" ست الشيخة " ...... أحمد أبو طارق

ست الشيخة يادى الدوخة حيرتينى سرك باتع


لما بقابلك أفضل آحايلك بتاقبلينى باللون الفائع



وبتتغابى وتدينى كلام ف جنابى آمش مطنش ومنيش سامع


قلت آزور وجبت بخور ولا كدة نافع ولا كدة نافع



سألت حبايبى ع الأسكايبى قلوا مسحوبة من لسانك الاذع



جبت أسرارك وكل آخبارك ماهى منشورة فى اليوم السابع



زى العقرب لما يقرب يسكت حبة وبعدين هوباويروح لاسع



كل مناكى وعايزة الكل يجروا وراكى طب اية الدافع


هو ه ده مرضك سيبينى ف عرضك بالمفتيشى وبقولك بايع



ياما آمثالك جونى جنابك نفس الحالة ونفس كمان الدم السائع


لكن بصراحة كدة بالراحة لقيت الحل وزى ماقال المثل الشايع


شيللوا دا من ده يرتاح دا عن ده شايف انه دا كلام رائع


ولسانك حصانك أن صنتة صانك ولو بالعكس حتروح واقع


ولو فكرتى ياست كرومبة عندك بومبة ولسوء حظك عندى مدافع


وانا من قلبى بدعيلك ربى أنه يشفيكى ويخليكى تروحى الجامع


مش عايز القاكى هاتى عرض قفاكى أحسن ح آرميكى م الدور الرابع


[ندعوك للتسجيل في المنتدى أو التعريف بنفسك لمعاينة هذه الصورة]

هههههههههههههههه
ايه العقربة دي
دي ام لسان ولا بميت حصان
انت كنت رحيم ليها انك ترميها بس من الدور الرابع
لكن اوعى لاحسن دي شيخة وليها في البواخة
وفكلامها دواخة
ولو مش انت الي بايع تبقى هي الي بايعة
مهي ست الشيخة!!!!!!

شكرا يا ابو طارق يا رايق
[ندعوك للتسجيل في المنتدى أو التعريف بنفسك لمعاينة هذه الصورة]

أستاذة ناسيمة ياعالية المقام ياأديبة

أنا نفسى أحيكى بكلام ومنين أنا أجيبة

الذوق والعفة والادب بقوا آحلى تركيبة

سمهوا ناسيمة يانسمة ونسومة ياعجيبة

كل تحية لكى وبأدب أهديكى أغلى ترحيبة

تعيشى يارب فى هنا وفى سعد بدعيلك ياحبيبة

شكرا على ردك على ودك على ذوقك ياست رتيبة[ندعوك للتسجيل في المنتدى أو التعريف بنفسك لمعاينة هذه الصورة]

ابو طارق ياحلو
جيت اشوف ست الشيخه لقيتها شوخشيخه
،ـ،ـ،ـ،ـ،ـ،ـ،ـ،ـ،ـ
بصيت لعرض قفاها لقيته عرضين
وضحكتها يابا واصله للودنين
حلفت ادبح لها غراب البين
ولازم يكون اعور يتيم الابوين
بس مش عارف اجيبه منين
سألت الشيخين حسن و حسنين
قالوا لي حتلاقيه بين القصرين
بين الحرافيش ورا حي عابدين
ويدبحهولك شيخ يعرف في الدين
مدخلش دنيا واحمر الوجه و الخدين
قلت اجوزه للشيخه وتخلص من الاتنين
وتخلص منها وتكتب لنا قصيدتين
بس افتكرنا بقافيه بلاش اتنين
كلامك طالع من دماغ جامد متين
،ـ،ـ،ـــــــ،ــ،ـ،،ـــ،،ـ،ـ،ـ،ـ،ــ،،،ـ،ـ
ابو طارق تقبل احترامي قبل مروري

