شكرا يا اسكندريه

من الطبيعي ان حمدين صباحي يكسب 100% في كفر الشيخ مسقط رأسه

ولكن تعالو نشوف اسكندريه


اسكندرية فى 2005 اهانت مبارك و اكتر مدينه انتخبت ايمن نور

اسكندريه قدمت خالد سعيد وسيد بلال شرارتي الثوره


اسكندرية فى الاستفتاء اقل مدينة قالت نعم

اسكندرية اول مدينه ولعت في شرطه المخلوع وحمت نفسها في الثوره

اسكندريه اول مدينه خلت الشرطه تمشي عريانه ايام الثوره

اسكندرية فى 2012 بيكسب فيها حمدين بفرق اصوات كبير

مش غريبه علي اسكندريه


الشكر كمان لبورسعيد ورجالتها اختارو حمدين

لافلول ولا استبن


شكرا للمنيا رجاله قالو الشهداء اهم


شكرا لامبابه وشباب امبابه

خذلني شعب السويس ولابد ان يتاسف للشهيد

اول شهداء يناير من السويس

ايه اللي حصل يا سوايسه


ايا كانت النتيجه حمدين صباحي مليت مكانك وكنت الحصان الاسود

وقلبت الموازيين افتخر باني اسكندراني

وافتخر بان كل عائلتي ايدت حمدين صباحي

احتراما لدم الشهداء

فعلا ليك حق نفتخر بانك اسكندرانى يا ابن البلد
و انا قاهرية و بفتخر من رفعوا اسم حمدين صباحى فى المقدمة
كل مصرى يجب ان يفخر بنفسه عندما ينتخب رجل بحق شريف كحمدين صباحى مهما كانت النتيجة
و عمار يا اسكندرية يا ماريا

لان اغادر قبل ان اقول

منك لله يا منوفيه

انت والشرقيه

او بالاخص الا انتخب منكم شفيق انتم واخوتنا الصعايده

للاسف الشديد نحن سنكون ضحية الجهل و قلة الضمير التى ربا مبارك الشعب عليه
لم يكفيهم 30 عاما عبودية و ذل
قد نتج ذلك الجهل و المرض
كان لدينا امل فى حياة جديدة و عادلة
لكن واضح لن نجدها الا فى الاخرة
لكن الله وحده لا يعطى رشاوى او يستغل احتياج الفقراء
لنا الله و حمى الله مصرنا من كيد الكائدين

يا جماعة : زي ما إحنا لينا وجهة نظر في حمدين واخترناه ، أكيد الناس دي ليها وجهة نظر في كل شخص اختاره ،
يعني مثلاً في المنوفية ، اختاروا شفيق عن إقتناع شديد ، ليس عن ضغط .
وده كلام أهل المحفظة نفسها ، ،
الخوف بجد بالنسبالي مش من شفيق بقدر ماهو من مرسي ، لأنه صَرَّح قائلاً : إنه له مرجعية في أي قرار قبل أن يتخذه ، وهو الرجوع إلى مرشد الجماعة !!!
طيب طالما هو ناوي يرجع له ، ما كنا رشحناه هو بداله!!! ، يعني أيه اكون رئيس جمهورية ويكون قراري من شخص تاني!!!
ربنا يستر ويُوَلِّي مَن يصلح ، ولا يكون غضب علينا من ربنا أو عقاب ، بإن يكون الرئيس واحد من الاثنين.
واحد يقول : } للأسف الثورة نجحت { والثاني : } له مرجعية في آرائه وقراراته{ .
لنا ولكِ الله يا مصر .

الظاهر اننا داخلين قريب ان شاء الله وبدون مقاطعه

علي التفرقه بين المحافظات ، لان دي الحاجه الوحيده الي ناقصه

ولسه مدخلناش فيها