تابعونا في حلقات دروس فن الدفاع على النفس ضد الازواج ممنوع دخول الشباب

المرأة الحديديه

بعد أن سمعت ( زينات ) عن فتوى مفتى السعوديه بأن من حق الٍسيدة الدفاع عن نفسها ضد عدوان الرجل ومن حقها أن تضربه كما يضربها
باتت تفكر فى وسيله تجعلها قادرة على رد العدوان والأيذاء الذى يمارسه معها زوجها( حموده المفش)
فمنذ أن تزوجت هذا الرجل وهو يصبحها بعلقة ويمسيها بعلقة بسبب وبدون سبب
فعاشت كسيرة مذلوله فى بيته ويعايرها نساء العيله والجيران بضعفها وقلة
حيلتها مع هذا الرجل الباغى الظالم........... وفى جلسه حريمى بين زينات
وجارتها (فتكات) دار بينهما هذا الحديث
الحلقة الأولى
فتكات : ما ينفعش الكلام ده يازينات يا حبيبتى كل يوم تتضربى علقه وننام
ونصحى على صريخك.. طب بلاش كل يوم... خليها ياختى كل شهر ده أنتى صحتك على
قدك مش حمل الضرب ده كله
زينات : ما أنتى شايفه يا فتكات حموده عامل زى الوحش الخبطه من أيده
بتكومنى على الأرض ..أعمل أيه ؟؟ ومعايا تلات عيال ومقطوعه من شجرة فكرت
كتير أنى أطلق منه.. تصعب عليا العيال.. وحروح فين وآجى منين ولا حلتى مال
ولا جمال ومأعرفش حد فى البلد دى
فتكات : مالكيش قرايب ولا أعمام ولا خلان يقفوا للراجل المفترى ده
زينات : ولو فيه.. يقدر حد على (حموده المفش) وأجرامه وطولة لسانه منه للله البعيد ربنا على المفترى قادر يهده
فتكات : آمين ..حطى الكمدات دى على عينك أللى ما بلتحقش تفش تورم تانى
..ربنا يصبرك... يقدر( أبو صابر) يبص ناحيتى أو يعمل زى حموده بتاعك ده ...
ده أنا كنت أكلته بسنانى
زينات : أنتى يا فتكات صحتك مسعداكى وماشاء الله عليكى طول بعرض وجسمك
مليان تقدرى تضربى عشرة من أبو صابر أنما أنا ياحسره عليا مفييش زى
العصفورة حموده بيطوحنى فى أخر الشقه زى الورقه
فتكات تخمس فى وجهها : النهارده الخميس يا حبيبتى ..بس أنتى اللى خايبه
الحكايه مش بالجسم يا عبيطه شوفى القطه والكلب لما بيتخانقوا القطه أصغر من
الكلب بكتير أنما بتبهدله وتخليه يدلدل ودانه ويجرى
الحكايه مش بالجسم والعضلات ..عايزه شخصيه وشجاعه وأنتى شخصيتك أتمسحت مع الراجل ده وجبانه على طول وخايفه تواجهيه
زينات : أواجه ثور زى ده أزاى قوليلى..ده ممكن يموتنى
فتكات : تتك خيبه ما أنتى ميته هو أنتى فاكره نفسك عايشه..شوفى الستات وهى
بتتبغد وتتشرط وتتقنعر على رجالتها ويتمنوا ليهم الرضا يرضوا
..عارفه يابت يا زينات أنا سمعت فى التليفزيون أن الشيخ بيقول أنى من حقك
تضربى جوزك لو ضربك يعنى تدافعى عن نفسك بدل ماأنتى واقفه قدامه زى العبيطه
يلطش فيكى فى الرايحه والجايه ..مش قادره خوفيه هدديه أتغدى بيه قبل ما
يتعشى بيكى ورى له العين الحمرا زينات : طب لو ضربنى
فتكات: ماهو بيضربك من غير حاجه ..بس حسسيه أنك ممكن تأذيه زى ما
بيأذيكى..وبعدين يابت كلى وأتخنى وأملى هدومك ..بدل ماهو مستهيفك كده
زينات : هى الواحده بيبقى عندها نفس تاكل بعد البهدله دى أنا نفسى بتتسد وأقعد باليومين ما حطش لقمه فى بقى
فتكات : بسيطه كلى يا حبيبتى قبل العلقه حتى تقدرى تستحملى التلطيش وقلة
الحيا بتاعته وزودى فى الأكل كأنك بتاكلى فى جتته.. عيزاكى تاكلى كأنه آخر
زادك و تبقى زى البطه ودراعتك ورجليكى تملا ووشك يتنفخ كده بدل الأنيميا
أللى أنتى عايشه فيها وبعد كده حعلمك القهر على أصوله
زينات : طب فيه حاجه تخلينى أتخن بسرعة
فتكات : فيه يا حبيبتى عند العطار ..الكيس المحوج ومربة خرز البقر والمفتقه
..وتكترى قوى فى أكل السمك والرز والعيش وماتهديش نفسك فى البيت وريحى على
الآخر ده راجل مايستهلش غير ضرب البرطوشه
زينات فى أستسلام: خلاص يا أبله فتكات
فتكات : أبله أيه يابت ده أنا أكبر منك بشهور أبقا أبلتك منين يا دلعدى
ده ليه حق حموده يروقك كل شويه ههههههههه
عايزاكى تصحى وتفوقى لنفسك وكل يوم حاجى أقعد معاكى أديكى درس حريمى معتبر
وعايزه أشوف النتيجه أول بأول..فوتك بعافيه حجيلك بكره وأجيبلك كل الطلبات
من عند العطار
الحلقة رقم(2)
الدرس الأول

