" ليلة الدرب الأحمر " من ليالى أحمد أبوطارق

ليلاتى أنا كنت بسهر وامشى اروح مشمر هناك ف الدرب الأحمر

شباب حلوين وعترة جدعان وبالفطرة يلاغوك من قبل ما تفكر

سوكة وفتوكة وسلاطة واخوة قوطة لكن جوافة كان أخطر

وعدى أنا ياوعدى نسوانهم البلدى ياعينى بتعدى تمشى وتتمخطر

وبنفسى شفت عجوز ومسندينة جوز بيشد فى الشيشة من ميت سنة واكتر

وشابة بلبانة تشوفها غلبانة ماسكة كدة فوطة ويبدو ملطوطة ولسانها بيثرثر

والتانية صابونة بيين مجنونة بتمص فلمونة وتمشى تتعثر وتقوم وتتكعور

دول بياعين الصنف غلابة رغم الأنف ضربت كف بكف طب لية أنا أتحسر

فى درب شغلان يعدى واد فنان باين علية غلبان ياعينى بيغنى وساعات بيزمر

حتغنى ياد على مين والناس ماهوش سامعين لكنة ياعينى قدر ومتقدر

يامحلا لياليهم والقعدة وسطيهم دايما تلاقيهم المجدعة فيهم والجومتعطر

تسهر وما تفكر بس أقعد كدة وكركر والسهرة صباحى والطاسة تتعمر

نفسى أعود ليلة واسهر هناك ليلة وارجع لكو تانى أجدع كدة وأشطر



[ندعوك للتسجيل في المنتدى أو التعريف بنفسك لمعاينة هذه الصورة]

اخي ابو طارق احنا خيفين عليك من العودة للمكان خد بالك وعيزينك دايما مشمر

نفسى أعود ليلة واسهر هناك ليلة وارجع لكو تانى أجدع كدة وأشطر [ندعوك للتسجيل في المنتدى أو التعريف بنفسك لمعاينة هذه الصورة]

الأستاذة الأديبة

راضية



تشريفك لى وللقصيدة أثلج صدرى



حصوصا أنك صاحبة باع فى الشعر والشعراء وهذا الزجل المتوضع أحاول فيه أن أرسم



صورة لأحياء القاهرة الرائعة

أكرر شكرى لشخصك الكريم

ودائما أنا مشمر[ندعوك للتسجيل في المنتدى أو التعريف بنفسك لمعاينة هذه الصورة]

ههههههههههههههههه
واحدة صبونة وتمص ليمونة والتانية بلبانة وثرتثارة
لا وجيت للصنف
ده كده كلام يخوف
والطاسة كمان
لو عايز تروح هناك تاني يبقى ربنا معاك ساترك
بس بحذرك هنا الكل بيخاف عليك
لا تروح ولا تيجي انت كده من غير روحة شاطر واشطر
امال يحصل ايه لما تشمر
ربنا يستر
وبلاش الدرب الاحمر


ابو طارق كلام جميل جدا
طبعا زي العادة وزي اي كلام منك
شكرا على الخاطرة وارجو ان تتقبل تعليقي ومروري الخفيف
شكرا

ابو طارق يا حلو
يا عم ياللي ماشي علي كل الدروب
وقابلت اللي شامم واللي مبلبع حبوب
يارب كل واحد فيهم يفهم ويتوب
البلد محتجاهم من غير المخروب
حشيش ـ هيرويين ـ بانجو وحبوب
ياريت يعقلوا ويغيرو ا الجلد والثوب
أه جدعان وعترهبس امرهم مغلوب
ربنا يرحمهم و يكفيهم شر المكتوب
،ت،ـ،ـ،ـ،ـ،ـ،ــ،ـ،ـ،ـ،ـ،ـ،ـ،ـــ،ـــ،ــ
ابو طارق صورت صوره حقيقيه
لواقع مؤلم ابدعت التصوير
ولكن نتمني ان يزول

دخولك يا ابن البلد كمل لنا الصوره ووضح المكتوب
وريت الكل يبعد عن الصنف ويتوب

توتة توتة توتة *** يامحلاها حدوتة

يا أجمل الحلوين *** احلى وأشطر بنوتة

وتقول كلمة مظبوطة *** وتأيدها مثبوتة

يارب أنا أفرح بيكى *** وأسمع أعلى زغروتة

توتة توتة توتة شكرا أحلى بنوتة

[ندعوك للتسجيل في المنتدى أو التعريف بنفسك لمعاينة هذه الصورة]

