الفرق بين الشباب والصبايا

[right][right] [right] [right]الحوار الأول

تلتقي ريتا بصديقتها ريما صدفه بأحد المولات مدينة عمان بيعملو شوبينج، وكالعاده بيشترو شغلات فاضيه، ما إلها طعمه

يااااااااااي ... مين ..... ريتا كيفك حبيبتي

اهلين ريما كيفك يا عمري

مشتائتلك كوميات ... إنتي كيفك

مشتائه كتير .... إيش هالنيو لوك هاي .... وين عامل شعراتك

عملتهم بصالون (...........) بالصويفيه

آآآآآآآآه عرفتو .... أمل كِنة مرت عمو أحمد عملت شعراتها فيو يوم عرسها

وااااااااااو .... كتير حلو .. صحيح صحيح .... هيه كيفها بعد زواجها

آآآآآآآآخ يا ريتا ... الله يعينها .... متغلبه كتيييييييييير يا حرام

يا مامي .... ليش

صالون الشعر اللي عملت شعرها فيو .... ئصلها خصلتين زياده ..... هيّ طلبتت
ئصة (النمر الوردي) ويا حرام عملولها ئصة (الحمار الوحشي)

يييييييييييييييييييييييه .... الله يعينها ع
هالمصيبه .... أنا ئبل ما يئصولي شعري ... ألتلهم بدي ئصة (النمر السريع)
لا تعملولي ئصة (تيس الجبل)

يا حبيبتي .... أصلاً إنتي ما بيلبئلك إلا ئصة (النمر السريع) .... كتير جايه ع وشَّك

تسلميلي حبيبتي ... كلك زوء .... بتعرفي انا
بحط رووج فاتح ... ولأنه عيوني حلوين ... فما بينفع إلا ئصة (النمر
السريع) .... بس إنتي بيلبئلك ئصة (تيس الجبل)

ييييييييي .... انا !!!! انا يا ريتا ما برضى أعمل شعراتي الا بعبدون،
بصالون (........) وما بطلب إلا ئصة (النعامه) ........ ما أحلاها علي ....
لو تشوفيها كيف بتطلع مع وجهي خصوصاً إنه وجهي مدور

بس يا ريما إنتي ما بيليئلك غير ئصة (الديك المنفوش)

إيش ئصدك ... يعني أنا مو حلوه

لأ لأ ... مو هيك ئصدي .... انا بقترح عليكي مجرد إقتراح لأنه وجهك جاي بالطول مو مدور متل وجهي

خلص خلص باي

إنتهى الحوار وأسفر عن قطيعه دامت سنين

الحوار الثاني

يلتقي أحمد بـِ محمد

السلام عليكم

هلا ابو حميد وعليكم السلام

شو .... شكلك حالق

آه والله

نعيماً

الله ينعم عليك

إنتهى الحوار