هيا ست الشيخة دى طلعت من مصباح علاء الدين امتا

ههههههههههههههههههههههههههههههه

لذيذة والله ابو طارق

تسلم الايادى

ابن البلد حتة ولد من زوقة جى يحينى

آه ياسلام وقال كلام أجدع زجل وبيهدينى

ممنون قوى دا كلام عالى وانا أعمل ماترسينى

لكن الحقيقة كدة فى دقيقة أصلى شارية وبيشترينى

هات يالا هات الذكريات اللى ساعات بتشوى قلبى بتهرينى

ونمشى سوا على شط بحر الهوى واجرى وراك يامجرينى[ندعوك للتسجيل في المنتدى أو التعريف بنفسك لمعاينة هذه الصورة]

طلعت يا محلا نورها شمس الشموسة

بتتريأ هى كمان على ست الشيخة ياد الحوسة

وبتسأل طالعة منين وجية منين بسلامتها المحروسة

بصراحة دى من تأليفى وأكلم انا على كيفى حاجة مدروسة

علشان يفرح الكل واهديهم ورد وفل واهدى الكلام وفوقية بوسة

[ندعوك للتسجيل في المنتدى أو التعريف بنفسك لمعاينة هذه الصورة]

ههههههههههههههههههههههههههههه

ودى كمان ألذ وألذ ههههههههههههه
علشان فيها شمس

يسلموووووووووووووو

اه شفتى يا شمس



ست الشيخه وعميلهاااااااااااااااااااااا

بروف علاء بيقول لشمس شفتى ست الشيخة وعمايلها

عمال افكر من امس فى حاجات عملتها وانا لسة شايلها

ومسيرى أحكيها وكل اللى جرى فيها

ماهى شيخة وحكاية وانا نفسى أحكيها

[ندعوك للتسجيل في المنتدى أو التعريف بنفسك لمعاينة هذه الصورة]

شعر جميل قوى يا استاذ احمد احييكعلية بجد

مش عايز القاكى هاتى عرض قفاكى أحسن ح آرميكى م الدور الرابع

والنبي قبل ما ترميها من الدور الرايع يا ابو طارق

عاوزها تعملى حاحه مهمه جدا
عاوزة اعمل عمل على رجل نمله لواحد معانا بالمنتدى اول حرف من اسمو ابو طارق

هههههههههههههه
ونجرب ونشوف سرها باتع ولا لا

وياريت سرها يكون باتع يارب


يسلموا ابو طارق على كلماتك الجميله التى دائما لها لون وطعم خاص ومميز

عاش نبض قلمك

تقبل مرورى ذكرى
[ندعوك للتسجيل في المنتدى أو التعريف بنفسك لمعاينة هذه الصورة]

الغالى بروك شافنى بالوك لوك لوك

جه يحينى ويهنينى على ست الشيخة

صدقنى بروك انا ماشى بزوك وازوك

لاانا شاعر ولا زجال بلا ها الدوخة

دول أمثالك وكرم أخلاقك بيشجعوا وفكدة لااشك

وشكرا يابروك شكرا يابروك[ندعوك للتسجيل في المنتدى أو التعريف بنفسك لمعاينة هذه الصورة]

الأخت العزيزة ذكرى جاية تقول فكرة **** محتاجة للشيخة ضرورى والليلة قبل بكرة

عايزة تعمل عمل فيه الرجا والآمل لواد رايق **** أكمنة دايس وسايق واسمه أحمدأبوطارق

على ورك نملة يكون ومعاه شطة وكمون **** ويبقى الزبون مروش ولا يرجع ف يوم فايق

وعشان ماهى أخت عزيزة وفكلامها لذيذة **** طب وفرى المعلوم ومسيرى ف اقرب يوم

أجى بلدكوا وازور ومعايا صنف بخور وف ايدى نفيخة ومعاها شخشيخة ونعملك شيخة

[ندعوك للتسجيل في المنتدى أو التعريف بنفسك لمعاينة هذه الصورة]

ابو طارق يا حلو
قريت ردك علي ذكري
القافيه حكمت
يعني هي حتبقي الشيخه ذكري
واللي يروح لها
تقوله يا مخاوت فوت علينا بكره
والنبي دي احلي فكره
يارب ما تزعل وتعتبرنا نكره
هههههههههههها ههههههههههههههها
،ـــــــــــــــ،ـ،ـ،ـ،ـ،ـ،ـ،،ـ،ـ،ـ،ـ،ـ،ـ،ـ،ـ،ـ،ـ،ـ
اختي الفاضله ذكري لك احترامي
موازيا لاحترامي لكاتب التوبيك

