مسيحية وطنية تفحم مسلما مخدوعا !!

مسيحية وطنية تفحم مسلما مخدوعا !!
أخت تحكي...
ركبت النهاردة تاكسي ...وركبت قدام بنت مش محجبة ... السواق سألنا حتنتخبوا مين ؟... فأنا سكت وهي قالت:محمد مرسي ... قالها ::إزاي؟؟؟ إخوان؟؟؟؟ ...

وبدأ عشان ينتقد فقال أول جملة"أنا مسلم واسمي محمد"قامت البنت اللي قدام قاطعته:وأنا مسيحية واسمي ماريان !!!

فسكت وبصلها باستغراب وقالها:طب دة شفيق قال إنه حيحط الإنجيل
في المناهج أو حيلغي القرآن منها ...

قامت ردت : اللي مايحترمش دينه إنهاردة عشان أديله صوتي ... بكرة يخرس صوتي عشان يفضل في الحكم... قالها : عندك حق وسكت !!! .....قامت قعدت هي تدافع وتقوله:

لما كنيستي اتفجرت كان شفيق مع مبارك والإخوان في المعتقل....

ولما شهداء مننا ماتوا كان شفيق رئيس وزراء ....والإخوان في الميدان..

تفتكر مهما كانت غلطات الإخوان ومهما عملوا يوم ما اختار ها اختار اللي قتلني وأسيب اللي اتقتل زيي؟؟..

لما قالها: والله عشان كلمتك دي حنتخب مرسي ....
كنت أنا بدأت أعيط من كلامها أصلا :)
ووأنا نازلة قولتلها ربنا يحميكي بجد :)

نهر

اكيد اللي مالهوش خير في اهله ملهوش خير في الناس

واللي يبيع دينه مش حيكون امين علي اديان الاخرين


شكرا يا نهر