نكتة مصــــــرية بامتياز

السلام عليكم

أخترت لكم اليوم أحبائي هذه الفرفشة الذكية من طالب لا يحسن الإعراب لكنه متضلع في المعلومات العامة وهكذا رأيته

ترى كيف رؤيتكم هي له ؟

واحد مسطول .. دخل امتحان عربي ... جاتله الأسئلة الشفوية على الشكل التالي


أعرب الجملتين التاليتين :

1- ( سور الصين العظيم )
2- ( مرض جنون البقر )


صديقنا تنحنح قليلا ووقف مجيبا

إجابة لِبتاع الأولاني ( سور الصين العظيم )

سور : هو البتاع اللي بينط من فوقو الحرامي عشان يخش البيوت ويسرق..
الصين : نوع من أنواع الأدوات المنزلية ... بس نوع مفخر ة ... الطقم بيوصل ل 100 جنيه في العتبة
العظ : لما بيخش عليك حيوان بيعمل كده ... وأشهر حيوان معروف بالحاجه ديت ... هو الكلب
يم : تقريبا والله أعلم ... بحر او حاجة كده
يعني الجملة كلها معناها تيتلخص كده
لما إنط حرامي من فوق السور ... عشان يسرق طقم صيني .... الكلب حايعضو .. فالبحر


إجابة لِبتاع التانيه ( مرض جنون البقر )

مر : دي الحاجه اللي طعمها بيجيب مراره في الحلق
..... ويخليك تفصل دماغك قوام
ض : تقريبا حاجه زياده ... شوية حبر في الورقة ولا حاجة كده ... مالهاش لازمة من الإعراب
جن : اللهم احفظنا من العفاريت والجن والحركات دي يارب ... إحنا ناقصين مزاولة
ون : دي أصلا إنجليزي ... ومعناها ( رقم واحد ) ... لغات أنا برضه أزيدها فلكلام
ألب : دي جبال موجوده في بلاد بره ... وجبال عاليه أوي ... بتاع 200 كيلوجرام فوق سطح برج الجزيره
قر : ليها معنين حسب الجمله ذات نفسها
المعنى الأولاني : الحسد والقر والكلام ده .... ودي مش راكبة على الحوار بتاعنا
التاني : إختصار لكلمة ( قرنفل ) ... على طريقه المعلم ( رضا ) .... ---> أنا باقص الكلا .... الكلام يعني
ودي راكبه في الحوار ده ...
يبقى ملخص معنى الجمله دي ------
المراره لما تجيلك .. هات جني ( نمبر وان ) .. عشان يطلع جبال الألب ... ويجيبلك قرنفلاية


خلصنا الامتحان

وأخونا ينتظر النتيجة منكم أيها الأعضاء الكرام في مداخلاتكم

وتقبلوا تحيات

عبد العزيز

عبد العزيز

تخيل ان المصحح او المراجع مسطول زيه

النتيجه

حيقطعها له كده

ال ـ ـ ـ الله يخرب بيتك يا بعيد

نت ـ ـ ـ ده تفتحه وتقرا فيه وتتعلم شويه

يج ـ ـ ـ يجيك مصيبه ضيعت الدماغ اللي انا عاملها

ه ـ ـ ـ هتسقط يعني حتسقط

هههههههههههههههههههههههها


عبد العزيز تحياتي

السلام عليكم

خفيفة الظل ــ كعادة المصريين تجاه الطرفة ــ هي مشاركتك لكن ؟؟

لم التخيل وقد خربت بيته وشطبت عليه أليس هو أفضل من كثيرين نقابلهم اليوم متأبطيين كراريسهم بينما حواراتهم ترفرف بعيدا عن الحال ....

أستوقف شبابا مختلطا تتطاير حواراته وحركاته بعقم في موضوعات أبعد ما تكون عن حاجته

أسألهم متعمدا عن المفاعيل فتتشابك النظرات في تعجب وكأنني أسألهم عن مادة الكون وبعد قهقهة فارغة قد يتطوع أحدهم فينكر دراستها بعد علما بأن نوعية الدرس تعطى في الرابعة بينما يتأبطون كراريسهم أمام الإعداديات أو الثانويات وقد أبتعد قليلا حتى الجامعات
قد نجد مسطولا يتكلم حكمة وينطق معرفة لكن من الصعب أن نجد اليوم تلميذا نجيبا عهدناه في أيام دراستنا

لقد طغى اللهو عن الصواب وأصبح الإتكال على رب الأسرة في الذهاب والإياب

شكرا أخي العزيز لمشاركاتك وتحياتك

لك مني أسمى التحيات

عبد العزيز