" جوازة بالعافية... " أحمد أبوطارق

وحياة أبوك والنبى يابنى ... نظرة عنيك دى بتعجبنى,

واما تلاغينى بتكهربنى

ساعة العصارى ياواد رايق ,... بتفوت علينا وتتعايق

بصراحة دة زود غلبى

وتمشى ولا واخد بالك .....قال يعنى آيه ماشى ف حالك

وهوة دة اللى مشيبنى

.ف الجلابية السكروتة .... وبالطاقية المظبوطة

ما تيجى ياد خش فى عيبى

م المندرة للأنفوشى... أحلف بسيدى الطرطوشى

فى مشيتك دى بتعجبنى

م العطارين للمعمورة ...أنت كدة ف أجدع صورة

طب تمشى لية بقى وتسيبنى

التقل آصلا من طبعك ...وأنا نفسى اطرقع ف صوابعك

أديك عرفت المتخبى

من يوم ما شوفتك ورآيتك ... وأنا نفسى أكون جوا ف بيتك

وتمد أيدك تضربنى

يا تيجى وتسلم نفسك ...لا حشتكيك أنت وأهلك

ولو فلسعت أبقى قابلنى

تفضل معايا فى زنزانتى ...ياأما حفرش فى ملايتى

بالصوت وأقول جوزى سايبنى

والناس جميعا عارفينك ........وممكن أنا أطلع عينك

وقابلنى بقى لو تغلبنى

وح أحبسك حبس مؤبد ...وليل نهار فى البيت تقعد

ومن ايدك ح تشربنى

ونجيب عيال ونربيهم وحضرتك تقعد بيهم

ومهما أهد انت ح تيبنى

[ندعوك للتسجيل في المنتدى أو التعريف بنفسك لمعاينة هذه الصورة]

ايه الحبس ده يا بني
لالا كده انت حتشيبني
ومش حقدر اهرب’ الناس تعاتبني
لا عايزةاك تهد ولا ليا نفس ابني
ياد سبني فحالي وابعد عني
ولا تفكر ولا تقرب مني
والا اصوط والم عليك جيراني
ويلا بقى امشي وبلاش ورايا تجري
ده انت اصلك مش عارف عندي
لاقابلاك ولا انت اصلا عاجبني
امشي بقى من هنا وبلاش تصدعني
....الله!!! هو الجواز بالعافية يا مصدعني ومعصبني
.............

يا ابو طارق
يا رايق
جميل الي قراته مما خطاه قلمك لكني لن اخفي ان الضحك كان الغالب
تميزك الابداعي يجعلك دائما اكبر واعز
فقلمك قلم نتبع كل خطاه
ونحترمه حق الاحترام
قلم يرسم ويصور لنا شخصيتك الرائعة
فالله لا يحرمنا من جديدك المفيد
دمت ودام لنا قلمك المجيد
تقبل ردي المتواضع وبصمة حبري المتواجد
نســـــومة

[ندعوك للتسجيل في المنتدى أو التعريف بنفسك لمعاينة هذه الصورة]

يعني انا سمعت بزواج بالغافية للبنت بس راجل يتجوز بالعافية دي مصيبة
مع انه فعلا احنا بزمن العجايب وكل اشي بيصير

الله يعينه على الحبس المؤبدهاد

كم اشتقنا لليالي احمد ابو طارق
أباع جميل جدا وخالقي
لذوقك وروحك السلام أينما حللتَ
كل الود لك ابو طارق
سلمى

اغيب عنك ساعات
ارجع الاقى كلمات
فيها احلى العبارات
ومنها تتالف اغنيات
وتتركب عليها الالحان
وتغنيها وراك الاجيال

وانا بقولك فنان
ومنك تيجى الالحان

ديما بكلامك ممتعنا
وباحلى خاطره مجمعنا

وبالعاميه مروقنا

والملايه اهى مفروشه
والا هيصوت
هيحتاس حوسه
ويلوص حته لوصه

وتحياتى لمصر المحروسه
ولامتنا العربيه المهوسه

ويارب نشفها من الشر محروسه

تسلمو جميعا

الأستاذة الغالية

ناسيمة

ألف شكر على كلماتك الطيبة

ياغالية وعالية المقام ياطيبة

دايما تشاركى الكل والبسمة قريبة

ياحلو تعليقك والكلمة مترتبة

بدعى الله يزيدك ياأروع كاتبة

رافعة بالخير راياتك وراياتك غالبة

ياطيبة ياكاتبة منصورة وغالبة[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة] بروف علاء عالى الأخلاق بيحينى بأحلى الكلمات