ابن البلد جانى فرحان على فكرة *** ان معانا وويانا الشيخة ذكرى

فى المنتدى ووراها نلف وندور *** ومعانا دفوف وبنادير وبخور

ودموع العين حتقول الدور *** ونرد وراها الدور الدور

بالقفاطين وبالجلاليب لجل نزور ** وهية معاها صندوق النذور

وحقولك حاجة ومش بالزور *** ماهى لا صابت ياأتنين عور[ندعوك للتسجيل في المنتدى أو التعريف بنفسك لمعاينة هذه الصورة]

ست الشيخة بتلف وبتدور *** جوة المنقد حطة بخور

جايبة صندل وعين العفريت *** وياريت ينفع قولو ياريت

فى وسط الدايرة وهات تنطيط *** عايزة تطفش العفاريت

ايشى كمون على ينسون *** والزبون زى المجنون

وتجيب فلفل وياالشطة *** ومن أجرامها بتدبح قطة

بس ياشيخة وبلاش خوتة *** دانتى طلعتى أونطة يابيخة

عيب على سنك وبقيتى شايخة *** أمتى حتتلمى يابت يادايخة[ندعوك للتسجيل في المنتدى أو التعريف بنفسك لمعاينة هذه الصورة]

بجد بجد فكرتنى بكلام بابا والطريقة والسجع كلام برضه كتير في محله والله

بجد برافو وبالتوفيق وتقرألك قصائد اروع واروع

يا أبا طارق

سلوى

salwa كتب:

بجد بجد فكرتنى بكلام بابا والطريقة والسجع كلام برضه كتير في محله والله

بجد برافو وبالتوفيق وتقرألك قصائد اروع واروع

يا أبا طارق

سلوى

جينا جميعا واقفين بالدور نرحب بالاخت سلوى ونولع البخور

شو راح قول وشو راح اعيد

على كلامك مافيني زيد



كلماتك عقد الالماس

جوهر

فرجة لكل الناس



الله يزيدك ويهنيك

يطول وعمرك

ويبارك فيك

وبمنتدانا يخليك

تتزين أشعارك صفحاتو

يا أبو طارق يا موهوب

صرت باسرتنا محبوب

وان كان العنوان بيقرا المكتوب

انت قلمك عنوانك

ومن عنوانك نقرأ قلبك

من كلماتك صرنا نحبك

من كلماتك هالحلوين

كثير ظراف ومهظوميين

ولا تسألني انا مين



انا صدى كلماتك

ممنون حقيقى ممنون .... والله أخى المأمون .... جالى كلامك هون

قلتة وكلة فنون ... الله يكون ف العون .... وأرد بنفس اللون

قريتة وفرحنى ..... دة حقيقى ريحنى ..... دة بسرعة خدنى قوام ...... الى بلاد الشام ...... [ندعوك للتسجيل في المنتدى أو التعريف بنفسك لمعاينة هذه الصورة]

وانا من يومى بعشقها ..... وادوب فى دى اللهجة ...... واعشق كل اهلها ..... واحنا مش غرب .....

من موريتانيا لشط العرب ....... بس اللى نازل فينا ضرب ..... صدقنى الناس الغرب ,,,, كل المصايب جتنا

وكلها م الغرب .... صعبان عليهم لو يوم لبعض ونقرب .... وبيحسدونا أننا عرب .... باينين .... وكفاية

اسمهم جاى م الغرب ..... لكن ح يجى يوم .... يتحقق لنا المطلب ... ونوصل المأرب .... ماهو اصلنا

عرب .... ينقال علينا فى الكتب ..... مجلدات مش كتب .... شهامة .. رجولة.. كرامة وقول بقى وآسهب

عن أخلاقنا و الأدب ..... شكرا شكرا أخى المأمون .... حركت فيا المشاعر والشجون ..... صدقنى