فعلا هو لازم الصبايا دروس زي دي
عشان يتثقفوا
بس مش شايفة حكايه الضرب تخينه شويه ياحنان

بس يلا خليهم يتعلمو استخدام جميع الاسلحة واكأننا داخلين على حرب
انا لما هتجوز رح ابدأ بالخطة
هلأ رح اكون طالبة مستمعة
بسلمووووووووو يا حلوة
هتابعك عن كثب
جزين

salma mahmoud كتب:: فعلا هو لازم الصبايا دروس زي دي
عشان يتثقفوا
بس مش شايفة حكايه الضرب تخينه شويه ياحنان

بس يلا خليهم يتعلمو استخدام جميع الاسلحة واكأننا داخلين على حرب
انا لما هتجوز رح ابدأ بالخطة
هلأ رح اكون طالبة مستمعة
بسلمووووووووو يا حلوة
هتابعك عن كثب

أشكرك حبيبتي سلمى على أفتتاحك التعليق
لو تابعتى الحلقات حتتعلمى دروس فى فن الدفاع عن النفس
حتنفعك قووى لو تعرضتى لأى موقف عدوانى
مش شرط يكون العريس الذى تطبقى عليه الدروس
هههههههه

تابعونا في حلقات دروس فن الدفاع على النفس ضد الازواج ممنوع دخول الشباب 3276964926

تابعونا في حلقات دروس فن الدفاع على النفس ضد الازواج ممنوع دخول الشباب 3276964926

هو الموضوع جميل و نصائحه من ضرب

قصدى من ذهب

بس بصراحة انا اليومين دول عاملة هدوء مع نفسي و مع غيري

يعنى ممكن لو استمريتى الحق عليكى في الدروس الجاية

و اكيد حكون معاكى قلبا و قالبا

استمري و نحن من وراءك

لا انا اكيد هتابع
يعني هطبق على مين بس ياعمري
مافيش غيره
هههههههههههههههههههه
ههههههههههههههههههههه
متابعة عن قرب

صمتي كلام كتب:: هو الموضوع جميل و نصائحه من ضرب

قصدى من ذهب

بس بصراحة انا اليومين دول عاملة هدوء مع نفسي و مع غيري

يعنى ممكن لو استمريتى الحق عليكى في الدروس الجاية

و اكيد حكون معاكى قلبا و قالبا

استمري و نحن من وراءك

ليه بس يا قلبي عاملة هدنة مع نفسك ومع الناس لييييييييه
عاوزة تشمتى فينا الاعادي قصدى الرجالة
المهم
اوعى تفوتى اي كورس من دروس

الضرب Self-defense

واكيد هتنفعك فى المستقبل قصدى لما تفوقى وتبقى صمتى الى انا عارفاها
خلاص حبيباتى زمن الهدنة والاسستسلام انتهى اصحى وخلينا نشوف شغلنا

