انت كنت من الثوار العظماء ؟ نازل النهارده ميدان الشهداء ؟ طب لحظة من فضلك

شباب الثورة العظماء :

كل عام وأنتم بخير ،
أقدم التهنئة لكل مَن شارك في الثورة العظيمة وحرر الوطن من الطاغية اللي لا يعرف معنى الرحمة ، الطاغية اللي سقى أرض الوطن بدماء الشهداء

بقول لكل أم كل سنة وانتي طيبة والبقاء لله وحده ،
ابنك قدم روحه ثمن لتحرير الأرض النقية من الفساد
وبقولك ما تبكيش ، ابنك حرر وطنه وبأمر الله هيفتحلك باب الجنة يا أعظم أم وهبتي لمصر أعظم بطل وشهيد
.............................
وانتم يا شباب الثورة ، يلي لسة صامدين ، كونوا زي ما انتم أقوياء ما تضعفوش ، خليكم أزكياء ، بلاش يكون في الميدان تخريب ، أرجوكم ما تعيدوش اليوم ده وتشمتوا فينا الأعداء
||||||||||||||||||||||||||||||||||||||||||
أرجوكم على قد ما تقدروا لو نزلتم التحرير ، خلوه يوم احتفال ، خلوه يوم عيد ، ما تخلوهوش ثورة للمرة الثانية ، واصبروا ، ،
كل شيء بيجي بالصبر ، بس أرجوكم ارحموا أمهاتكم ، وخليكم ثابتين صامدين ، وما تساعدوش حد ناوي خراب للبلد ......
أنا حسيت للحظة إني أم لكل الشباب دول ، خفت عليهم وخفت على بلدي من التخريب ، كفايا ضمار..
يا ناس ممكن الي تبع الطاغية يتكلم بكلامكم على شان يثيروكم ويضيع عليكم النهارده أهم حاجة ، نفسكم ونفسنا نعيشها وهي " عيد الثورة " هما عاوزين يقولوا إن الثورة دي فاشلة
قولولهم لا ، ثورتنا نجحت بصبرنا ، نجحت بعزيمتنا وتحقيق هدفنا
عرفوهم إنكم مش عاوزين لبلدكم التخريب ، وصدقوني الانسحاب في الأوقات المناسبة مهم ، مش ضعف ولا وهن
إحنا عارفين إن في بلطاجية مأجورين على شان يقتلوا الشرفاء ، دول ناس هدفهم محاصرة مصر بكل أنواع البلاء
أنا بترجاكم للمرة المليون ، أمهاتكم يا شباب ، والله البلد بدءت ينصلح حالها ، وإنتم أكتر ناس عارفين إن مصر النهارده أحسن من إمبارح ، وإن شاء الله بشبابها وأولادها العقلاء تكون بكرة أحسن من النهارده .
ولازم نعرف إن اللي بيجي بسرعة بيروح في أسرع الأوقات
يا رب الميدان ما يبقاش فيه أي شيء غير الاحتفال ،
ويا ريت كل سنة حتى لما يقعد الرئيس على كرسيه يبقى عيد الثورة عيد مالوش مثيل ، وكل سنة نحتفل بيه في الميدان ،
نتجمع كلنا في نفس المكان
ويبقى احتفال يحكي عنه وعن نتائج ثورتنا العالم كله في الداخل والخارج.

شباب الثورة " من قلبي بحيكم " الله قادر يحفظكم ويحميكم
إنتم والغالية " مصر " أم الشهداء

أختي الغالية شجن : جميل جدا ما قدمتيه لنا ولشبابنا الثوار .
نتمنى أن يمر اليوم وكل يوم علينا بخير يا رب وأمان ، وربنا يبعد عن مصر وشبابها وأهلاها وشعبها كل شر يا رب.
ونقول لكل أسرة فقدت شخص لها ، فهو محتسب عند الله شهيد ، ولهم منزلتهم عند الخالق العظيم ، .
رحم الله شهداءنا ، وبارك الله في مصرنا ،
ونتمنى لها كل الخير من قلوبنا ، يا رب العالمين.
خالص التحية والتقدير وكل الحب.
كل عام وأنتم بخير.

نعم ياشجن كلامك اليوم كله شجن

لانه نابع عن احساس حقيقي ، احساس وشعور بحب الارض بحب الوطن


واهنئك اليوم خاصة ياامي المصرية

لقد قدمت ابنك شهيدا للوطن شهيدا للحرية

لاتنزعجي ياامي المصرية

فأبناءك ماضون في تحقيق الامل ، في تحقيق المطالب والحقوق المشروعة

لكل مصري حر

انعمي وتنعمي ياامي المصرية وقري عينا فابنك في الجنة وانت لك الله والجنة

اجمل باقة ورد لامي المصرية



امضاء اسرار ودمعتي وحبي الكبير لك ياامي المصرية



[b][center]