وأنا من عينى وحياة دينى بردعلية بكل تحيا ت

فى لطافتة الذوق ومكانتة دى فوق لو جانا وفات

وأنا ح أعمل أية وازاى آرضية وبذوقة غالبنى كل الأوقات

وكفاية ألاقية والناس حوالية بترحب بية ويقولوا سلامات

يابروف أصيل بصراحة نبيل وأسمحلى أقولك دمك شربات

دى لا هية معاكسة ومش قصدى مشاكسة دى لزوم القفيات

وياعم أعذرنى لو مرة تزورنى وتلاقى ف بيتى صورتك بالذات

هو السيد احمد ابو طارق مش منتبه اني مريت بين كلماته
انا زعلت خلاص
[ندعوك للتسجيل في المنتدى أو التعريف بنفسك لمعاينة هذه الصورة]

اقسم بالله يانبض ملوكى أنا فاكر

بس ياشاطرة تمللى الحلو يجى فى الآخر

لجل كمان ماأجهز كلمات ومتينة ع الاخر

وازاى أنساكى وانا بفرح بيكى وبفاخر

شوفى المواضيع ع الشات بسرعة وبتتاخر

فاأنا لازم أرتب ردى ماهو محسوبك واد شاطر

بس أوصيكى عشانى غالية تصبرى وانا راخر صابر[ندعوك للتسجيل في المنتدى أو التعريف بنفسك لمعاينة هذه الصورة]

ايوه انا بشهد انك شاطر
بس انا بعمل نفسي زعلانه عشان اتدلل على الاخر
يسلمو ياابو طارق
كلماتك بتجنن

ولا كان ع البال والخاطر أنك حتقول أنا شاطر

آحنا بصراحة تشاطر أفكارنا أو آى خوا طر

تيادل فيها خبراتنا , والمكسب لنا فى الآخر

أخوان آهل وحبايب والمنتدى يفضل عامر

ودعائى حقيقى من قلبى نوصل للمجد الآخر.

[ندعوك للتسجيل في المنتدى أو التعريف بنفسك لمعاينة هذه الصورة]

كل الكلام الذي اردت قوله سبقوني الاعزاء إليه
والله كلام حلو
استمتعت بكلامك الجميل و ايضا بباقي الردود
يعطيك العافية وتسلكم يديك
كل الشكر والتقدير لك
تحياااتي

[ندعوك للتسجيل في المنتدى أو التعريف بنفسك لمعاينة هذه الصورة]

أنا والعذاب وهواك عجبها الكلام والردود

وأنا عشانها ياسلام عايز أجيب اجمل ورود

كل اللى شرف مرحبا واللى غاب كأنة موجود

لازم نعذر بعضنا وعذرى أنا مالهوش حدود

يادى العذاب ويا الهوى خلونى سارح ف الخدود

ياأديبة راقية مثقفة وبصفتى شاهد من الشهود

بمجهوداتك وموضوعاتك أصبحتى للمنتدى زى العمود

[ندعوك للتسجيل في المنتدى أو التعريف بنفسك لمعاينة هذه الصورة]

شكرا أخي الكريم

هذه نصيحة ثمينة

وياريت العزابية يتعضو

تقبل مروري

المأمون ونبض ملوكى والهوى قالوا كلام

على دى الجوازة آخر لذاذة وفى التمام

دول حيرونى وسهرونى ما عرفت أنام

لاعارف أرد وازاى آسد وانا آصلى خام

انا جت لى فكرة الناس دى عترة آصلا كرام

أأقضى يومى واخد هدومى واخلع قوام

ولو شافونى يبقوا يجيبونى .. يااخونا سلام

وابعت سلام قبل الكلام وتبقى حاجة آخرغرام

تعبى الأساسى من جوا راسى اللى مليانة آفلام

آجمل علاقة هى الصداقة فى مايك فى كام

واللى هدانا دة منتدانا لما كتبنا ولما قرينا آقلام

ولو لقينا آيد فى ايدينا لازم حنبقى آخر تمام

بس المطنش لو عايز يهوش أنا غاوى أقولة حرام

وفى النهاية زى البداية ببعت سلام وللجميع كل أحترام

[ندعوك للتسجيل في المنتدى أو التعريف بنفسك لمعاينة هذه الصورة]

أنا جى أشكر الجميع *** بأحلى تحية ع السريع

لكن بسرى ح ابوح وأذيع *** خوفى القصيدة دى تضيع

قلت أشترى وبلاش أبيع *** قصدى أرجعها آخر المواضيع

[ندعوك للتسجيل في المنتدى أو التعريف بنفسك لمعاينة هذه الصورة]