انا عليا الدروس وانتى عليكى تدربب البنات

ههههه
ميرسي يا قلبي على المتابعة

salma mahmoud كتب:: لا انا اكيد هتابع
يعني هطبق على مين بس ياعمري
مافيش غيره
هههههههههههههههههههه
ههههههههههههههههههههه
متابعة عن قرب

ايوة كده حبيبة قلبي طمنتيني طبقى يا ختى طبقى ههههههههه
واعى تفوتى اى درس

عموما عشان خاطر حماسك مش هسيبك تستنى كثييير
هنزل حالا الدرس الاول

تابعيني

تابعونا في حلقات دروس فن الدفاع على النفس ضد الازواج ممنوع دخول الشباب 990856885

تابعونا في حلقات دروس فن الدفاع على النفس ضد الازواج ممنوع دخول الشباب 990856885

الحلقة رقم(2)
الدرس الأول

تابعونا في حلقات دروس فن الدفاع على النفس ضد الازواج ممنوع دخول الشباب 075ec0cb97

فتكات: يعنى ما سمعناش صوتك النهارده ..قولت آجى أشوفك ليكون المخفى خلص عليكى
زينات :رجع أمبارح متأخر دخل نام زى الشوال ماحطش منطق يظهر كان مونون
ومتقل فى العيار ... وخرج من بدرى من غير ما يصحينى دخل على المطبخ وفتح
التلاجه وقعد يلوغ وقام رازع الباب وقام فاتحه تانى..... وجه وقف فوق راسى
وأنا عامله نفسى نايمه وقال لى: حسابنا لما أرجعلك يازينات يا بنت
أمبابى..أفتكر المفترى أنه ما ضربنيش أمبارح وقام خارج آلهى ما يرجعه
فتكات : خدى الحاجه أهه خبيها منه ليلغوها هى كمان ويزيد فى أفتراه
وزى ما فهمتك عيزاكى تاكلى كويس وأنا شايفه خير ربنا كتير عندك
زينات: هو ماعندوش أهم من الأكل ..همه على بطنه داخل محمل من مجاميعه لحمه وفراخ وفاكهه ..بس فين النفس أللى تاكل
فتكات : عيزاكى تاكلى فى آخر زادك لحد ماتردى.. وتربربى ..عارفه الكلبه
أللى عند أورمه الجزار مابتقدرش تمشى من كتر الأكل أزاىوما بتخليش أتخنها
كلب يهوب ناحية الشارع
زينات :عيزانى أبقى زى الكلبه يا فتكات
فتكات : مع الجعر جوزك ده عيزاكى تبقى زى الوحش علشان يعملك ألف مليون
حساب..المهم فى الفتره دى ما تتعرضيش ليه وكل حاجه قولى حاضر لحد ما تبقى
تمام التمام
زينات: هو أنا بقدر أقول لأ ..ماشى يا فتكات حعمل أللى بتقولى عليه
فتكات: شوفى بقى بعد كده لما جسمك يملا وتشدى كده حاخدك لمدام (فوزيه) أللى
فى الدور الأرضى بتاعة الرياضه حتخليها تظبطك أنا كلمتها أمبارح قالت لى
خلينى أشوفها المسكينه دى ..
زينات: عايزانى فى أيه مدام فوزيه
فتكات: أنا لما حكيت لها حكايتك ..نزلت الدمعه من عينها وحلفت براس أبوها لتمرنك مجانا ولوجه الله
زينات : حتمرنى على أيه دى كمان
فتكات : حتمرنك كوندوفو..ومصارعه حره..وكيك بوكس وكارتيه وكل أللى يساعدك علشان تعرفى تدافعى عن نفسك
زينات وهى تضرب بيدها على صدرها : يالهوى يا فتكات عايزانى أضرب الثور ده طب أزاى.. ينفع ؟؟
فتكات : ينفع وينفع ونص بس سيبك من الجبن أللى أنتى فيه ده أنا عايزه أعملك
كرامه.... ده كل ستات الحته لما عارفوا بحكايتك نفسهم ومنى عينهم يسووه
على الجنبين بالشباشب
أسمعى الكلام أللى بقولك عليه وخطوه خطوه حنعرف أزاى نربيه ونكسر مناخيره المفش الجبان أللى مستتخن نفسه ..آه لو أطول زمارة رقبته
الكابتن فوزيه
فوزيه : أطلعى على الميزان ..لسه وزنك أقل ..عايشه على المفتقه ومربة خرز البقر ما ينفعش خدى الورقه دى فيها نظام غذائى ممتاز
بياخدوه بتوع الحديد وكمال الأجسام أمشى عليه لمدة شهر وأرمى الكلام الفارغ
بتاع الستات أللى غاويه كلبظه وتربى لهاليط ..وخدى العلبه الكبيره دى
تاخدى منها مرتين فى اليوم معلقة على كوباية لبن أو عصير..دى هديه من عندى
وأمشى على البرنامج وتعالى أشوفك كل أسبوع لحد ما توصلى للوزن المناسب
حنبدأ بالحقن وبعدين التمرينات بدون الحديد ثم بالحديد و بعدين حركات
القتال
زينات : بلاش والنبى ياست فوزيه
فوزيه تتعصب وتجذبها من صدرها وهى تشخط فيها : بلاش ..بلاش أيه ياوليه
يامغفله مش كفايه فضحانا فى وسط الناس ..خليتى الرجاله يطمعوا فينا ..أصحى
يازينات لحنزلك صف أسناك أنتى عارفه أنا ما بحبش سهوكة النسوان والدلع أللى
يفور الدم حتمشى على الكلام بتاعى أحسن والله أطلع أضربك أنتى وحموده
المفش بتاعك ده ..سامعه
زينات وهى خائفة : حاضر حاضر ياكابتن فوزيه حعمل أللى حتقولى عليه بالحرف
فوزيه : تابعيها كل يوم يا فتكات وبلغينى على طول ..تتك القرف ست خرعه ما عندكيش دم... مش عارفه تخبطيه خبطه تشل حركته
زينات: هو أنا بقدر أقرب جنبه
فوزيه :..بكره حعرفك أزاى تصارعى الثور ده وتكسرى قرنه... بس واحده واحده معايا وتنفذى ألى بقولك عليه
زينات : بس أنا خايفه قوى ياكابتن
فوزيه : طلعوا الست دى بره قبل ما كعورها على السلم..ست جبانه على رأى
المثل يافرعون أيه فرعنك قال مالقتش أللى يلمنى ..حتنفذى ولا لأ
زينات وهى خائفه : حاضر.. حاضر بس سيبى أيدى حتكسريها
فوزيه : حنشوف..أن ماخليتك تفصصيه بسنانك وتربى له الخفيف ما بقاش أنا الكابتن فوزيه عدوة الرجاله ..

