إسأل روحك * بصوت وفاء اليونانى

إسأل روحك .. إسأل قلبك .. قبل ما تسأل إيه غيّرني
أنا غيّرني عذابي في حبك .. بعد ما كان أملي مصبّرني
غدرك بيّ .. أثّر فيّ .. و اتغيّرت شوية شوية
اتغيّرت و مش بإيدية
و بديت أطوي حنيني إليك .. و أكره ضعفي و صبري عليك
و اخترت ابعد .. و عرفت أعند
حتى الهجر قدرت عليه .. شو ف القسوة بتعمل إيه

كنت زمان بلاقيك بحناني .. بحر محبة و بر أمان
كنت باحس ان انت زماني .. يومي و بكرة و بعده كمان
كنت باشوفك بعيون حبي .. و انت بعيد أو و انت بقربي
أقرب من بسمتي لشفايفي .. أقرب من إحساسي لقلبي
بعد الود اللي راعيته لك .. بعد الحب اللي وهبته لك
بعد العمر اللي انا عشته لك .. فيه إيه تاني أقدمه لك؟

أنا مانسيتش الحب و عهده .. و لا أيامه ولا لياليه
أما ان كان ع الحب لوحده .. من غير هجرك أهلا بيه
أنا حيّرني هواك .. و أنا علشان انساك
بابعد عن كل مكان .. رحته و لو مرة معاك
و اهرب من أقرب ناس يعرفوا قصتي وياك
و باغيّر أي كلام بيجيب سيرة لذكراك
وصلتني للحال ده بإيدك .. بعد ما كانت روحي ف إيدك
سِبتك و مفيش حد في عمري .. يشغل عنك قلبي و فكري
سِبتك من غير حتى ما أفكّر .. حأقدر أسيبك أو مش حأقدر

إسأل روحك .. إسأل قلبك .. قبل ده كله اتغيروا ليه
أنا غيرني عذابي ف حبك .. لكن انت غيّرك إيه؟
هو حناني عليك قسّاك حتى عليّ؟
ولا رضايَ كمان خلاك تلعب بيّ؟
ولا تسامح روحي معاك غرّك بيّ؟
أنا يا حبيبي صحيح باتسامح .. إلا ف عزة نفسي و حبي
و اما يفيض بي ما باعرف أصالح .. و أعرف آجي كتير على قلبي

غدرك بيّ .. أثّر فيّ
و اتغيّرت شوية شوية .. اتغيّرت و مش بإيدية
و بديت أطوي حنيني إليك .. و أكره ضعفي و صبري عليك
و اخترت أبعد و عرفت أعند .. حتى الهجر قدرت عليه
و انت يا عيني .. لو في مكاني يا عيني
كنت حتعمل غير كده إيه؟
إسأل روحك






أم كلثوم كلمات أخرى

غدرك بية ، أثَّر فيا ، وإتغيرت شوية شوية ، وإتغيرت ومش بإدية ،

وبديت أطوي حنيني إليك ، وأكره ضعفي وصبري عليك ،

واخترت أبعد وعرفت أعند ، حتى الهجر قدرت عليه ، شوف شوف ، شوف القسوة بتعمل أيه ؟ ؟

ما أجمل دفء صوتكِ في أداء كلمات هذه الأغنية الأكثر من رائعة . حقيقي ، اختيار يدل على رقي الذوق والإحساس .

خالص التحية والشكر والتقدير ، وتقبلي مني المرور .

والنبي ياختي وحشتينا ووحشتنا مواضيعك

حبيبتى نهر الحـــب

انتى تنورى اى مكان تكونى موجوده فيه

لكى منى اجمل تحيه وشكر على اهتمامك

دمتى بكل خير حبيبتى

وفاء اليونانى كتب:

           اسال روحك