احذرو جريده المصرى اليوم

جريده المصرى اليوم
هيا حريده يوميه تصدر بصفه يوميه مطبوعه واخرى اون لاين على الانترنيت
ومن خلال متابعتى الشبه يوميه لهذه الصحفيه
وجدت الاتى
اثناء التظاهرات تثير عناوينها الوقيعه بين الاخوان وبين السلفين دائما

اما اذا كانت تظاهرات مسيحيه

تحاول ان تثير الفتنه بين الاديان

اصبحت الان لا اثق نهايا بتلك الصحيفه
التى كان عنوانها يوم احداث ماسبيرو
فى الصفحه الاولى ان مايكل دهسته مدرعات الجيش

لعن الله من يوقظ الفتن بين الناس

المصرى اليوم أول ما طلعت كانت موضوعية وحيادية
لحد ما عملت أرضية عند الناس وبدأت تروج للعلمانية بشراسة
مش مشكلة إنها تكون علمانية أو تروج للعلمانية ده مقبول لأن من حق كل واحد يعبر عن رأيه
لكن المشكلة إنها تلبس على الناس وتدعى الحيادية أنا كنت بتابعها لحد ما سابها عمر طاهر وبلال فضل وراحوا التحرير وقاطعتها وزمايل ليا كتير مقاطعينها

الحاجة الوحيدة اللى تخلينى أفتح المصرى اليوم مقال جلال عامر اليومى
ومقال الدكتور يوسف زيدان الأسبوعى

كنت بسمع من فترة إن الجريدة دى بيجيلها تمويل من الخارج ماكنتش بصدق بس دلوقتى مش بستبعد كده خصوصاً بعد دعوة مجدى الجلاد فى المؤتمر الأخير ممثلاً عن مصر بدل فتحى سرور وكان فى ناس كتير أولى منه بالحضور ده

ملاحظة ممتازة ياعلاء بس للاسف مايمنعش إنها الجريدة رقم واحد فى مصر
وإحقاقاً للحق هى مهنيا رقم واحد

اخى العزيز كم اشتقت للحوار معك :دئما يكون مثيرا لي ومفيدا بنفس الوقت
انت بنفسك ذكرت ان المصرى اليوم رقم واحد

ممكن جدا ان تكون الان وصلت لهذا الامر ولاكنى اتوقع ان يتفوق عليها ابراهيم عيسى

انت تعلم ان التمويل عامل رئيسى
المصرى اليومى لها تمويل ضخم وهيا جريده ناجحه

ولاكن دئما ما اكتمل شئ الا وبداء نقصانه

بصراحه فكرت كتيير قبل ما اكتب ملاحظتى على تلك الجريده والتى اعتبرها ملحوظه خاصه بى
البعض يوافقنى والبعض جايز يعارضنى
ولاكنى لم ابداء هذه السطور الا بعد اليقين التام
وربنا يحمى مصر

على فكره

تغير الاقلام فى اى جريده يتبعه تغير فى الفكر والمنهج

كويس انكم تنيرو الناس حتى ما تروح تقع في الفتن والاخطاء ولا تظل
شكرا

فى يوم من الايام كانت جريده الاهرام لها تصنيف عالمى وده كان بسسب
وجود فيها نجيب محفوظ ويوسف ادريس وتوفيق الحكيم
وكان رئيس تحريرهاااا محمد حسنين هيكل

لهذا دئما ترتقى الجريده بمكانه من يكتب فيهاااااااااا


وان شاء الله اخوانى نرى هذا المنتدى يرتقى باقلامكم انتم


وتقبلو راى المتواضع بين ايديكم

ربنا يكرمك يا أخى علاء
ووجودى بينكم فى المنتدى بيوفر لى المتعة والفايدة والثراء الفكرى فى المناقشات وانت على المستوى الشخصى بيعجبنى فى مناقشاتاك الهدوء والتعقل والميول الإيجابية وأكيد بستفاد فى كل مرة وبتعلم حاجة جديدة

هو إبراهيم عيسى عامل شغل جديد فى التحرير بصراحة الجريدة فى شكل وصياغة الأخبار
وفاتح مجال للشباب يعنى بيعجبنى فى إبراهيم عيسى إنه بيتمسك بالكفاءات يعنى مثلاً فى شاب بتعجبنى دماغه جداً اسمه خالد كساب ده كان معاه فى الدستور وخالد البرى وفى نوارة نجم دول من الناس اللى بتكتب بشكل يومى
هو زى مانت قولت ناقصهم إمكانيات وبيتهيألى حيكتسحوا وانا من هواياتى إنى أفلى التحرير كل يوم
بس الخوف إنه بعد ماينتشر وياخد صيت يتحول برضه زى اصحابنا
ويفضل فى النهاية الشعب المصرى الواعى العظيم اللى مش بيتضحك عليه
وزى مانت لاحظت وانا وغيرنا تتحول العجلة للأصلح
شكراً يانسيمة على ذوقك العالى
مش سهلة انتى برضه لأنك من ذوى القراءات النقدية اللى مش بتفوت الهوا

dark alex كتب:

شكراً يانسيمة على ذوقك العالى
مش سهلة انتى برضه لأنك من ذوى القراءات النقدية اللى مش بتفوت الهوا

انت راجل صاحب ثقافة راقية ومطلع
ولوحظ من كل ردودك انك قارئ جيد
وهذه فرصة طيبة اني احييك على مستواك الفكري
ويسعدني جدا التعامل والنقاش معك في اي موضوع اخي الكريم
شكرا لك تقبل فائق احترامي وودي

تحياتى لكما
دارك الاكس
والاخت نسيمه على وجودك الممتع