يااسكندريه والشوق رماني

يااسكندريه والشوق رماني

علي عود طراوة بهلواني

وخصر يسحر وعيون بريئة

انا اصلي غاوي ومعجباني

علي أيدي وشمك وقلبي مايل

واللي رماني حنين زماني

رجعت ليكي تايه ماعارف

راح قلبي يسأل مرجعش تاني


[ندعوك للتسجيل في المنتدى أو التعريف بنفسك لمعاينة هذه الصورة]


يااسكندريه والشوق رماني

دا الموج دا ولا دي قلوب صبايا

عالشط ماشي وانتي معايا

وطاب غناي علي هوايا

عاشق بدور والحب غاية

علي نسمه صافيه ترد روحي

وبسمه ورده من بين شفا يف


[ندعوك للتسجيل في المنتدى أو التعريف بنفسك لمعاينة هذه الصورة]


يااسكندريه والشوق رماني

كان ليا فيكي قصه وحكايه

يا بحر نادي ياموجه هاديه

من صغري غاوي

وما كنت ناوي

ارجع اكرر نفس الحكاية

العشق طاب لي لما طلبني

رمش الحليوه الاسمراني


[ندعوك للتسجيل في المنتدى أو التعريف بنفسك لمعاينة هذه الصورة]


يااسكندريه حاولت ياما

اغني ليكي موال وياما

الشعر يحلا من حلاها

واخاف كلامي يكون ملامة

مغرم هوا كي لما لطشني

غني كلامي كل الندامى


[ندعوك للتسجيل في المنتدى أو التعريف بنفسك لمعاينة هذه الصورة]


يااسكندريه عروستي عندك

أبوس أديكي

قابليني بيها

عروستي مرسيّ َ يغني ليها

كل اللي صايف وقت المصايف

وانا اللي عاشق سواد عنيها

عاشق جمالها بنت الأكابر

عاشق ترابها ومش بكابر

مغرم صبابة ع الصبر صابر

ما نسيت حبيبي الأولاني


[ندعوك للتسجيل في المنتدى أو التعريف بنفسك لمعاينة هذه الصورة]


يااسكندريه والعشق دائي

ونور عيونك هو دوايه

وفاء ي ليكي مكنش وافي

وحبي ليكي مهوش كفاية

الرحمه منك يام الدواهي


[ندعوك للتسجيل في المنتدى أو التعريف بنفسك لمعاينة هذه الصورة]


يااسكندريه والشوق مواسم

يا صافيه يام الثغر باسم

القلب ليكي معدش قاسم

ماعدش باقي م القسمه قسمه

الحب ليكي طول المواسم

يااسكندريه


[ندعوك للتسجيل في المنتدى أو التعريف بنفسك لمعاينة هذه الصورة]


طاهر الصوفانى