يا ابو طارق . اوعه تانى تفكر ترجع الدرب لحمر الجو هناك ازية

د انت راجل امين وكلنا عارفين هاتروح هناك لمين ؟

هاتروح لأم لبانة وعامله غلبانة وناس مش هى

ياترى دى غية وبتحب الملاغية ولا احنا مش فهمين

دى ناس بلطجية والصنف هناك بالمية وعيال مرمية ماليهم كمان دية

درب احمر مين ؟ هو احنا مش عارفين ربنا يهديك قول ورايااااااا اميـــــن

كركركركركر

الأستاذة ناسيمة عالية القيمة ياسلام ياسلام

ودموع العين هما الأتنين قالو أحلى كلام

انا مهما أكون حفضل ممنون ميت ستة قدام

فكرت آزاى وأرد أزاى فوجدت فكرة ولا ف الأحلام

أنى أدعليهم بحجة تجيلهم وأبقى انا خدام

وفضلت اتمنى يوعدهم بالجنة واحنا وياهم الكل تمام

[ندعوك للتسجيل في المنتدى أو التعريف بنفسك لمعاينة هذه الصورة]

كل الحبايب فى المنتدى مش عايزين أرجع للدرب تانى

بيقولوا آل ايه خايفين لما أزور ليلة مش حرجع لهم يانى

الناس الطيبين هما لية ناسيين اللى يشرب من مية المنتدى

لازم يعود تانى

انا مهما أروح لبعيد ارجع بفكر جديد والله قلبى سعيد

ياآهلى وخلانى

ودة اللى خلانى أقول بوجدانى عن كل أشجانى وحتى أحزانى

والدنيا سمعانى

وآجيب فى معانى وآعزف بآلحانى أزجال وأغانى والصحبة سمعانى

وربى يرعاكم ويرعانى[ندعوك للتسجيل في المنتدى أو التعريف بنفسك لمعاينة هذه الصورة]

ملاغيه في كلامك الي زي المهلبيه ، يسلام عليك وعلي الليله ديه
عرفتني علي الدرب وحواريه ، وانا في مكاني اكني مشيت فيه
الله عليك وكمان عليك الله ، في لياليك نغم تاني والحان من الي هيه
تدخل للقلب ببساطه ، يابو طارق لك مني احلي تحيه
لياليك تاخدني وتسرح بيه ، بعيد بعيد في حواري بلدنا القديمه
امشي بين السطور واتخيل البيوت المصريه ، ياتري كان شكلها ايه وفين دولقتي هيه ؟
حرتني وياك واحترت من الليله ديه ، منا قلت قبل كده
يابو طارق اسمعني هقولك ايه

يصاحبي انت نجم كل الليالي ، نورك والله غلب الهلالي
كان فارس بسيفه وانت بكلمتك فوق في العالي، انت امير حكايات حكايات الليالي
كلماتك ياخي بتثير حماسي ، بتدخل ومش راضيه تفارق راسي
من حلاوتها بقيت وياك اساسي ، اشاركك بردي البسيط وانا مش ناسي
وهنسي ايه فاكرك يعم بالسداسي ، دا لياليك فكرتني باهلي وناسي
وفي اخر التحيه
هقدم لك ورده من الي هيه ، يحبها قلبك يارب ترضي عليه

أحلي تحيه لابو طارق

ألف تحية كدة من قلبى لآسير الشوق ولأستاذة الهوى

كدة ع الماشى دانا ياخراشى جهزت كلام ولسة ماستوى

وبدال الحيرة قلت دى تصبيرة عشانكم انتم الجوز سوا

وانا باقى آتامل لغاية ما أكمل واجيب كلمات زى أحسن دوا

وأبقوا استنونى واوعوا تعاتبونى أصل التأليف بيعصلج لو نوى[ندعوك للتسجيل في المنتدى أو التعريف بنفسك لمعاينة هذه الصورة]

ابن البلد ياأعز حبيب *** صبوا الأدب وانت شريب

وازاى ف كلمة أقدر أنا أجيب *** كل محاسنك بالترتيب

ح أهديك سلام ع المدينة *** أسكنرية أجدع مينا

وفى الأخير كلة لينا *** خليك معايا ياخينا

كوم الشقافة دى أساسى *** ماهيه فيها مسقط راسى

وآهلها أهلى وناسى *** وازاى ف لحظة أصبح ناسى

ح اجرى واروح ع المعورة *** لجل ماتبقى ف الصورة

علاء ماسكنى من راسى

واهدى سلام للناس الكل *** وكلهم ناس زى الفل

يديم علينا الأخلاص *** واكيد حنبقى أجدع ناس[ندعوك للتسجيل في المنتدى أو التعريف بنفسك لمعاينة هذه الصورة]

لو تعلم كم مرة دخلت هنا اقرا ولا أجد حروف نساعدني على صف كلمات اسميها ردا
فأنا لست من بلدك لاعرف الدرب الاحمر
ولكن وصفك الرائع والدقيق يجعلني اجزم ان في كل بلد درب احمر
ولا أخفيك حاولت مرارا وتكرار ان ارد بصيغة اللهجة المصريه التي اعشقها ولكن عجزت ذاكرتي ان تسعفني بكلمات اسير ونسومة وقبلهم كلماتك
احمد ابو طارق
مع ان مروري جاء هنا بين كلماتك متاخرة
الا اني اعرف طبيعة نفسي حينما ااعجب بخاطرة أسكنها واتقاسمها عنوة
يعجبني تصويرك الواقعي لكثير من الاحداث فأشعر انني اعيش ذات الحدث

