المارد . الجامد .. العبيط خواطر أبوطارق

النت دا مارد جدا جامد بس عبيط *** دا كلام حثبتة بآدلة وحجة آخر تظبيط



مش قصدى أظلمة وأبقوا أنتو أحكموا النت دا آهبل ؟ ولا حويط ؟



لو مرة أسألة عن كلمة من أول حرف يرص شريط * وأن قلت الحرف التانى بسرعة يقول كيت كيت



أستنى ياعم الأهوج هو انا ناقص تشتيت



لو جيت أسألة عن قرية نحية طنطا أو أسيوط * يقولى مكانها بسرعة وفى منها ف لندن ودوترويت



لو أدخل أسمى ف مرة ناسى شرطة أو تنقيط ** يقولى أنت مش أنت آمال حضرتى عفريت ؟



عيل طولة شبر يسوقة أيشى ألعاب أيشى تنطيط * * يصرخ يفشخ بوقة بالمزيكا وبالزغاريط



ف الشرع وفقة السنة وفى السيرة آخر تربيط * ف الأكل وشغل المطبخ أجدع من ميت فتافيت



لو أكون مشغول ف سياسية والدنياآخر لاغابيط ** ألقاة فجأة وبيجيبلى شبان قالعيين بلا بيط



نازلين ترقيص حضراتهم بالشوم وبالنا با بيت ** وبكل برود يسألنى تعليقك دىمسابقة فية تصويت



دا أنا ببقى ف نص هدومى وأدى وشى تجاة الحيط * الواد أبنى لو شافنى يفتكر أنى أتجنيت ؟



ومواقع فيها مواجع ومواقع مليانة عفاريت * بالذمة أنتم دلونى هو آهبل ؟ و لا حويط



يالله أستفتا ياخواننا بسرعة عايزين تصويت

[ندعوك للتسجيل في المنتدى أو التعريف بنفسك لمعاينة هذه الصورة]

الأستاذة الغالية

سلمى



الف ألف شكر على كلامك الراقى وتعليقك الرائع

شعرت بكل السعادة الفخر وأنا أقرأكلماتك

أكرر لكى أن حسك الأدبى ممتاز وراقى

أتمنى لك مستقبل باهر تحقيقين فية كل آمالك

وطموحاتك وبالتوفيق دائما

[ندعوك للتسجيل في المنتدى أو التعريف بنفسك لمعاينة هذه الصورة]

الله الله الله

عليك يا ابو طارق وعلى كلماتك انت ما تركت شئ لا وصفتو


تسلم يدك بجد روووووووووووووووووعه


بس بجد خد بالك من ام طارق

هههههههههههههههههههههههه


ولا واد دى مشكله لو شافك


كلمات بسيطه وسهله تدخل القلب والله وسلسه با الفكره


مهما شكرتك مش حوفيك حقك يا احمد


بس حئلك انا بنتظار جديدك كل ثانيه


[ندعوك للتسجيل في المنتدى أو التعريف بنفسك لمعاينة هذه الصورة]



تقبل تحيات قلب لمنتدى نانسي

كلمات بسيطة وسهلةتدخل القلب والله وسلسة بالفكرة



الأخت الغالية

قلب المنتدى



أشكرك وأحيك على تعليقك الرائع أعتبرة شهادة تقديرمن أنسانة مثقفة راقية



تقدم لنا كل آلون الثقافة والأبداع ...... الشكر كل الشكر للأهتمام وكل هذا



الكرم الذى ليس غريبا عليكى مع وافر تحياتى واحترامى

[ندعوك للتسجيل في المنتدى أو التعريف بنفسك لمعاينة هذه الصورة]

النت ده جميل وجميل
واختراع ملهوش مثييل عرفنا على الكل كليل
وما خلى فى العقل دليل
الا وراح الكل يطير
على عم جوجل ويسال والفكر يسيل
عرفنا با ابو طار والحاج اسير
والناس الحلوه الا حولينا بتسير
قلت يربى وما الحال ده كتير
يطل علينا بفكر جديد
يغير عقل الصغير والكبير
اصلى انا لفيت ودخت كتير
من جوجل لياهو والناس كتير
زحمه حوليا وافكار بتطير
خلت ابو طارق
يكتب مكاتيب قرتها انا وانتم هنا
قاعدين هنا بتضحكو ومبسوطين
من كلام الراجل الطيب الاصيل
الا ضحك قلبنا على النت وافعاله الا تخلى العقل يطير

خاطره قويه وفكر خطير
من راجل عقله يوزن طن من المهاطيل
الا حوالنا هربو كتير
وملقوش مكان بمنتدى الاسطاير
بروف علاء وشله خطيره
منوره الحته
وافكارهم بتطير

خلونى امشى واجرى كتير علشان اهضم فطارى الا كان كتير
محدش يقر خليكم يا خلوين عمو جوجل ابو عقل متين

الصديق الغالى

بروف علاء



أنت اللى جميل يا جميل *** وأنا عندى ألف دليل



طول عمرك حلو أصيل ** قلبك وكأنة سبيل....



