" ليلة البحر .. " من ليالى أحمد ابوطارق

بحر وفية العجب خلانى صمت ف رجب ماشى كدة وبالأدب مناخيرى جابها الطين

فيه حوت ومتعفرت فى المية ويتنطط ولا فى يوم همه أن باقى السمك خايفيين

عايمين جنبة محرومين وقول جعانين وبردانين وزعلانين وأد اية شباب عاطلين

ما تعوم كدة ف حالك وخاف على مراتك وعلى عيالك مكنشى يوم وتصبحو مساجين

وده قرش وخطير فاكر لأنة كبير مأمور أو حتى وزير طب أعمل حساب يوم للزنازين

دولفين يابو الدلافين شكلك كأنة متين ع السيرك يامسكين وحيسحبوك الحين تلاتة ولا أتنين

ترقص وتترقص ياعم وتهيص الواد كدة مهيص فى رقصك تنط لفوق وتلعب ولا الميامين

بلطية يا بلطية يامبلبطة فى المية آخرك ومشوية أو ساعة مقلية أو حتى فى صنية وواكليين

ياسمكة وملونة واللون بأية يفيدك لو جه ولد صياد بشباكة ويصيدك والواد ده أصلة متين

بس حقول كلمة وياريتها بقى تفيدك الآمر فى حقيقتة لا بأيدى ولا حتى بأيدك وسمعينى آمين

الحكمة يعلمها سيدى أنا وسيدك ولو نصيبك كدة لابد ح يصيبك ولو باقيلك عمر لابد ويسيبك ولحين

ياسمكة وبتكهرب لو البعيد قرب أو حاول كدةيجرب صدقنى تقول لمين وهما كدة مابيسمعو العاشقين

خليكى تترقصى فى الحلبة أبقى أرقصى فى البحر كدة هيصى ومعاكى طبالين وزمارين وكل المغرمين

قواقع آه يا قواقع آزاى أقول الواقع يامة بتشكى مواجع ولا حد ليكى سامع أعداد وبالملايين عمال وفلاحين

ياطحالب يا أعشاب أطفال أو حتى شباب ياريت تفضلوا عايمين ده صاحبنا بعد ماشاب عاملى ياخويا رزين

سردين يابو السراديين أسراب أسراب عايمين لا بآى حاجة داريين وحقيقى مغميين آلآف أو قول ملايين

دول ياخويا الغاويين ودايما متعصبيين عن كل الوجود غايبيين الفكر تاية لسنين فى اللعب وحلاوة اللاعبين

فى البحر تشوف تعبان بيتلوى م الهيجان يعمل عاشق ولهان لو شاف خيال نسوان دوغرى تزوغ العين

حتقول لمين والخلق مش سامعيين ده كأنهم غايبيين وده حتى لو فرضا سمعوا يعملوا ولا كأنهم فاهمين

أنا اللى كلى عيوب ونفسى فى يوم وأتوب ومغرقانى ذنوب لكنى حقلع التوب وفى البحر أخد غطسيين

وياريت بقى أغرق والله ما حصدق فى البحر وأتشبرق أصلى بحب العوم ولو سحبنى القاع قولو ده كان مسكين

يابحر ماله زىمنه وفية الضى سبح بأسم الحى واسأل غفور غفار بيقبل الأعذار يمكن بقى ياصاحبى نكون فالحين

نظرة بقى لحالى وكفاية ما جرا لى بحر مالوش أول ولا ليه كمان آخر نفسى أتتاخراصلح بقى أحوالى واحوال كل االمسلميي.

[ندعوك للتسجيل في المنتدى أو التعريف بنفسك لمعاينة هذه الصورة]

الشاعر احمد ابو طارق

سعيدة بان أكون اول من يعانق رائعتك هذه

ويا بخت من بات مظلوم ولا بات يوم ظالم

دمت استاذنا دوما بكل هذا الجمال والتالق

تقبل مرورى وتحياتى لك

اسكندرانى وبحق 000000000000000 وكلماتك لها مغزى ومعنى ارق
تحياتى لك وبالتوفيق 00000000000 000ودائما الى الامام
من اختك 000000000000 وقريبتك
باتمنى لك الرفعة
والمستقبل الاعلى