الحلقة رقم (3)
العلقة

حياتي هو ده نظام تسمين ولا ايه
يارب يقوينا عليهم يارب

بس مني تعقيب بسيط على الدرس
الرجل يبحث عن إمرأة تُنازله . إنه محارب سابق ، يحتاج إلى إمرأة صعبة المراس .
لا تكوني دائماً قطّة .
دعي اللبؤة تستيقظ أحياناً فيك . في مخالبك تكمن نصف أُنوثتك .

يعني ياحبيبتي لازم نكون قويات
لازم كل البنات يشوفوا الموضوع ده لانه مفيد قوي

بانتظااااااااار العلقة
لرجل يحبُّ الألم ، يحبّ مَن تؤذيه ، فبالألم يختبر رجولته وقدرته على الصبر .
لذا ، لا يتعلّق بإمرأة تبكي أمامه ، بل بامرأة تُبكيه ..

يعني لازم يكون فيها الم وضرب
بس ياترى لمين فيهم؟؟؟؟؟؟؟؟؟؟؟

salma mahmoud كتب:: حياتي هو ده نظام تسمين ولا ايه
يارب يقوينا عليهم يارب

بس مني تعقيب بسيط على الدرس
الرجل يبحث عن إمرأة تُنازله . إنه محارب سابق ، يحتاج إلى إمرأة صعبة المراس .
لا تكوني دائماً قطّة .
دعي اللبؤة تستيقظ أحياناً فيك . في مخالبك تكمن نصف أُنوثتك .

