اسئله رخمــــــــــه بنتسألها كل يوم

في أسئلة بديهية مالهاش اي لزمة في الدنيا
بنتعرّض ليها كل يوم من كل
الناس

خلـونـــا نشــوف أمثلة

***********
إنت في أوضتك .. على
السرير وطافي النور ومتغطي
ييجي أخوك الظريف ويفتح الباب عليك ويقول : ايه ده
انت هتنام ولاّ ايه ؟

(( أظن ده مش وضع الرقص !!! واضح ان انا هنام ))


***********
انتم معزومين عند ناس ورحتو لبيتهم وأول ما فتحولكوا الباب
يقول ابنهم الصغير: انتوا جيتــواااااااااااااااا ؟

(( لا لسه ))

***********
والعكس : انت لابس هدومك و متأنتك و على سنجة عشرة وريحة
البارفان واصله لاخر الشارع .. وخلاص بتفتح باب الشقة,, يجي حد من أهلك وينادي بصوت
عالي : انت خااااارج ولاّ اييييييييييه

(( !!! لاء دانا لسه راجع ))


**********
أو مثلا راكب العربية ودوّرتها وخلاص هتطلع ... يجيلك لك
البواب ويخبطلك على الزجاج,, انت بكل ذوق تفتح الزجاج وتقوله : خير في حاجة؟

يقولك : انت رايح الشغل يابيه ؟

(( لا.. العربية واحشاني ))


***********
مثلا ماسك سماعة التلفون وقاعد تضغط الارقام يجي حد من
أهلك ويقولك: انت هتتكلم في التليفون ؟
(( لا.. بتفرّج عليه ))


***********
مثلا : ماسك مذكرة أو كتاب وقاعد تحفظ ومتحمس (أول مره
بقى) .. جه حد وقالك: هاه.. قاعد تذاكر ؟
(( تقوم رامي الكتاب و تقوله
لااااااااء ))

***********
ربنا هاديك كده ... ماسك سبحة و عمال تسبّح
، يجي حد من البيت يعدي عليك ويقول: هوّه انت بتسبح ؟

(( لاء.. هفرطها و
أسلقها ))
***********
ولاّ تعالــو شوفو قنواتنا واسئلتهم البديهية
البايخة
برنامج اهداءات يتصل واحد يطلب أغنيه
ترد عليه ست الكوتكوته
(المذيعة) بكل خفه ورشاقة : إنتا بتحب الاغنيّة ديه ولا ايه ؟

(( لاء..
طالبها اخنق على نفسي ))

***********
أو مثلا في العيد

المذيع
: هههههه هههههههه هههههه نتعرّف بيك
المواطن : فلان الفلاني
المذيع
:هههههه هههههه هههههه بتقول ايه للأهل ههه و صحابك ههه وقرابيك هههه و للناس اللي
انت مخاصمهم كمان ؟ هههههه هههههه ههههههه
المواطن : أقولهم كل عام وأنتم بخير


(( أكيد يعني مش هيقولهم البقاء لله ))

***********
,,,المذيعة
الظريفـة : وياترى بقى هتعملوا ايه العيد ده هتقضوه ازاي ؟
أكيد بيبقى زيارات
الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل
بالمعارف نعيّد عليهم و نقولهم كل سنة و انتو طيبين

(( سبتيله ايه يقوله
يارخمة ؟ ))

***********
والأسخف بقى ... الشلل الكبير.. لما المذيعين
يكلّموا الاطفال
يقول المذيع للطفل : إنت بتحب ماما وبابا ؟

(( يعني
أساسي الواد لسه ما طلعلوش عرق الندالة علشان يقول لأ ))

ولاما هيا رخمه قوى كده بتعديها ليه تانى
ولا رخامه برخامه

فكرتونى بحد كده يشوف العضو من دول مقطع نفسه مواضيع وردود وبالمنتدى ويجى حد تانى نازل ردود وراه
فجاءه يساله هو انت بالمنتدى ولا ايه
اه صح نسيت اسالك يا نانسى هو انت باالمنتدى

أو مثلا راكب العربية ودوّرتها وخلاص هتطلع ... يجيلك لك
البواب ويخبطلك على الزجاج,, انت بكل ذوق تفتح الزجاج وتقوله : خير في حاجة؟

يقولك : انت رايح الشغل يابيه ؟

(( لا.. العربية واحشاني ))

شكرا انوس على الموضوع الجميل
ارق تحياتى

هو انتى عملتى الموضوع ده ليه.....................................

لاء يا بروف لسه ما دخلتش


لمنتدى ليوم
هههههههههههههههههههه

شكرا اسلام على مرورك الكريم


هو انت قراءت لموضوع

هههههههههههههههههههههه

سوال رخم

هو انتى عملتى الموضوع ده ليه.....................................



رخامه با رخامه بئاااااااااااااااااااااااااااااااااااااا