ســـــــــــــــــــــلوى

ابو طارق وشباك الهوي بحري

قلنا القرش والدلفن ماشي

قلنا البلطيه والقواقع ماشي

قلنا السردين والتعابين ماشي

طب فين ابو جلمبو

علشان نايم علي جنبو

يبقي ده كل ذنبو

تبيعه يابا فكوم امبو

وتفرشه ع البامبو

وتغنيله المامبو

وتستحماله بشامبو

بيسافر في جامبو

ده برضه ابو جلمبو
ـ،ـ،ـ،ـ،ــ،ـ
ابن عم الاستكوزا

حلوه وموزا

تاكلها قبل الجوزا

وتبلع بقازوزا

،ـ،ـ،ـ،ـ،ـ،ــ،ـ،

سيبك ياعم من النسوان

اللي لابسه احمر ستان

وبتـتكلم بميت لسان

وماشيه من غير ستيان

عندي منهم طليان

ومن كل جنسيه كمان

ستوب خاف الرحمن

وحرص من الشيطان

طنش يابا الولهان

بكره تاكله الديدان

،ـ،ـ،ـ،ـ،ـ،ـ،ـ،ــ،ـ،ـ،ـ،ـ،ـ،ــ،ـ،ـ

عمي يا حلواني عمي يا باشا

عمي يا معجباني كلامك بغاشه

عمي يا اسكندراني كلامك احياني

ومن التعابين أأأأأأأأأأأأأأأأأأأأأه

يانييييييييييييييييييييييييييييييييييي

ابو طارق تقبل مروري الضعيف

لحد ما أخد شويه فيتامينات

بتقول السقا مات

لك مني بحر سلامات

اه والله اليوم انت عملت اسقاط قوى
والحدق يفهم ويقول
والا كان بحب الحوت ممنون
اه والله وجه عليه الدور
تحياتى ليك يا ابو طارق على التعبير الخيالى الجمالى
الذى يبرز المعنى ويوضحه

لك منى كل التحيه والتقدير

ابو طارق انت كمان حوت لاكن بالكلام الجميل
انت كمان قرش لاكن مش ممكن تغش
وانت كمان عطفك على المسكين بعدد السردين
وانت كمان محبوب كحب الانسان للدلفين
وانت كمان ملون احلى الوان بنحبها
وانت يا يا ابو طارق يا انسان
عجزت اعبرلك بكلام او بيان
عن خاطرتك الا جمعت كل الالوان
من القرش للحوت والبلطيه كمان
واه من ده زمان
اكل فيه الكبير الصغير وقال هات كمان

تحياتى لك وخالص تقديرى

صعب صعب التعليق على الخاطرة الرائعة

ديما بتخدنا بخيالك الجميل لكن ها المرة كان العمق كبير والاعمق منو التصور والمعاني

متالق دائما اخي ابو طارق ومزيد من الابداع

الله الله عليك يا ابو طارق

سلمت يداك و اناملك على ما تكتبه لنا من روائع

و ليلة البحر كانت من اجمل ليالي ابو طارق

فهنيئا للبحر بهاته الليلة

و لك مني كل المودة و التقدير و الاحترام يا امير الخواطر

ياعم أزاى بتقول مرورك ضعيف

وانت على صفحتى تنور أجدع ضيف

والصفحة دى صفحتك بالعافية وحد السيف

لا هو بمزاجى ولا بكيفك يابن بلد حريف

صدقنى بتهل وكأنك احلى نسمة ف صيف

صدقنى دانت انا وانا انت حاجة وكدة ع الكيف

ياتلتمية مرحبة بكلامك واسألك جبتة أزاى وكيف؟[ندعوك للتسجيل في المنتدى أو التعريف بنفسك لمعاينة هذه الصورة]

رائع رائع رائع
مزاج اجمد من اي خيال
وتعبير قوي جدا والي ما يفهم بيفهم
ربنا يصلح الاحوال
ويبعد عنك وعننا كل شر وكل شرير اثيم
ان كان قرش ولا ثعبان ولا سردين
وصدقني الكل فاهمين وعارفين
ومش مهم مين ولا مين
والمهتمين
المهم نكون مرتاحين
وكلنا يقول امين
خاطرة جامدة يا ابو طارق يا سيد الفنانين

سلوى ياجاية ومعاكى جايبة نسمة ندية م أسكندرية

ياصفحة بيضة فى كتاب حياتى وذكرياتى وم اللهية

مهما أطوف واشوف الوف انتو آهلى وانتو اللى ليا

سبحانة عطاكى آدب باباكى ولا عمرى انسى أمى الشامية

لما آقابلها وابوس ف ايدها كات من آدبها تشيلها بكل حنية

يابنت بلدى ولا عمرى أنسى شارع المواردى والعشرة دية

اصل حقيقى فى أول طريقى علمتونى أسمى المعانى الأنسانية

شكرا ياغالية وتمللى عالية وتفكرينى بأحلى سنينى وبسكندرية[ندعوك للتسجيل في المنتدى أو التعريف بنفسك لمعاينة هذه الصورة]