يأأأأأأأأأأأأأأأأأأأأأأأأأأأأأأأأأأأأأأأأأأه
كل ده حب يا عم
فكرتني باللي بتحب واحد وسابها قالتله
ياللي واخد عقلي مني حبعترك
ياللي واخد فلبي مني حشحططتك
روح يا ندل يا ابن الندل الله يجزيك
وان شاء الله مليون مصيبه تشيل وتحط عليك
ان ما لففت اهلك ع المحاكم

ـ
،
ـ
،
ابو طارق ايه الابداع ده

ياابن البلد قول حلو الكلام وسمعنى *** طعم كلامك عسل دايما بيعجبنى

وسط بحور الزجل اياك بقى تسيبنى *** لما تاخدنى البحر تودينى وتجيبنى

ولا أنت جى كدة وقصدك تقلبنى

[ندعوك للتسجيل في المنتدى أو التعريف بنفسك لمعاينة هذه الصورة]

مقدمه

انا قلت اسيب كلامي للاخر ، اصلي بحب اوسع للي بعدي وأتاخر
أصلي في قمه السرور ، وحسيت في كلامك بأحلي شعور
يتوب عليك يارب الغفور ، وتبقي تمام في كل الامور

------------------- ندخل لردي علي اللليله

بصراحه كلام جميل ولذيذ وطريف وخيف
وانا من فرحتي بيه بقيت بقول يلطيف
ومهما اقول لياليك خطيره من قلبي بقول شكرا يطريف
شفتها مره واتنين انا اصلي بحب الكلام الشفاف
وانت طول عمرك مجداف ، ولا عمرك كنت في يوم خواف
دا انت في لياليك فارس مغوار وكمان سياف
ياخي بتعجبني لياليك تكونش بقيت عراف ؟
وانا في المنتدي بلياليك تعبت من كتر الهتاف
يعم هقول لعلاء يحطها علي الغلاف
وبقولك زي نسيمه ولمياء كلامك حلو بالزاف
واسف جدااااا علي تأخيري في الرد عليك يابو طارق
وأتمني تكون زيارتي لكلماتك ووجودي فيها خفيف عليك
أشكرك واحييك من القلب علي كلامك الجميل
صديقك أسيـــــــــــــــــــــــــــــر

زوجه بالعافيه
مع بطاطس مقليه بزيت عافيه
وانا بقولك انا صاحى بالعافيه
ودخلت النت وجيت بلا قافيه
ولاقيت قدامى جوازه بالعافيه
قلت اشوف مين العريس وفين الزفه
لاقيت العريس والعروسه حلصو الزفه
وروحو البت وبعدها شالو الفه
فيها العيل ملفوف معاهم بقلب الفه

ويارب يسعد كل الا كانو مع العيله والعرسان بالزفه
ويارب ما تتطلع زواجه بالعافيه

وشوفك بالخير وبحفله

prof3laa

لا اعرف مادا اقول أو أعبر او افصح كل هده الكلمات التي خطت هنا لا يمكن ان يعلق عليها احد الا بقول رائع و رائع و راااااائع
مثلما كانت البداية جميلة فإن النهاية أجمل..
تحياتي وشكر وتقدير لكل من كتب حرف من اخواني واخواتي الاعضاء
تحياتي القلبية للاخ ابو طارق
و للجميع بكل السعادة والتوفيق

[ندعوك للتسجيل في المنتدى أو التعريف بنفسك لمعاينة هذه الصورة]

الفين شكرا يا آسير *** كلامك غالى كتير

وعشان انا عشمى كبير *** سألتك لية التأخير

بس ياصاحبى ياخطير *** جيت وبأجمل تعبير

وانا شامم منة عبير *** خلانى منك أغير

أصل انت فاضلك زلطة وانا من المنتدى أطير

وتبقى الشاعر الأول أصل انت ما لكشى نظير

ألفين شكرا يا أسير

ولا تزعل ع التآخير

تتهنى بالأشراف وانا ح اجرى الهط لى فطير[ندعوك للتسجيل في المنتدى أو التعريف بنفسك لمعاينة هذه الصورة]

بروف علاء من زوقة بلا قافية **** مكيف مش متكلف من الجوازةوبالعافية

أنا كل قصدى حشرح فى ردى الخافية **** قابلتنى مرة واحدة عرة كانت حافية

غالبة الرجالة فى حى السيالة ومش خايفة *** من طول لسانها ومن جنانها وتروح حالفة

أن الطخين تمشى أمةعلى العجين ياخد لفة *** أعجبت بيها لما التيقها فاردة الملاية أو لفة

وأنا من دماغى حبيت ألاغى المنتدى فبركت الرواية وبصرحة عشان صقفة[ندعوك للتسجيل في المنتدى أو التعريف بنفسك لمعاينة هذه الصورة]

