أغنية ساخرة من الـ 100 يوم

[ندعوك للتسجيل في المنتدى أو التعريف بنفسك لمعاينة هذا الرابط]




تداول نشطاء ومستخدمو الشبكات الاجتماعية مقطع فيديو لأغنية تسخر من مشروع الـ100 يوم

للرئيس محمد مرسي، بعد فشله في تحقيق أغلب بنوده، وإن لم تشر الأغنية إلى هوية منتجيها سواء تأليفًا أو تلحينًا او آداءًا.

وتقول الأغنية التي تحمل عنون '' كشف حساب ال 100 يوم للدكتور محمد مرسي'':

اصحى يا مرسي وصح النوم.. عدوم وفاتو الميت يوم


اصحى يا مرسي بلاش تهجيص.. احنا زهقنا من الترقيص

مشروع نهضة طلع فنكوش.. وال100 يوم كانوا حلق حوش

100 يوم خلوا العيشة تيت.. مرسي بييجي مصر ترانزيت

بيبي بيب بيب.. ميت يوم مش لاقيين أنابيب
ا
لأنبوبة بـ 100 جنيه.. الغلابة هيعملوا ايه

والبنزين وألا السولار.. الطوابير من الدار للنار

غني علينا بناي وكمنجة.. قال البامية وقال عالمانجة

يا مرسي في بيتكوا بتطبخوا ايه.. 100 يوم قوطة بـ 10 جنيه

يا مرسي في بيتكوا بتشووا فراخ.. 100 يوم عيش دوخنا وداخ

يا مرسي في بيتكوا بتعملوا لحمة.. 100 يوم عدوا ما شفنا الرحمة

حد أدنى للأجور.. مطلب ثوار مع جمهور

مرسي يا مرسي يا مرسي يا مرسي.. يا العدالة يا إما الكرسي
ا
جكي يا مرسي على المرور.. لف يا مرسي علينا ودور

لا ولا ولا لا ولا.. احكي يا مرسي على الزبالة
واحكي كمان عن سينا كتير.. ع لإرهاب وعن التهجير

قال حيجيب حق التحرير.. كرم عنان والمشير

قال حيوزان التأسيسية.. 100 يوم عدوا خيبة قوية

قال هيهيكل الداخلية.. والداخلية هي هي

قال حيجيب ديمقراطية.. ساب جماعته مش قانونية

قال جاي يحكم باسم الدين..ساب اخواتنا في الزنازين

قال حيجيبلنا هيبة الدولة.. 100 يوم شايفين خيبة الدولة

قال مش جاي بقميص وحراسة.. ناقص يمشي معاه قناصة

الجرافيتي والنبي دانيال.. ال100 يوم خلو العيشة شمال

أخون أخون فيها كمان.. 100 يوم بيعين أخوان

حقق في محمد محمود.. حق اخواتنا أكيد حيعود

القصر العيني وفي ماسبيرو .. القصاص ومفيش حاجة غيرة

حق الألتراس راجع راجع.. 100 يوم عدوا ألم ومواجع

ثورة وقامت للحرية والعدالة الاجتماعية

أنا مش خايف زي زمان.. لسه الثورة في كل مكان

لو ضربونا في الشوارع.. صوت الثورة طالع طالع

لو مسكونا في البيوت.. برده الثورة مش هتموت

علي في سور السجن وعلي.. بكره الثورة تشل ما تخلي

علي يا مرسي كمان وكمان.. بكره نشيل والزور حيبان..

دائما تاتى بكل ما هو جديد يا ابن البلد


ولكن بالنسبه لى شخصيا


ارى ان كل من يدعمون تلك الامور هما كلاب السلطه


الكل طامع فى السلطه

يبقى مدام حمدين طامع فى الكرسى والبرادعى كذلك والاخوان كذلك يبقى خلينا وراء مرسى الى ان نشوف اخرتها

يمكن يكون محققش كتير

لاكنه لام يسرق حتى الان


تحياتى لك

ههههههههههههههههههههههههههههههههههههههههههههههههههههههههههههههههههههههههه

هههههههههههههههههههههههههههههههههههههههههههههههههههههههههههه

تصدق بالله اتمزجت منها اكثر من اغاني ام كلثوم

تحفه وروعه
تحية حب واعجاب وتقدير لكل القائمين عليها حتى وصلت هنا
وتحية تقدير واحترام خاصة لك ابن البلد

شمس الغاليه

الف حمد الله ع السلامه

والله نورتي ايه الغيبه الطويله دي

اوعي يكون السبب لما عزمتك ع الغدا انتي البنت بتاعه

الكمانجه وافتريتوا اكل مانجه

حرمت يا شمس مش حعزمك تاني

علشان ما تحرميناش من وجودك نورتي

تقبلي احترامي