الله الله الله

عليك يا كبيــــــــر

طول عمرك كبير بحضورك و بكتاباتــــك

كلماتكــ ابحرت بي الى اماكن اعمق من عمق البحر ذاتــــه

والمعنى اللي بين الحروف رائــــــع

أشكرك على ما خطته يداك هنــــا

دمت فخرا للمنتــــدى

تقبل مروري

وبانتظار جديدك

[ندعوك للتسجيل في المنتدى أو التعريف بنفسك لمعاينة هذه الصورة]

أعمق من عمق البحر ذاتة

الله عليه الهوى والأحلى كتاباتة

من يومى بقدرة وتعجبنى كلماتة

أنت الكبير ياهوى جى بنسماتة

الشكرليك ياهوى وفية تحياتة

يافرحتى أنا بيه هو وأخو ا تة[ندعوك للتسجيل في المنتدى أو التعريف بنفسك لمعاينة هذه الصورة]

تسلملي يارب

على راسي والله

لك مني تحياتي حبي واحترامي

[ندعوك للتسجيل في المنتدى أو التعريف بنفسك لمعاينة هذه الصورة]

آدى حال الدنيا يا احمد
والى يديها الأمان غلطاااان ويستاهل الى يحصله

تحياتى واحتراماتى lil578

الغالية ناسيمة وياللفخر ... عجباها جدا ليلة البحر

فجيت أنا أسرع م القطر ... جايب تحية وآطيب عطر

دعيت لربى بعد الفجر ... أبن الحلال يجى هذا الشهر

يكون جدع يقدرع المهر ... انتى حقيقى تستاهلى قصر

ذوق وآدب دول فيكى حصر ... عالية المقام وست العصر

حشيل جميلك طول العمر ... تعيشى ف هنا ويزينك الستر

ويرزقك بليلة القدر

[ندعوك للتسجيل في المنتدى أو التعريف بنفسك لمعاينة هذه الصورة]

يا ابو طارق يا غالي
كلامك يمس القلب ويدمع العنين
احساس الصديق والاب فيك متجمعين
انا جاتلي ليلة القدر واستجاب لدعائي يوم عرفتك يا اغلى الغاليين
وانا الي اشيل الجميل والفرحة مش سايعاني من زينة كلام واحساس الاب الحنين
ربنا ما يحرمني منك
[ندعوك للتسجيل في المنتدى أو التعريف بنفسك لمعاينة هذه الصورة]

الحوت هيفضل حووووت

والسمكه بتعافر

ممكن ف يوم تكبر

لكن مين قادر

انه يزق الحوت

بمزاجه يتاخر

حاذر من الحيتان

لا ف ثانيه تتاكل

سهل السمك ينصاد

صيد الحيتان عاسر

البلطي مالي السوق

والحوت ملوش شادر

البحر فية المحـار ومنه بيطلعوا اللولــى

الصاغة فيها الدهـب والفضة واللولـــى

بستان ورد جميل والأحلى فية الخولــى

المنيا دى منورة بمقام سـيدى الفـولــــى

هنا كمان وسـطنا الغالــيـة أمــــولـــــــى

أغلى من الماس والذهب وأغلى يـاأمـولـى[ندعوك للتسجيل في المنتدى أو التعريف بنفسك لمعاينة هذه الصورة]

آديبة عالية المقام وآسمها راضية

السحر اللى ف ردها أديتنى بالقاضية

معجبة بنجاة غاوية قوى شــاديــــة

وهى بألف نجاة عندى وأغلى من شادية

ياريت كلامى يعجبها وتبقى علية راضية

يا الف وميتين مرحبة شرفتينى ياراضية[ندعوك للتسجيل في المنتدى أو التعريف بنفسك لمعاينة هذه الصورة]

الله على شعرك وحلاوة كلامك

بتحكى عن البحر كأنة مرسوم قدامك

قرأت الكلام وحبيتة عشانك

روح يا احمد ابو طارق الله يسعد ايامك

اعرف اني تاخرت بالرد كثيرا
ولكن يتملكني خوف عندما ارد على حروفك
اشعر وكانني اتعلم حروف الهجاء واخاف ان لا تسعفني ذاكرتني ببعض منها

البحر وماادراك مالبحر
فعلا ليس له اول وليس له اخر
حاولت ان افك رموز اسماكها وقواقعها والقرش والدلافين و...و....
اعتقد اني نجحت في الاختبار سيدي
ربما يقول البعض المعنى واضح مع واقع نتعايشه قبل ان نعيشه
وانا بحكي تحملوني فهمي على أدي

لو تدري كم اعشق البحر
احن له
ولكن بحر ارمي فيه همومي لا ليرمي همومه فيني

انت ما انت ..

