الاعلان عن وفاة حسنى مبارك اكلينيكيا

ان لله و ان اليه لراجعون

الوكالة الرسمية: مبارك توفي إكلينيكيا عقب وصوله لمستشفي المعادي العسكري
الاعلان عن وفاة حسنى مبارك اكلينيكيا 555_201267221545_s4

علمت وكالة أنباء الشرق الأوسط أن الرئيس السابق حسني مبارك توفي إكلينيكا عقب وصوله إلى مستشفى المعادي للقوات المسلحة مساء اليوم الثلاثاء.
ونقلت الوكالة عن مصادر طبية مسئولة إن قلب مبارك توقف عن النبض وتم إخضاعه لجهاز الصدمات الكهربائية أكثر من مرة لكنه لم يستجب.
كانت وكالة أنباء الشرق الأوسط قد علمت من مصادر طبيبة، في وقت سابق، أن قطاع مصلحة السجون قام باستدعاء الطبيبين المشرفين على علاج مبارك المحبوس بمستشفى سجن مزرعة طرة لإسعافه بعد إصابته بجلطة بالمخ، في تدهور سريع لحالته الصحية.

ساره

الظاهر ان المجلس العسكري كل ما يتزنق يموت مبارك

الحاجه اللي هما مش عارفينها ان مبارك اصبح ماضي

والشعب ينظر الي الامام موته من عدمه لن يؤثر علي الحياه

السياسيه اقتصا ديا حنوفر مصاريف علاجه الباهظه

ممكن نعالج بيها اكتر من 100 مواطن خدمو البلد بأمانه

تحياتي يا ساره

firework12s

و لا تعرف مات و لا ما مات
و شكلهم كدة حيعلنوا وفاته و بعدين زى الافلام يهربوه لبرة مع مراته و اولاده
و يتمتعوا بقى بفلوس البلد
ووقتها يعملولوا عملية تجميل عشان مفيش حد يعرفه
و يا عالم حيختاروا فيلم ايه عشان يعملوا زيه
شكرا ابن البلد لمرورك الجميل

يس على م ع

مات

ههههههههههه

والنبي خايف يموتنا كلنا ، ويحكم البلد تاني

ال مات ال

دي جته منحسه يجماعه

الله يخربيتك كل شويه تاخد مني حسنات كده

hghj5

تسلم ايدك يساره hghj5

ههههههههههه
المصيبة يا برنس ليكون عايش عشان ياخد حسنات على حسابنا
شكرا لمرورك
و ربنا يصبرنا

يس على م ع

لنفرض انه مات اكلينيكيا فعلا
متستعجلوش ده لسة في موت عسكريا
وموت سياسيا
وموت عزرائيليا ده بقى اخر المطاف الظاهر انه بيؤمن بالأغنية الي قالت درجة درجة
يخرب بيته برضه عايز ياخذ حسنات مني
استغفر الله العظيم
و بعدين يموت او لا دي نقطة منتظرة لاي شخص ولو دي ذريعة لتشويش افكار الشعب تبقى مش نافعة
ويا ريت الناس تعتبر شوية ومتفرحش لموت ناس مهما كانت ظالمة و خليهم بدل الشماتة تعمل شي ينفع على الاقل
شكرا و تقبلو مشاركتي و ردي على الموضوع

iiiiiiiiiiiiiiii

هههههههههههههههههههه

ابو الهول خرج عن شعوره شوفو قال ايه

الاعلان عن وفاة حسنى مبارك اكلينيكيا 547075_380687395318487_290489345_n

الاعلان عن وفاة حسنى مبارك اكلينيكيا 547075_380687395318487_290489345_n

هههههههههههههههههههه

زمن بكينا منه

ااااااااااتمنى ان لا نبكي عليه جزين

أنا بجد مستغربة من كل الردود دي والمشاركات دي !! ليه كل السخرية دي منه ومن موته !!!

مبارك مهما كان ومهما عمل ومهما حصل ، فهو في النهاية إنسان ، مصري ، مسلم ، يؤمن بربنا ، وربنا وحده هو المنتقم وكفاه عقاب ربه ، قادر يرحمه أو يعاقبه ، لكن إحنا كل اللي علينا نقول ربنا يرحمه ويسامحه .

ال30 سنة اللي فاتو مش كانوا مبارك وبس ، وحتى بعد مبارك وبعد نظامه اللي انتهى ، تقدروا تقولولي مين السبب في اللي بيحصل دلوأت من قتل ونهب وبلطجة وتزويير وخراب ودمار من كل ناحية !!! مين السبب !! مبارك بردو !!

