انتخاب اجمل اسم بالمنتدى .......؟

ساره والبروف ايامكم حلوه

ايه هي تركه البرنس له ناس تدير اعماله

وناس لازم تحضر وتراقب التصويت والفرز









برنس مضي عهد التزور والنوم في صناديق الانتخابات


البرنس وبس اخي الناخب

طلع البرنس اللي جواك

sara كتب:

ماشي يا بروف كلامك اوامر
بس انا شايفة كدة العصابة حترش الرشاوى
و الدليل اهو بيعرضوا علية على الملآ غسالة فول اوتوماتيك
شفت بقى؟ شكلنا حنعمل ثورة ضد الرشاوى و الدليل الغسالة
و طالما انا اتنازلت عن ترشيحي و حقوم بالاشراف على الصناديق
يبقوا يوروني حيعرفوا يرشوا ازاى
الصناديق معايا و انا صاحية ليل نهار و ما حنام
و لو حبيت اغفل شوية حنام فوق الصندوق

اقتلوا ساره وهاتوا الصناديق

بصراحه بعد ما روحت وجيت ومن غسيلكم انا اتهديت

هروح اخد فومين


وعلى البلكونه انشر موضوعين


وربنا يسترها على كل الناخبين

بعد ما المراقبين نامت ع الصندوق

ورئيس اللجنه استغل الغساله في غسل فومين

وده اهدار لاموال مرشحنا النزيهه البرنس اجمل اسم ورسم

ههههههههههههههه

بقى كدة يا برنس ديه اخرتها؟

عايزهم يقتلوني عشان الانتخابات؟

طب انا معايا مستندات و حقدمها لمجلس شعب المنتدى

و حتتقدم للاستجواب و حنسحب منك الثقة

و بعدين انا مش شايفة غير وفاء و ابن البلد اللى واجعين قلبهم على الفاضي على الحملة

هما فين الناس اللى انتخبوك دول انا مش شايفة حتى القطة بتاعة وفاء انتخبتك

ههههههههههههههههههههه

يا خسارة الفلوس اللى صرفتوها فى الحملة

يــا عصـــابـة , مــفــتريــه قـــوى وانا وراكـــى وراكـــــى

وبكل قوتــى ياعصـــابة و ح أتـــــحـــــــــداكـــــــــــــــى

بس قبل مــا تـــروحــــى اللجنة خدى معاكى عشــــاكـى

كنتاكى وبرجر عســاكــى تشـــــبعـــى وترجعى عساكـى

لا حول ولا قوة الا بالله

اغيب يومين الاقي المنتدى مولع

انتحابات ورشاوي و دعايات

واضح انو هناك ايادي اجنبية تدعم هاته النخبة التي تحاول ان تجعل من البرنس المزعوم برنس حقيقي

هههههههههههههههههههههه

اخي البروف علاء و السيد احمد ابو طارق المكلف بوقف هذا العدوان الثلاثي لا تفشلو ولا تتراجعو

الى الاماااااااااااااااام

يلا البرنس يرشح نفسه من يرشح حالو كمان [b]

فين البرنامج الانتخابي الخاص بيك يا برنس؟
وَلَّا أنا هاتعب نفسي وصوتي على الفاضي وأنا بقول البرنس البرنس ، لالالالالا ، أنا عاوزة فعل ، مش بحب الكلام وبس ،
وفين يا جماعة المنافس للبرنس ؟ ولا هو واخد الانتخابات كلها لنفسه وبس ، عاوزين أي مرشح تاني أمامه .
عوزين سباق وتنافس .

يعنى بقالك سنة مرشح نفسك يا برنس
و الفلوس نازلة بالملايين على الدعاية
و المكلفين بالدعاية شغالين على الفاضي
لالالالالالالالا شكلهم كدة فاشلين دور على حد غيرهم
يمكن تصعب على حد و يدخل ينتخبك
ههههههههههههههههه

اعضاء المنتدي الجميل

برنامجي واضح وصريح وفصيح

1 - الاهتمام بالطرق والمواصلا وتتلخص هذه النقطه فالتالي

أ تحسين المواصلات العامه وتعديل موديلات السيارات والاتوبيسات الخ ----

ب الاهتمام بالطرق جيدا بازاله المطبات الصناعيه التي لا تشكل تهديد علي حياه المواطن

واعاده اسفلت الشوارع جيدااا

2 - التعامل مع الدول العربيه بنظام التاشيره لكل زائر ( وخاصه دول الخليج العربي )

3 - الاهتمام بالعماله المصريه الموجوده بالخارج وتامين سفراء مخلصين للسهر علي راحتهم


