وانا معلق عيني

الغالي بطى وانا امعلق عيني

في كل يوم انقول تو ايجيني

راجيت فيه عشورة ** والله اتويبعها ايهل بنوره

بالك بعد بشره جميل الصوره ** ايجيني بعد ياسات ويهنيني

الغالي بطى وانا امعلق عيني

في كل يوم انقول تو ايجيني

صبرتها الميلود ** وطمنتها بالك الحظ ايجود

في اتويبعه خافت اصياف العود ** ولا في التبيعه خير لا في عيني

الغالي بطى وانا امعلق عيني

في كل يوم انقول تو ايجيني

عدي المنسي لول ** وانا على باب الرجاء نسول

المنسي التاني لا بطى لا طول ** وانا هو اللي منسي وهو ناسيني

الغالي بطى وانا امعلق عيني

في كل يوم انقول تو ايجيني

عده رجب وقصير ** لا علم جاني لا الحال تغير

سلمت للي في السحاب ايسير ** هذاك هو عنده دواء لحنيني

الغالي بطى وانا امعلق عيني

في كل يوم انقول تو ايجيني

شيعتها رمضان ** بالك مع اهلال الصيام ايبان

حتى كان صايم ولى زمان ** محتاج على العيد الصغير ايجيني

الغالي بطى وانا امعلق عيني

في كل يوم انقول تو ايجيني

بين العياد وعده ** مازلت نا بين الرجاء والصده

العيد الكبير للناس عقب وده ** غنيى بالك كيفهم يغنيني

الغالي بطى وانا امعلق عيني

في كل يوم انقول تو ايجيني

علقتها الخريف ** حش الربيع اتقول وين وكيف

فات الشتاء وعدن ايام الصيف ** واجد اطناشر شهر ياجافيني

الغالي بطى وانا امعلق عيني

في كل يوم انقول تو ايجيني

غناء الفنان الكبير محمد حسن

الغالي بطى وانا امعلق عيني
في كل يوم
انقول تو ايجيني

[ندعوك للتسجيل في المنتدى أو التعريف بنفسك لمعاينة هذه الصورة]

مشكورة اخت بيس علي مرورك وتقبلي تحيات المتمكن

» ننعوالاستاذ صلاح هوجو وانا لله وانا اليه راجعون
» عيني ع اللي جرحه ما نامش عيني ع اللي حب ما قالش
» على عيني على عيني**اهداء**
» عيني يا عيني
» على عيني يا حبة عيني