ... رأيك ضعيف انك تبيع قلبك و جسمك ... و انك تبيع قلمك و اسمك .... ميجبوش حق الرغيف سالوا جحا عن سر ضحكه قالك اصل اثنين و شبكوا اللي كان من تحت ميت و اللي كان من فوق كفيف... ده شعور سخيف و شعور سخيف انك تكون رمز الشحاتة ... تبني مبنى للشحاتة .. تعمل وزارة للشحاتة