4 - كل منطقه يزيد عدد افرادها عن 1000 مواطن يجب ان يكون بها فرن عيش

5 - الشباب من سن 20 سنه ليهم فرص عمل مضمونه وداخل بلدهم

الا وهي سينا

6 - فتح مشاريع جديده في سينا

7 - كل شارع عسكري بالصفاره بتاعته زي زمان

8 - رفع جميع الواتب ابتدأ من 1000 الي 1500 جنيه فيما فوق نظرا للمهنه

10 - الغاء جميع الضرائب المفروضه من النظام السابق والنظر بها بشكل صادق

11 - وقف تصدير الغاز لاسرائيل ، والنظر بمعاهده السلام طبقا للوضع الحالي

12 - وقف استلام المعونه الامريكيه

13 - جعل التعليم اجباري للمرحله الثانويه

14 - بالنسبه للتعليم يكون مجاني تماما نظرا لظروف المعيشه الخاصه بالطالب

15 - مساعدة الجيش بكل شتي وبجميع السبل وتسخير كل ماهو متاح لخدمته

16 - اطفال اشوارع تخصص دور رعايه ومدارس خاصه حتي المرحله الاعداديه

17 - اعاده زراعه القطن المصري طويل التيله كما كان يطلق عليه

18 - الاهتمام بالفلاح المصري وتهيئه له ما يحتاج من حبوب وخلافه

حتي تعود الزراعه مثل ما كانت فنحن بلد الزراعه من اكتر من 4000 الاف سنه

19 - القضاء تماما وبدون تخازل علي الحبوب المسرطنه

20 - مراقبه رجال الاعمال واصحاب الشركات من جهه امنيه تتولي هذا الاتجاه

21 - مراقبه اموال رجال الاعمال وغيرم من اصحاب الاموال الطائله وتنفيذ ( من اين لك هذا )

22 - تقديم المساعده للطلاب المتفوقين لتكمله التعليم بالخارج علي حساب الدوله


23 - توزع هذه البيانات علي الجهات المختصه والعمل بها فور تسلميها

امضاء

مواطن مصري نفسه الحجات دي تتحقق في بلده

خايفة أقول دي كلها أحلام ، وصعبة المنال ،
لكن مفيش مستحيل ، وربنا يهدي الأحوال .

حتي ركاب التوكتوك يؤيدون البرنس

انا مش شايف منافسين من شهر

عاوزين منافسين اديتكم شهر مهله


هاتو اسماء مرشحينكم

لا نقبل الفوز بي التزكيه

amoli كتب:

يلا قريبا راح تكون النتائج

امااان ربى امان

هناك لجنه خاصه ومشرفه على عمليه التصويت

انا شكلتها مخصوص علشان العمليه الانتخابيه

ولا تخرج النتيجه غير للشخص الا احنا هنخليه يفوز قصدى

الا يستاهل يفوز


النزاهه هيا شعارنا

سيتم اخطارك باسم ريس اللجنه

واعضاء اللجنه


واللجنه المشرفه على اداء اللجنه

وايضا اسماء البلطجيه المساعدين للجنه


مهو مفيش لجنه انتخابيه تنفع من غير بلطجيه

امال ازاى هتحافظ على النزاهه للعمليه الانتخابيه

ريس اللجنة انا وعايزة البلطجية فينهم يلا

Prof كتب:

سيتم اخطارك باسم ريس اللجنه

واعضاء اللجنه


واللجنه المشرفه على اداء اللجنه

وايضا اسماء البلطجيه المساعدين للجنه


مهو مفيش لجنه انتخابيه تنفع من غير بلطجيه

امال ازاى هتحافظ على النزاهه للعمليه الانتخابيه

الاخوة والاخوات

اعدكم انني لن اسمح لاي تزوير بالانتخابات

وسأضمن لكم عدم وجود اي بلطجيه

الاخوه والاخوات

يحز في قلبي ان اري من يريد وجود بلطجيه

في انتخاباتنا النزيهه البعيده كل البعد عن المصالح الشخصيه

الاخوه والاخوات

المنتدي باقي والاعضاء نائمون

amoli كتب:

لا تقلق يا برنس

طول ما امولى تصقف لك بيدها بحراره فلا تقلق

هتسقط يعنى هتسقط

واحــــنــــا كــمــــان عـــمرنــــــا مــــا نخـــــــــــاف


بــلا هـــز كــــتــــاف بـــلا خــلف خــــــــــــــــــــلاف


ياما قولتــوا كتيـــر قوى قوى بـــــالـــــــــــــــــــــــزاف


بس ف الآخـــــر لازم يتـــــاخـــر بلمس الأكـــــتــــــاف


واحــــنــــا ح نفـــــوز عليكوا انتو الجوز وبصحــن خشاف

امولي طول عمرها صريحه ووضيحه

ومواضيعها دايما بتكون مريحه

امولي احلي طبقه واحلي صوت

والمنتدي حابينها مووووت

شكرا يامولي علي الدعم والمسانده

هههههههههههههه

حنبتدى بقى الرشاوى يا برنس و لا ايه؟

خد بالك انا مراقبة الموضوع