يعني ياحبيبتي لازم نكون قويات
لازم كل البنات يشوفوا الموضوع ده لانه مفيد قوي

:هههههههههه: تابعونا في حلقات دروس فن الدفاع على النفس ضد الازواج ممنوع دخول الشباب IMMA_SORRY_I_KILLED_U_KAT__C_by_de_Mote

اتفق معكى حبيبتى فى كل ما قلتيه وكم اعجبتنى

عباراتكي
الرجل يبحث عن إمرأة تُنازله . إنه محارب سابق ، يحتاج إلى إمرأة صعبة المراس .
لا تكوني دائماً قطّة .
دعي اللبؤة تستيقظ أحياناً فيك . في مخالبك تكمن نصف أُنوثتك .
شاطرة يا روحي
فعلا فقد اثبتى حماسك وغيرتك وعلى بنات جنسك
وانى اري

اسمك لامع ينبئ بمستقبل زاهر

فى ادب الفن العدواني
ضد الرجالة
وقد اثبتي انك قادرة على التنافس

بجدارة

برافوا يا قلبي استمري على هذا المنوال
lol!

تابعينا فى الحلقات الجاية

اسمك لامع ينبئ بمستقبل زاهر

فى ادب الفن العدواني
ضد الرجالة
وقد اثبتي انك قادرة على التنافس

بجدارة

ربنا يطمنك ويجبر بخاطرك
اطمني ياروحي انا معاكم لاخر نفس
بانتظار العلقة

salma mahmoud كتب:: اسمك لامع ينبئ بمستقبل زاهر

فى ادب الفن العدواني
ضد الرجالة
وقد اثبتي انك قادرة على التنافس

بجدارة

ربنا يطمنك ويجبر بخاطرك
اطمني ياروحي انا معاكم لاخر نفس
بانتظار العلقة

اطمنى يا قلبي وانا بدوري لن اجعلك تنتظري كثير

والان مع الحلقة الثالتة العلقة خليك متابعة

الحلقة رقم (3)
العلقة

( وبعد شهرين حموده بعد الغداء يتمطع ويمدد على الكنبه وزينات تمر من أمامه
وهى تحمل كوب الشاى وتذهب فى أتجاه المطبخ وهو يتابعها بنظره وهو مستغرب
حموده : ماشاء الله ما شاء الله.. تخنا وكلبظنا أهه وبقينا علينا القيمه
والجلابيه حتتفترك من عليكى ليكى حق ما أنتى بتاكلى فى قته محلوله... تكمل
زينات السير دون أن تلتفت لكلامه
حموده :أنتى مابترديش عليا يا بت أمبابى..أنا سمعك بتبرطمى وأنت ماشيه بتدعى عليا يابت الـ....تعالى هنا ورينى شكلك كده ؟؟
(زينات لاترد عليه وتدخل المطبخ وتقوم بغسل الصحون دون أن تعيره أهتمام
..يدخل ورائها حموده ويهم بضربها فتسحب سكين من أمامها وتشهرها فى وجهه وهى
ترتعش)
زينات :عارف لو مديت أيدك تانى مفيش غير السكينه دى حدبها فى كرشك
حموده يفاجأ بهذا الموقف الجديد من زينات: فيهجم عليها ويخطف منها السكين
ويضعها على رقبتها وهو يخنقها ..أتعلمتى تمسكى سكينه ياروح أمك ..أدبحك
دلوقتى ..أنطقى وألا حخلص عليكى ( تعض يده التى تقبض عليها فيصرخ حموده من
ألم العضه.. آى.. آى يابنت العضاضه ويبتعدعنها بعد أن ضربها بقبضة يده
فتتحامل على نفسها وتغرز أظافرها فى وجهه فيزداد عنفا معها فتهرب إلى غرفة
النوم وتغلق على نفسها الباب بالمفتاح وهى تشعر لأول مره فى حياتها بأنها
حققت حلم طالما تمنته.. أن تراه وهو يتألم مثلها
حموده وهو يضرب على الباب بعنف: أفتحى يازينات وألا حكسر الباب وأدخلك حشوف
أنا أزاى أتجرأتى وترفعى السكينه فى وشى وتعضينى وتخربشينى كل ده علشان
تخنتى شويه يابنت الـ....
