مانتش علي عومي ياموج البحر

مانتش علي عومي

ياموج البحر

ولا يوم من يومي

انفك السحر

[ندعوك للتسجيل في المنتدى أو التعريف بنفسك لمعاينة هذه الصورة]


انا وانت غـُصنين في الميه

تسابقني وانا اقول ولا ميه

وتقولي مين يعلا عليا

ليه خاطرت ليه بسنين العمر

مانتش علي عومي

ياموج البحر

[ندعوك للتسجيل في المنتدى أو التعريف بنفسك لمعاينة هذه الصورة]

وسعات تاخدني لدوامه

وتقولي هنروح لعلامه

دوبت قبلك هنا ياما

مادمت غاوي يطول الصبر

مانتش علي عومي

ياموج البحر

[ندعوك للتسجيل في المنتدى أو التعريف بنفسك لمعاينة هذه الصورة]

ياحنيني ليه بس واخدني

للي تاعبني وكايدني

عالبحر ديما بتسبني

للموج وحِبى سقوني المر

مانتش علي عومي

ياموج البحر

[ندعوك للتسجيل في المنتدى أو التعريف بنفسك لمعاينة هذه الصورة]

يابحر عشقك ملاغيه

ماتوصي موجك حنيه

دنا مت فيك ومليش ديه

سلمت لله فيك الأمر

مانتش علي عومي

ياموج البحر

ولا يوم من يومي

انفك السحر

[ندعوك للتسجيل في المنتدى أو التعريف بنفسك لمعاينة هذه الصورة]


طاهر الصوفانـــى

(مجرد رساله)



انا يابني مش جاي انصحك

ولاناوي اقعد مطرحك

شفتك ف أول الطريق

خٌفت النهايه لتجرحك

ياصاحب الوش الجريئ

مانتش بريئ كما سحنتك

مهمن عليت أخرك لاشئ

داري عن العين بلوتك

امسح دموع المهزومين جواك

مانتاش ملاك

مانتش نبي

فازاي بتدعي بالهلاك

علي كوكبي

إيه حجتك

قاوم شيطانك غفلتك

دا انت استطانك عفريت

قمت افتريت علي صحبتك

رغم انهم هما السبب في قسوتك

وخدوك علي الحضن الطري

قوم تفتري

وفاكرها هتدوم عزتك

دي خايله يابني وغرتك

خلي ابتسامة النصر جوا مدمعك

واقلع لباس الكبر مش هيلمعك

مين يسمعك

لو قلت اه من بعد حين

وان يسالوك فين يوجعك

والجرح جالي وملوا عين

ولاحد حاسس موجعك

مهد لنومك مضجعك

دا اللي انهارده بينصفك

ساعة الخناق بيحفزك

يوم الوفاق راح يحزفك

ويسيبك انت بين نارين

والشعر يابني مش مجون

جايز يكون شئ من جنون

لكنه محسوب ع الأدب

والعد يابني في اللمون

ماياما ناس وقالوا قول

ودقوا ع الروس الطبول

وان كان ياسيدي ع الكلام

فالسكوت زان العقول

ف يابني الدنيا متفاته

وانت كاريها بغتتاته

فمتشمتش فيك نفسك

وانت بتحبي تاتا تاتا

واسمع نصح ناصحينك

ولو ف عنيك عدوينك

مادام الامر بالغلبه

دي شوري وقالها يوم دينك

وانا يابني ولاجاي انصحك

ولاناوي اقعد مطرحك

شفتك ف اول الطريق

خٌفت النهايه لتجرحك

(طاهر الصوفاني)

يا موج البحر

مانتش علي عومي

مشيت علي موجك

بعت هدومي

مانتش علي عومي

حنيت لحضن موجك

زادت همومي

مانتش علي عومي

حبيتك بقي ليلي يومي

اه يا موج البحر

اللي بيني بينك حب

عمره ما ابتدا

اللي بيني بينك قلب

نبضه ما هدا

اللي بيني وبينك سحر

كله حنان ورضا




[ندعوك للتسجيل في المنتدى أو التعريف بنفسك لمعاينة هذه الصورة]


شكرا وفاء

يا موج البحر موجك لعب بيا

عشمتنى بالغرام وجتينى فى المنام

لا عرفت انا انام ولا افسر الاحلام

وخلينى انا فى الحال

بقول يا ستار

اليوم اتنقلنا احلى الاشعار

من طاهر الصوفانى

بايد وفاء اليونانى

واقول تانى اه يانى


اقراء واعيد واعيد واقول

كلام جيد جدا ومحبوب

مبدعة و متالقة دائما يا وفاء
يسلم قلمك و اناملك الماسية
ربنا يوفقك و من انجاز لانجاز يا غالية

كلام حلو ومريح وجدانى

خلانى الف وارجله من تانى

ياريتك تنورنا يا صوفانى

وتسعد منتدنا بكلامك الغالى


[ندعوك للتسجيل في المنتدى أو التعريف بنفسك لمعاينة هذه الصورة]
منك سطور بتعلم

فيها الاحساس الجميل على القلب بيعلم

نورنا مره

وتعالى واتكلم واكتب اشعارك ومنها بنغنى

تسلمى مدام وفاء

مـانتــش على عـومــى يــاموج الـــبحـــر .... مضطر أعــوم عــلــى عـــومــــــك

قـلــعت هـــدومـــى مـــــالــــى مــــــــفــــــر .... بالأمـر اليـــوم مـاهو يـــــــــومـــــك

لا تلومنى ياعم وبعد الشر ولا ألـــــــــــومــــــــــك

تسلم الايادى


تقبلى مرورى وتحياتى

اشكر مروركم جميعا


واكيد اشعار طاهر الصوفانى بتعجبنى دايما


واوعدكم بكل جديد له


تحياتى لكم جميعا

اه يا بحر يا ابو البحور موجك لعب بيا

كتبت دموع العين كلام واثر فيا

لازم ارد واقول جت هنا برجليه

واعمل ايه يا رب يبعد عنكم الاذيه

فنان والفن منك الوان


مره تسجيل ومره فديو ومره صوره بالالوان


تسلمى ويسلم الايادى الا كتبت وخطت كل الاعمال