انت لحن جميــــــــــل .. عبقري .. من فن هذا الوجود

واراك قد روضت قلمك جيدا على اتبـــــــاع مشيتك ..

مطــــــــــــاع لك في خضوع جميــــــــــــل

بعطــــــــــــاء كبيــــــر

كجواد اصيــــــــــــل قرر ان لا يخذلك ..

ابهرتني بتلك الحروف التي سردتها

ابو طارق

شكرا لك .. اجعلها بحجم السماء
58736863896

:,v]i14477: :,v]i14477: :,v]i14477:

أجعلها بحجم السماء ياأجمل الأسماء دهشتينى

بين كل الردود أشوف أسمك موجود لية حيرتينى

يابنت الكرام اهديكى سلام ولو كلمة حترضينى

لولا غلاوتك عندى ماهو كتير وبعدى أرجو تصدقينى

يانبض غالى ملوكى حاسس كأنى أبوكى ووجودك يكفينى

شكرا كتير على أهتمامك والراقى كلامك وتانى مرة ماتنسينى

وده جميل منك بالرغم من سنك حشيلة طول عمرى وسنينى[ندعوك للتسجيل في المنتدى أو التعريف بنفسك لمعاينة هذه الصورة]

وانت كمان غالي عندنا كلنا
واكيد لازم ارد على احلى خواطر
كل الوردود انثرها تحت قدميك
:,v]i14477: :,v]i14477: :,v]i14477:

بتحكى عن البحر كأنة مرسوم قدامك

شكرا يابروك ليك ,خدام البحر علشانك

ربى يسعد أيامى ويسعد ويحلى أيامك

وطول مابتعمل طيب حتلاقى الخيرقدامك

والمولى حيراضيك ويهديك ويوفق آقدامك

فرحان ياصاحبى بيك وشكرى ليك ولكل أخوانك [ندعوك للتسجيل في المنتدى أو التعريف بنفسك لمعاينة هذه الصورة]

هههههههههههه
حوت واحد وال اثنين ، ده كلام كبير ومتين
وال القرش يصاحبي ده غول كبير ياريت يبلع الملاعين
لا وفيه سمك صغير يعيني مسكين
هيروح فين وسط الي يتسموا بالبراكين
تصدق فكرني بالبشر اه هما فيهم بردوا قروش وحتان ومساكين
ساكنين في الحواري وياكل قوتهم الملاعين
فيه حكمه جميله لقيتها في ليلتك يابو المهذبين
ياريت الحيتان ترحم المساكين

آسير الشوق صديقى ف المنتدى م الأول

وبكل شوق أحيية ربنا يخلية ويارب يتأهل

ويعيش فى سعد وهنا وعنة عمرة ما يتحول

شكرا على حسن كلامك ومعاة سلامك أجمل

دايما أحب الاقيك وبسلامى اهديك واياك تتحول

[ندعوك للتسجيل في المنتدى أو التعريف بنفسك لمعاينة هذه الصورة]

لالالالالالالالالالالالا والف لالالالالالالالالالالالا

عندك عمري ما اتحول ، ودايما في مواضيعيك بتجول

انا اصلي حبيتك من الاول ، ولا عمري عنك راح اتحول

يالي نورك في المنتدي زي الهلال ، يلي زعل مننا بقي دلال

قافيتك جميله وظريفه ومحال ، انساها يصاحب الجمال

اكبر تحيه

لك يصاحبي ويارب تفضل باحسن الاحوال

:,v]i14477: :,v]i14477: :,v]i14477:

عــم ياأصيل ياأسير يابن الحلال

جانى رد جميل ح أرد أنا فى الحال

ياذوق فى كلمتك وآمورك دى عال العال

يارب كدة أشوفك وفى ايدك عروسة آخر جمال

واتحزم أنا وأرقص وليلتها بقى نهيص عمال على بطال

[ندعوك للتسجيل في المنتدى أو التعريف بنفسك لمعاينة هذه الصورة]

» " ليلة الدرب الأحمر " من ليالى أحمد أبوطارق
» " ليلة كســر رخـام " ... ليالى أحمد أبوطـارق
» ليلة من ألف ليلة .... من ليالى احمد ابو طارق ....
» " ليلة البوعزيزى " ليالى احمد ابو طارق
» دروس ف المليـان , من ثورة الميدان درس 1 أحمد ابوطارق