لزميلة أو لزميل ** ولكل همومى تزيل.....



ياأصيل يانبيل ياجميل وأنا عندى ألف دليل

أشكرك يابرنس على كلامك الجميل ومشاعرك الفياضة

[ندعوك للتسجيل في المنتدى أو التعريف بنفسك لمعاينة هذه الصورة]

لو مرة أسألة عن كلمة من أول حرف يرص شريط * وأن قلت الحرف التانى بسرعة يقول كيت كيت

[ندعوك للتسجيل في المنتدى أو التعريف بنفسك لمعاينة هذه الصورة] .. الأخ العزيز

آسلام







أسعدنى مرورك ياصديقى

ألف شكرلا



م

الصديق الغالى

بروف علاء



كلك ذوق يابرنس *** طب دانت ملاك مش أنس



أخلاقك أحلى دى فنس *** خليتنا ف أجمل سنس



[ندعوك للتسجيل في المنتدى أو التعريف بنفسك لمعاينة هذه الصورة]

هو ده البيه الي اسمه نت
ده مش عفريت ده ابو العفاريت
بقى دليلنا واستاذنا ومعلمنا حتى في الاتيكيت

بياخدك للندن ودوترويت وكل ده من الدوتكوم
وخلى الواحد فنص هدومه باديها من الكم
و الله جامد مشتتنا وكمان خلى مخناعامل زي اللحم المفروم
لا بقينا نفكر ولا نطالع ولابالكتب نهتم
لكن بردو مسلينا وشايل علينا الهم
مش احنا لما نتضايق نروحله عشان ننسى ونبعد عن التفكير و الغم

يا ابو طارق ربنا يديم النت
الي خلانا نعرف صاحب الابداع لاني لكلامك حبيت
وربك يحميك وينور طريقك
بجد خاطرة جميلة
وكل كلمة فيها واقعية وفعلية
ربنا يحميك يا ابو طارق ويحمي كل مسلم من كل شر وبلية
تقبل مروري
نســــــومة

[ندعوك للتسجيل في المنتدى أو التعريف بنفسك لمعاينة هذه الصورة] الأستاذة الغالية

نسومة



كل التحية والأحترام لشخصك النبيل

ياأبوطارق ربنا يديم النت

اللى خلانا نعرف صاحب الأبداع لأنى لكلامك حبيت

وربنا يحميك وينور طريقك

جزاك الله كل الخير على تعليقك الرائع

ألف شكر

[ندعوك للتسجيل في المنتدى أو التعريف بنفسك لمعاينة هذه الصورة]

جـــوجـــل جــوجل ملك النت عايزلة نشــــان

فايق رايـــق واســم أبو طــارق خلا له عنـــــوان

بصراحة مشكــور عم يامشـهور وحقيــقى فنــــــان

ولا فيك غلطة نقطة ولاشرطة فضلك زلطة وتصبح أنسان

ومعاك سهران أنا فى الروقان وصحبة جميلة آهل وخلان

[ندعوك للتسجيل في المنتدى أو التعريف بنفسك لمعاينة هذه الصورة]

النت فيه عيوب وميزات،

وزي ما فيه خُد، فيه برده هات،

لكن المهم طريقة الاستخدمات ،

فيه أخبار، وفيه أخطار، وكمان مليان بالمعلومات.

بس مهم ما يسرقش الوقت، ونقعد عليه طول الأوقات.



خاطرتك جميلة يا أبو طارق، تسلم ويسلم إبداعك وقلمك.

نهــر الحب , قالت ع النــت كلام ياســــــلام

دى منين ماتطب بتجيب آفكار ثقافتهــا تــمـــام

ومنين مابتطرح آفكارها أنا بفرح وآرد قــــوام

كلامك مظبوط النت دا حوت أوبحركبير يلزمه عوام

يفلت من عـام على مدى أعوام وشـرق وغــرق من نام

[ندعوك للتسجيل في المنتدى أو التعريف بنفسك لمعاينة هذه الصورة]

ابو طارق الجميل



كلامك بيعجبنى ويستاهل المرور عليه اكتر من مره



تقبل مرورى وتحياتى



[ندعوك للتسجيل في المنتدى أو التعريف بنفسك لمعاينة هذه الصورة]

شاعرة وفــاء ياأديبــة وملمة بفـــن التنـكيــــــــت

مــاهرة فـى فــن الألقـــاء واحنــا جنبك كتاكيــــت

ابدا مابنافق أبـــدا , بـــس لــــزوم الأتيكــيــــــــت

كـــرمــك بصراحـــة فى ردك خلانى أنــا رديــــــت

...........

[ندعوك للتسجيل في المنتدى أو التعريف بنفسك لمعاينة هذه الصورة]