أخلص لوجه الله, علشان تفوز بالأجر.
وقّدم المعروف, يطلع لليلك فجر. وتذّكر الأعمال
الطيبة, في الحال هتحصد ثواب, هتعيش في عز وهنا, بص لبعيد في الخير: والشر
مترحلوش, خليك نزيه في السير والضد متهودوش, ومتطاوعش الشيطان, وقدم
الأحسان, وكون وفي وسداد, وخلي لك صديق متسيبوش. أهلك لتهلك يوم, قوم اعمل
إلي عليك, والمجد لو ينعاد: يبقى بفضل إيديك, هتلفت الأنظار, وهيبقالك مقدار, وفي
القلوب هتعيش, وميبقالكش شريك. لو الوجود اجتمع عشان يضرك يوم,
صدقني رح تنتصر ولراح تكون مهزوم, مادمت حقاني بضمير ملوش تاني: هتكون
بإذن الله من الذلل معصوم. هدفك قصاد عينك عنو متتخلاش, وبمبدأك إحييه وعليه متتوصاش, وقول نشيدك وعيش في عيدك خليك مع مولاك, ولفضله
ما تنساش. الدنيا عيزة الجدع ومفيش على دي خلاف, عيزة إلي يبقى جريء ميخفش
من سياف, وإلي يحب الحق: ميخفش لو قال لأ وبالأصول ملتزم وكفينه بيض ونضاف. عارف
حدود ربنا ومتخطاها ولا يوم, واقف مع المحتاج, وإلي يلاقيه مظلوم يمتاز بحسن السير والذمة في المشاوير, وبييجي على المفتري وبيطعم
المحروم. في كل يوم طالع إلى السما السبعة, وفي الظلام بيأيد لأجل الجميع شمعة, بيغني
مواله والحب راس ماله, وعمره ما نّزل على الخدود دمعة. خليك مع ربنا, سيبك
من المخاليق, هو إلي بيهون عليك في وقت الضيق, وبص في كتابه وحب أحبابه تلقى الرضا يرويك, لو جف لك يوم ريق. لو كنت عايز جاه: خلي
الأله
جاهك, وإن كنت عايز مال: التقوى راس مالك, وإن كنت عايز حب: حِب المجيد تتحب, وإن كنت عايز
حياة: الآخرة أبقالك.