ساعة العصارى ياواد رايق , بتفوت علينا وتتعايق بصراحة دة زود غلبى

وتمشى ولا واخد بالك قال يعنى آيه ماشى ف حالك وهوة دة اللى مشيبنى

ف الجلابية السكروتة وبالطاقية المظبوطة ما تيجى ياد خش فى عيبى

ههههههههههههههههههههه

ررررررررررررررررروووووووووووووووعة ابو طارق

يسلموووووووووووووووووووو

19766

أنا والعذاب وهواك حقولك أية

بعد كلامك الحلو والذوق قلتية

دانا لقيت تلاتة رائع فيما قولتية

ولو مش مصدقانى أرجعى وعيدية

وانا ببعتلك تلات سلامات وشكرى فوقية

الرائع سموك وادبك وكلك يابنت الأيه

[ندعوك للتسجيل في المنتدى أو التعريف بنفسك لمعاينة هذه الصورة]

شو يا ابو طارق عاوز تفهمنا كل صفات الي فيها دي وتتجوزها با العافيه

دى انت يا عيني ملهوف لهفه

ههههههههههههه

بس قول انك خايف من ام طارق

وعشانها بتئول زواج عفيه هههههههههههههههههه

رووووووووووووووووووووعه بجد تسلم يدك

[ندعوك للتسجيل في المنتدى أو التعريف بنفسك لمعاينة هذه الصورة]

نانسى ياآميرة بأحسن أخلاق

ممكن آى شىء يجى بالخناق

ألا الجواز ده ميجيش غير بأتفاق

لكن صاحبتنا دى أساسا من بولاق

مش عاجبها أحـــوال كل العشا ق

لما عجبها واد حليـوة فى حلاوتة فاق

قالت لابد أعكشة بمزاجة أو بالعافية سواء

[ندعوك للتسجيل في المنتدى أو التعريف بنفسك لمعاينة هذه الصورة]

دموع العين حلفت يمين أن الحكاية دى عجبتها

ضحكت تقول حاجة مش معقول يعمر بيتهــــــا

خدت الكلام وبلحن تمام كل القصيدة دى غنتهــــا

وأنا ليل نهار كدة فى أنتظار ليه ما ذاعتـهــــــــــا

بنت الكرام يالا قـــوام وقبل ماأنام الليلة ليـلـتــــهـا

[ندعوك للتسجيل في المنتدى أو التعريف بنفسك لمعاينة هذه الصورة]

عمو ابو طارق ده راجل تمام
ديما فى الصف فى الامام
ومستر جوجل عطيلهم سلام
ديما فى صفحاته قوام قوام
تكتب اسمه يطلعلك تمام
وده لانه نشيط وتمام التمام
من برونزى لفضى وبعدها اصبح فعال
وبعدها معجبوش الحال
وفجاه بقه دهبى كمان
وده جد الجد كمان وكمان
لانه اصيل ومعدن دهب ومرجان
ديما فى المنتدى شغال
ويسجل ويجب احلى الاعمال
والاعضاء تجرى وتدور قوام
على ابو طارق وكلامه الفعال
وانا من هنا
ارد واقول
يا ابو طارق خليك على طول
ديما منور وسريع المفعول
وتاثيرك قوى ولا فى الخيال

[ندعوك للتسجيل في المنتدى أو التعريف بنفسك لمعاينة هذه الصورة]
تحياتى

تاني وتالت أجي وأقول يسلام ، أبو طارق بيقول احلي كلام

من غير ما هقول أنا بضرب لك تمام ، زى بتوع الجيش والناس القدام

زى ماقال علاء دايما خليك قدام ، وإحنا ورآك بكل حب واحترام

ولسه دموع هتغنيهااااااا ، وبيها تكمل الأنغام

أصلها عندها إحساس ، ومواضيعها زى الألماس

وبقيت الأعضاء ملينين حماس ، يارب تتحرر القدس و حماس

وارجع تاني لعمنا الهمام ، وأقوله تشكر تشكر ومش أفلام

أنت غلبت فندام ، وهنيدي في أمستردام

أبو طارق تقبل مروري واحترامي

ولك احلي تحيه في الليله ديه

[ندعوك للتسجيل في المنتدى أو التعريف بنفسك لمعاينة هذه الصورة]

» " ليــلـة فـــيــروز " ... من ليالى أحمد أبوطارق
» " ليلة . السـرايـا الصـفـرا . " من ليالـى أحمد أبوطارق
» " ليلة الدرب الأحمر " من ليالى أحمد أبوطارق
» بـــيــن السـياسـة والعشق والغلاسـة .... أحمد أبوطارق
» " ليـلة أختـيار , أصـعب قــرار ... " ليالى أحمد أبوطارق