من انواع شباب نت

لكل بنت عاوزه تعرف راسها من رجلها
دى أنواع الشباب الموجود على النت وطبعا فى انواع لم تذكر
المهم انى جيبتلكم الموضوع علشان خفت دمه



المرحلة الأولى :

( الي يدوبك لسه متعلم يدخل نت )

طبعا العمر يتراوح من 18 الى ما فوق ... وتلاقيه اول ما يدخل هاي ممكن
نتعرف انا فلان ومن الحته الفلانيه وتحسي ان فيه حنفيه معلومات اتفتحت
واي حاجة تقوليهاله يقولك يعني ايه مش فاهم وبعد كل كلمة يقولك اصل
انا لسه جديد في النت

والنوعية دي تنقسم لقسمين :
1- يا اما متحمس وحط ف دماغه موضوع النت وعايز يتعلم
2- يا اما سمع من صحابه عن النت والبنات وجاي يجرب حظه


المرحلة الثانية:

( الي بيقعد على النت بس مش كتير )
النوع ده كل كلامه انا مشغولياتي كتير ومبحبش النت والكلام ده وبعد ما
يكلم شوية يقولك ممكن نكمل كلام في التليفون انا اصلي مبدخلش النت
كتير ومليش خلق للكتابة والحاجات دي

والنوعيه دي تنقسم الى قسمين:
1- يا اما يبقى لحوح ويفضل يطلب نفس الطلب وصباح الملل
2- يا اما يبقى عنده عزة نفس وميلحش بس هيتعصب وهيقولك اعمليلي بلوك


المرحلة التالته :

( الي قاعد على النت ليل نهار )

ده بقى شرحه يطول وينقسم لعدة انواع

1- المقموص

ده بقى قاعد وحاطط ايده على زرار الزعل اي حاجة تقوليها تبقي بتقصديه
او بتقللي من شانه وبعد كام مرة كلام ممكن يقولك اديني نمرة تليفونك
ولما تعتذري هيقولك انا هحترم رغبتك وهيركبلك الوش الخشب ومن وقت
للتاني هتاخدي البلوك ف وشك فنصيحه من اولها كده اديله بلوك وديليت

2- ابو دم خفيف ( النوع ده فى منه كتير أوى هنا )

ده شلل مركز ومتعرفيش مين الي خدعه وقاله ان دمه خفيف وكل كلامه قفشات
وضحك والمفروض انك تكوني مجامله وتضحكي بس منصحكيش تيجي على اعصابك

3- المودي

دي بقة شخصية بتتنوع كل يوم على حسب المود وهتحسي انك بتكلمي واحد
عنده انفصام ف الشخصية النهاردة رزين وعاقل وبكرة لاسع وبعد يومين رخم
وبعدها كيوت وفريندلي طبعا الحكايه مش ناقصة جنان كفايه الي الواحد
فيه

4- اللزقه

والنوع ده عايز حزم ف التعامل معاه لأن كل كلامه انتي فين ؟ بتتاخري
في الرد ليه؟ انتي بتكلمي حد ؟؟ ياعم وانت مالك بتتحشر
ليه ......ولو قلتيله ثواني هيقولك ليه رايحة فين؟ متتاخريش ... ايه
ده انتي لسه مجيتيش ؟؟؟

5- الناصح

صباح الصداع مع كل جمله هتقوليها هتاخدي نصيحة وفيه عرض خاص قولي
جملتين وخدي اربع نصايح العرض مستمر حتى نفاد الكمية ........ولو على
منتدى زينا كده هتلاقيه بيقولك ليه حطيتي التوبيك ده وليه شيلتي
الصورة دي وحطيتي التانية انا انصحك انك تخليه يحصل اخواته الي فاتوا
يعني بلوك وديليت

6- الحبيب

انا فيا جاذبية وكل البنات بتعجب بيا ....... ايام ما كنت ف الكليه
كنت عامل ازمه والبنات بتتخانق عليا...... المصيبة بقى ان اي جمله
هتقوليها هيفهم ان انتي معجبه اصله مش بمزاجك هتحبيه يعني هتحبيه



8- الكداب

من اول الأسم والسن واي معلومة خدتيها كدب في كدب ومتعرفيش ليه ده بقى
انصحيه وخليه يغير اسمه على الماسنجر ويخليه مسيلمة الكداب

9- العبيط

ده هتلاقيه على طول حاطط صورته وذنب عليكي تتفرجي ويشيل الصورة دي يحط
التانية وكل شوية يفتح الكاميرا مع نفسه


10- بابا اوبح

ده ممكن يكون على النت من سنة 96 واتخرج واشتغل واتجوز وجاب عيال ولسه
قاعد يتعرف على بنات وكل ما يكلم واحدة يقنعها انه مش متجوز وبيدور
على عروسة وصباح السرحان ولو جربتي كل يوم تدخليله بايميل غير التاني
هتسمعي قصة حياته كل يوم مختلفة
مستنيا ردودكم
وهو طبعا مش كل الشباب
سلام

يادكتورة وفاهمة تمام ف الأوجاع *** جيتى شرحتى ف الموضوع كل الأنواع



المقموص ولا اللزقة والكداب واللى باع *** فاهمة الناصح والحبيب وبابا أوبح ضاع

بس أنا نفسى أعرف أبقى فين أنا ف الأنواع ؟؟؟؟؟

كن اكيد يا ابو طارق انك بعيد كل لبعد عن هذه انواع

كل احترامي لشخصك الكريم

لكن لموضوع منقول لخفت دمه

ارق تحياتي الك ابو طارق

شكرا للمرور ورد اسير

هههههههههههههههههههههههه


مشكووووووووووور

ههههههههههههه
والله ضحكت من انواع الشباب وضحكت اكتر من انواع البنات
اسير ماقصر على طول جاب الموضوع المعاكس
نانسي يسلمو حبيبتي على الموضوع الظريف

وانا كمان بشكر اسير

وبرد على اشرف باالعريس الرخم ههههههههههههههههههههههه



عريس رخم راح يتقدم لواحدة تعالوا نشوف ايه اللى حصل
بقى

العريس : هاى يا عمى ازى حضرتك ان شاء الله تكون بخير

ابو
العروسة : هاى؟؟؟ انت داخل على اصحابكـ فى ملعب الاسكواش اهلا وسهلا

يا بنى
اى خدمة

العريس: والله يا عمى كنت عايز اتكلم مع حضرتك شوية

ابو
العروسة : اتفضل يا بنى خير ان شاء الله

العريس: بص يا عمى انا محرج جدا بس
الحاجات دي مفيهاش كسوف انا عايز

اخطب بنت حضرتك

ابو العروسة :طيب
انت تعرفها منين ؟

العريس: لا يا عمى انا شوفتها كام مرة وسألت عليها لقيتها
بنت كويسة