أيها الراقي
انظر الى اين اخذتني
تحياتي لروعتك

بصراحة نبض ملوكى انتى بكلامك روعة

ولو انا بكدب انشالله لااتكلم ولا أوعى

يانبض بيروى العطاشا ويشبع الجوعى

ومنورة المنتدى ونورك ولا مليون شمعة[ندعوك للتسجيل في المنتدى أو التعريف بنفسك لمعاينة هذه الصورة]

الله عليك يا ابو طارق

خلتنا نعيش معاك ليلة في الدرب الاحمر بجمال وانس اهلها الغلابة الطيبين

شكرا ابو طارق

عقبال باقي الليالي الجميلة في منتدانا الجميل

فرحة وعجبى نطت ف قلبى لما شرفتى بيو

حلو الكلام ياسلام بس قولولى منين بيتجيبو

نفسى أنقى كلام م المنقى لجل أقولة وتسمعو

دول لما قالو الواد طالع لأبو انا أقول بيو مافيش أخو

ياللى زرعتوا الورد يالله أجمعو واهدوقوام لأجمل بيو

[ندعوك للتسجيل في المنتدى أو التعريف بنفسك لمعاينة هذه الصورة]

بسم الله ماشاء الله
تستحق ان ترفه لك القبعة
ابو طارق
عيشتنا ليلة من اجمل ليالي الف ليلة وليلة
مشكور

ياصحابى وأحبابى تعالولى تعالولى .... وعايزكم تهنونى وكمان تباركولى

آديبة وسنيور ة وأسمها أمولى ... جاية تحينى بكلام جميل كتبتهولى

بنت الكرام من فضلك كمان قولى ... وعقبال ماأجيلك وأزفك يالولى

وأغلى من اللولى من قلبى ياأمولى[ندعوك للتسجيل في المنتدى أو التعريف بنفسك لمعاينة هذه الصورة]

أرجـــــع بتقلك ياولــه ارجع بتقلـك ... أسمــع لقلبك واستمع صوتة يدلك

ده درب أحمر أنمـا شمسك وضلــــك ... هيمان وعاشق أنا وردك وفلــــــــــــك

شـوقى يلحن دندنــة ياما نفســــى أقــولــــــــــك

والحكم لازم فى الهوى تكون لى واكونــــــــــــلـك

......... [ندعوك للتسجيل في المنتدى أو التعريف بنفسك لمعاينة هذه الصورة]

مشـــــتاق ياأحبـــاب مشـــــتاق
[ندعوك للتسجيل في المنتدى أو التعريف بنفسك لمعاينة هذه الصورة]

يـــادرب , نفســى آجــيك , حـتى ولــو مـــــــــــــــــــره

قــلــب وعشـــق لـيــالــيك , الحـــلـوه والمــــــــــــــــــره

مـاحـــلا بــنــات حــواريــك , البيــضـة والســـــــــــــــــــمره

لــو كـنـت هــنـت عـلـيـك , تـبـقـى الــبعيــــــد , عـــــــــــــره

[ندعوك للتسجيل في المنتدى أو التعريف بنفسك لمعاينة هذه الصورة]

صـــديقـــى الغــالــى , مـحــمـد ســــعـد .... انــا ممـــنون مـن حســــن الــرد

كل منــايــا أقرب صــورة للــمشهد .... وبأســلوب أقــرب للــــــجــــــد

لعــل وعســـــى ويــــنــــفع حـــــــــد

وحقيقى بلدنـا دى أجـــــدع بـــــــــلـــــد

[ندعوك للتسجيل في المنتدى أو التعريف بنفسك لمعاينة هذه الصورة]

تحياتى ابو طارق

دمت لنا متالقا كالعاده

لان التالق صفتك مش محتاجه فقاقه


مانت من غير ك الدنيا تغيم ومنحسش بقيمه منتدانا ولا حاجه

طبعا!

ما اصل انت نقط حروفنا

ومن غير النقط كل الكلام ولا نفهم منه ولا حاجه

معايا يا سيد الجدعان ولا نعيد الكلمه بزياده

الله عليك يا ابو طارق وعلى كلامك المعبر ، ما أجمل لياليك وتصويرك ليها والمنظر.

كل يوم نستنة ليلة من لياليك ، يَلَّا هات ما عندك من ليالي وكَتَّر.

والله كلامك ووصفك للدرب ،أحلا كمان من السكر.

سلامي ليك وتحية ، ويجعل أيامك بلون الزرع الأخضر.

نـــهـــر الحــب , أطـيـب قلـب , بتقـول م اللـب آحلـى كـلام

لـما تجينــى كدا وتهـــدينــى وتـودينــى أرض الأحـــــــــلام

حقيــقى أنســــانة , راقيــــة وفـنـــانـــــة , ياســـــلام ياســـلام

شـــكرا ليــكى , الله يخليكــى , ويهــديكــى بـــفــــرد حــمــام

[ندعوك للتسجيل في المنتدى أو التعريف بنفسك لمعاينة هذه الصورة]