شاي و قهوة بس

موضوع: شاي و قهوة بس السبت 12 مايو 2012, 1:32 pm

واحد راح يشتري عربية.
لقى كل العربيات غالية عليه.
بعدين لقى عربية قديمة و عليها تراب كتير بس سعرها مناسب.
صاحب المحل قال له العربية دي فيها ميزة هايلة.
بص كدة ..وقام مسح بإيده التراب اللي عليها قام طلع منها عفريت .
قال له :شبيك لبيك تطلب إيه؟
قال له هات شاي للبيه حالاً..
في لحظة كانت كباية الشاي قدام الراجل.
قام اشترى العربية فوراً و ساقها و طلع بيها على حتة أرض فاضية و قام نزل و مسح التراب اللي علي العربية.
قام طلع له العفريت.
قاله عايزك تبني لي هنا قصر كبير فيه جنينة و حمام سباحة و ملعب تنس و.....
قام العفريت قال حيلك حيلك إنت فهمت غلط .. أنا شاي و قهوة بس

عفريت متواضع جدا

صاحب مزاج

عموما شاى وقهوه احسن من مفيش

عفريت عارف قدراته ، والله كويس ، لو كل واحد عرف قدراته ، كانت الدنيا دي تبقى تمام ،
لكن إزاي مفتيش ، وأقول معنديش ؟
بس أجمل ما فيه ، إنه صاحب مزاج ، شاي وقهوة .
شكراً لك أستاذ محمد ، لك تحياتي ، وتقبل مروري.

» احن الى قهوة امي.....نانسي
» هل أنت جزرة أم بيضة أم حبة قهوة ؟
» ماذا يحدث لو وقعت حشرة في فنجان قهوة ؟؟
» كوب قهوة بنكهه الفلسفه لاعضاء المنتدى
» قهوة شمس هدية خاصة لأعضاء المنتدى