لابد حنفوز وبجد .... لازم حيجى الجون ويبقى أحسن جون .... قصدى جون الفوز

وساعتها نلقى الكنز ...... ويعلا بينا الكون ...... سلام أخويا المأمون[ندعوك للتسجيل في المنتدى أو التعريف بنفسك لمعاينة هذه الصورة]

سلوى غالية بنت كرام ..... بتفكرنى بأحلى كلام

من بيت كلة تمام التمام .... فيهم الشاعر فيهم الرسام

يامحلاها معاهم الأيام .... مرت حلم من الأحلام

ليكى من تحية واحلى سلام ... حفضل ممنون ميت سنة قدام

أصل لبيتكوا وكل حتتكوا أنا خدام

شكرا سلوى يابنت الكرام[ندعوك للتسجيل في المنتدى أو التعريف بنفسك لمعاينة هذه الصورة]

يابروف علاء اهديك آشواء بصراحة مش عارف أقولك آية

لازم أحييك ربى يخليك من ذوقك كرمك للمنتدى واللى فية

بتبات سهران فكرك حيران ياشمعة ونورها منور ليالية

بصراحة مكسوف كل مابشوف تعبك أبقى أ سأل وكل دة لية

بتحب الناس بود وآخلاص حلو وحساس أخلاقك جانتي [ندعوك للتسجيل في المنتدى أو التعريف بنفسك لمعاينة هذه الصورة]

حقيقى مشكور وانا جبت بخور واخدك ونزور الشيخة يابية

تسلم اخى الغالى ابو طارق اخجلت توضعنا

تحياتى واحترامى لك

البروف وبكل ذوق بيقول أخجلت تواضعنا

بدون تفكير شايلك كتير والشيخة د ى مش موضوعنا

انت ياحساس مليان أحساس وده يبقى رجوعــنا

سهران الليل لوقت طويل علشان تعديل وتقيد ف شموعنا

شكرا ياأصيل ليك الف جميل ده فضلك بس وتشبع جوعنا

[ندعوك للتسجيل في المنتدى أو التعريف بنفسك لمعاينة هذه الصورة]

ســـــت الشـــــيخة , عـــامــــلة عمــايل .... أســـألــوا جـوجـل هو اللـ قايل

بـــس ياعينـــى ع البخت المـايل ... جابت الشيخة حـابل , نابـــــــــل

وخـــدت بعضهـــا وســـافرت بـــابـــــل

[ندعوك للتسجيل في المنتدى أو التعريف بنفسك لمعاينة هذه الصورة]

الشــــيخة جـت تبكــى ... من غلبهـــــــا وتشـــــكــــى

حعــملــــــــها , آيــــــــــه

مـــا أنتى اللـــى بتـــــلـــوكى ... غـاوية قـــوى تعكـــــــــــــــى

منك أنـا بـــــوريـــــــــــــــه

ما هــو كـــل مــا تــــلاوعــــى ... على النفوخ تقعـــــــــــــــى

مســتغربة كده ليــــــــــــــــه

ياشيخـــــــة لا يميـــــــها ... أمـــا ح أخليــــــــــهــــــا

زى خضار ســــــوتــــــــــــيه

[ندعوك للتسجيل في المنتدى أو التعريف بنفسك لمعاينة هذه الصورة]

وحــشــيتــنى الشـــــيخـــة , جيــت أدور فـــى دفــــــاترى القــــــديـــــمــــــــة

يــامــلوحــــة يافســـيخـــة , مـــلوحـــة ليـــه ياجـــبنــــة وقـــــديـــــــــــمـــــــه

دى خــاديتــنى بالصــــوت , فكرانــى بســــــكــوت مكـــاره ولــــئـــــيـــــمـــه

دا أنــــا أصـلـــى واد صــايـع , متربــى ف الشـــارع , وكان عليه قيــــــمـــــه

حمبولا , وهيـــمــــا , والجحــش وعظيـــمـــا , دول مش نجــــوم ســـــــيـــمــا

دول شـــلة ويــــاهـــم فهـــمــــت الـــــدنــــيـــــا والخـــلق , يابــــــهــــــيــــــــمــه