كلمات أغنية حيرت قلبى معاك لام كلثوم

حيرت قلبــــى
شعر: أحمد رامى
ألحان: رياض السنباطى

حيرت قلبى معاك وانا بدارى واخبى
قولى اعمل ايه وياك ولا اعمل ايه ويا قلبى
بدى اشكيلك من نار حبى
بدى احكيلك على اللى فى قلبى
واقولك على اللى سهرنى واقولك على اللى بكانى
واصورلك ضنا روحى وعزة نفسى منعانى

***

يا اسى بص فى عنيه وشوف ايه انكتب فيها
دى نظره شوق وحنيه ودى دمعه بداريها
وده خيال بين الاجفان فضل معايا الليل كله
سهرنى بين فكرى واشجان وفاتلى جوه العين ضله
وبين شوقى وحرمانى وحيرتى ويا كتمانى
بدى اشكيلك من نار حبى
بدى احكيلك على اللى فى قلبى
واقولك على اللى سهرنى واقولك على اللى بكانى
واصورلك ضنا روحى وعزه نفسى منعانى

****

ياما ليالى انا وخيالى افضل اصبر روحى بكلمه يوم قولتهالى
وابات افكر فى اللى جرالك واللى جرالى
واقول ماشافشى الحيره عليا لما بسلم
ولا شافشى يوم الشوق فى عنيه راح متكلم
وارجع واسامحك تانى واحنلك والقانى
دى اشكيلك من نار حبى
بدى احكيلك على اللى فى قلبى
واقولك على اللى سهرنى واقولك على اللى بكانى
واصورلك ضنا روحى وعزه نفسى منعانى

****

خاصمتك بينى وبين روحى وصالحتك وخاصمتك تانى
واقول ابعد يصعب على روحى تطاوعنى ليزيد حرمانى
هفضل احبك من غير ماقولك ايه اللى حير افكارى
لحد قلبك مايوم يدلك على هوايا المتدارى
ولما يرحمنى قلبك ويبان لعينى هواك
وتنادى على اللى انشغل بك وروحى تسمع نداك
ارضى اشكيلك من نار حبى وابقى احكيلك على اللى فى قلبى
واقولك على اللى سهرنى واقولك على اللى بكانى
واقول يا قلبى ليه تخبى وليه يا نفسى منعانى

حيرت قلبى معاك وانا بدارى واخبى
قولى اعمل ايه وياك ولا اعمل ايه ويا قلبى
بدى اشكيلك من نار حبى
بدى احكيلك على اللى فى قلبى
واقولك على اللى سهرنى واقولك على اللى بكانى
واصورلك ضنا روحى وعزة نفسى منعانى










خاصمتك بينى وبين روحى وصالحتك وخاصمتك تانى
واقول ابعد يصعب على روحى تطاوعنى ليزيد حرمانى
هفضل احبك من غير ماقولك ايه اللى حير افكارى
لحد قلبك مايوم يدلك على هوايا المتدارى
ولما يرحمنى قلبك ويبان لعينى هواك
وتنادى على اللى انشغل بك وروحى تسمع نداك
ارضى اشكيلك من نار حبى وابقى احكيلك على اللى فى قلبى
واقولك على اللى سهرنى واقولك على اللى بكانى
واقول يا قلبى ليه تخبى وليه يا نفسى منعانى












مشكورة يااْخت



سارة علي القصيدة الرائعة جدا تقبلي مرور ولك تحيتي وتقديري

شكرا امانى لمرورك الكريم. و لك احترامى و تقديرى.

شكرا اخى المتمكن على مرورك الكريم. لك منى التحية و الاحترام و التقدير.