ارحموا عزيزَ قومٍ ذل ، ، ، ارحموا مَن في الأرض ، يرحمكم مَن في السماء .

اللهم ارحم موتانا وموتى المسلمين ، اللهم آمين.

معذرةً للجميع ، بس بجد اللي قرأته هنا في هذا الموضوع استفزني جدا .

شكراً لكم .

اسمحيلي يا ست هانم ارد عليكي
بصفتي عربية ومسلمة مثل ما تفضلتي حضرتك و انا الي لاحظته من انك مسامحا الاستاذ البيه الرئيس السابق
اتضحلي انك مش من الناس الي اتقتلهم حد بسبب المذكور و لا انك ذقتي احنا من بعيد و قهرنا الي شفناه و الي سمعناه
ولو ربنا حيسامحه اسمعي الناس الي يا ما شافت و اتظلمت على ايده
و انت بكلامك ده تقريبا برأتيه من أفعاله و محدش ليه الحق يبرء حد إلا لو كان ظالمه وسمحله على ظلمه ليه
والوضع الي تعيشه مصر اكيد بسبب بقايا النظام السابق
و احنا لا نتهم مبارك بس الناس لما قامت و ثارت قالت النظام برمته و النتائج دي كلها كان شي منتظر و مبارك كان رئيس يعني المسؤوول الأول
كلكم راع و كلكم مسؤول عن رعيته
وطبعا أنا ضد الرقص و الطبل و الشماته على موته سواء هو أو غيره حتى القذافي كنت رافضة ما حصل به و لكن قبل عذاب الاخرة هناك عذاب الدنيا و الله يمهل و لا يهمل و كل ينال جزاءه
وشكرا

فعلا كل منا راع و كل راع مسئول عن رعيته
و لو الراعى انشغل عن رعيته حتى اكلها الذئب فسيكون هو المسئول عن ذلك
فلن نقول ان الرعية هم السبب لان الذئب اكلهم
رضى الله عمر ابن الخطاب قد قال :
"والله لو أن بغلة عثرت بشط الفرات لكنت مسئولا عنها أمام الله، لماذا لم أعبد لها الطريق".
فمن من الحكام يستطيع ان يكون فى مثل عدله و ضميره الحي؟

nassima كتب:: اسمحيلي يا ست هانم ارد عليكي
بصفتي عربية ومسلمة مثل ما تفضلتي حضرتك و انا الي لاحظته من انك مسامحا الاستاذ البيه الرئيس السابق
اتضحلي انك مش من الناس الي اتقتلهم حد بسبب المذكور و لا انك ذقتي احنا من بعيد و قهرنا الي شفناه و الي سمعناه
ولو ربنا حيسامحه اسمعي الناس الي يا ما شافت و اتظلمت على ايده
و انت بكلامك ده تقريبا برأتيه من أفعاله و محدش ليه الحق يبرء حد إلا لو كان ظالمه وسمحله على ظلمه ليه
والوضع الي تعيشه مصر اكيد بسبب بقايا النظام السابق
و احنا لا نتهم مبارك بس الناس لما قامت و ثارت قالت النظام برمته و النتائج دي كلها كان شي منتظر و مبارك كان رئيس يعني المسؤوول الأول
كلكم راع و كلكم مسؤول عن رعيته
وطبعا أنا ضد الرقص و الطبل و الشماته على موته سواء هو أو غيره حتى القذافي كنت رافضة ما حصل به و لكن قبل عذاب الاخرة هناك عذاب الدنيا و الله يمهل و لا يهمل و كل ينال جزاءه
وشكرا

مبدئياً أشكرك على طريقتك في الكلام معي ،

ولكن يا أختي العزيزة ، مش لازم يموت لية حد علشان أشعر بالظلم والقهر ، ممكن أكون مريت بأشياء أخرى أو وقع علية ظلم آخر من النظام القديم ... كل ما قلته ، إني مش أحب إننا نشمت في الموت أو نسخر منه !! لا قلت النظام القديم أنا معاه ولا ضده .
أشكرك على ردك علية وعلى توضيح رأيك .
لكِ مني كل الاحترام أخت نسيمة .

» متظاهر: مطالبنا الأن هى ليست إسقاط حسنى مبارك بل إعدام حسنى مبارك
» نكت على حسنى مبارك مسخرة @ نكت عن حسنى مبارك روشة
» حوار وزير العدل وتفاصيل محاكمة حسنى مبارك وجمال مبارك
» بالفيديو حبس حسنى مبارك و علاء و جمال مبارك الله اكبر و تحيا مصر
» شعر فى عصر حسنى مبارك