زينات من الداخل بعد أن أستجمعت شجاعتها : عارف أن ما كنتش تحترم نفسك معايا حعمل فيك أيه ؟؟ ..حتعملى أيه يا بنت أمبابى
زينات من الداخل : حدبحك يا حموده وأرميك لكلاب السكك
حموده : يا نهار أسود يا نهار أسود ..اللغه دى جديدة عليكى ..أن ماوريتك ..أن ماكسرت عضمك ..حتروحى منى فين ؟؟
تنتهى الخناقه ويلبس حموده ملابسه ويخرج من البيت ليذهب إلى القهوه ليجلس مع أصحابه فيلاحظوا الجروح التى فى وجهه
فى القهوة
عبده كاجوال : أيه أللى فى وشك ده ياحموده هههههههههه حموده أتضرب يامنز أوعى تقول القطه خربشتك ياحوحو ههههههه
حموده : أتلم ياعبده ما تخليناش نخسر بعض
عبده : بكلمك جد أيه أللى عورك فى وشك كده صحيح
حموده : دخلت فى لوح أزاز فى الشغل
عبده : لوح أزاااز ..ده أنا كنت فاكرها خرابيش ياراجل
حموده : خرابيش أزاى يعنى ؟؟
عبده : سيبك من الكدب يا حموده ..قولت لك ميت مره بلاش أفترى وبطل ضرب فى مراتك وخليك بن آدم كويس ولسه ياما حتشوف
حموده وهو يتحسس وجهه : هى الخرابيش جامده ياعبده
عبده : أيوه جامده أكيد أترازلت عليها زى عوايدك ..يا جدع أتقى الله دى مراتك غلبانه ما تستهلش أللى أنت بتعمله فيها
حموده وهو يزداد غيظا ويحاول أن يغير مجرى الحديث : تشرب أيه ياعبده ..حلبه حصى وأنا قهوة مظبوطه
الجرسون : حلبه حصى وقهوة مظبوط للأسطى عبده... وحموده المخربش
حموده : مخربش.. أمشى يابن الـ....أنا قايم من هنا تعالى نقعد على قهوة تانيه
عبده : أحسن برضه لحد ماوشك يخف ...ههههههههههه

الحلقة رقم(4)
مرحلة المقاومه

ايوه كده والله انها شفت غليلي منه
ربنا يقويها كمان وكمان
هو راجل ناقص اللي بيضرب مراته حبيبته
ويستاهل اكتر من كده كمان

شوفوا ياصبايا ازاي ابله حنان بتعطينا دروس جامدة جدا
متاااااااااااااابعة ياعمري انتي

salma mahmoud كتب:: ايوه كده والله انها شفت غليلي منه
ربنا يقويها كمان وكمان
هو راجل ناقص اللي بيضرب مراته حبيبته
ويستاهل اكتر من كده كمان

شوفوا ياصبايا ازاي ابله حنان بتعطينا دروس جامدة جدا
متاااااااااااااابعة ياعمري انتي

ايوة كده شاطرة يا قلبي خليك متابعة لغاية ما

لحد سنية ما تاخد الحزام الاسود ونشيع حمودة للقرافة قادر يا كريم
تابعونا في حلقات دروس فن الدفاع على النفس ضد الازواج ممنوع دخول الشباب 000203D6

تابعونا في حلقات دروس فن الدفاع على النفس ضد الازواج ممنوع دخول الشباب 000203D6

صحيح ان كيدهن عظيم تابعونا في حلقات دروس فن الدفاع على النفس ضد الازواج ممنوع دخول الشباب Fair_fight_by_CookiemagiK

دة حودة دة هيشوف ايام تابعونا في حلقات دروس فن الدفاع على النفس ضد الازواج ممنوع دخول الشباب 00020468

» عرض خاص لبنات المنتدى ممنوع دخول الشباب
» ممنوع دخول المشرفين (( لو دخلوا ميزعلوش منى ))
» قصة شاب وبنت ممنوع دخول اقل من 18 سن ههههههههه
» للشباب فقط ممنوع دخول البنات
» وزير الدفاع الامريكي يحث الحكام العرب على استيعاب دروس تونس ومصر