تصور كنت بخاف افكر بصوت عالي

تصور كنت بخاف
افكر بصوت عالي
واخاف اصرخ
ببلع صراخي وكلامي
بينقل في زوري
وكنت بخاف احلم
او ما بعرفش احلم
كان السواد علي كل العيون نايم
علمونا الخوف في المدراس
وسط الكراسات هارب
رضعونا الخوف
في حليب الامهات
في البزازت
خوفنا من عذاب النار
مع ان ربنا رحيم غفار
ليه علمونا كل شئ بالمقلوب
كنا بخاف السلطه
والشرطه
والناظر
والمدرس
وابونا لما يجي نكتم الصوت
وكنا بنحاف موت
من غرفه الفيران
وابو رجل مسلوخه
سلخوا كل شي حلو فينا
ولما كيبرنا نسونا اسامينا
بقنا هياكل خوف
مدهونه زيف
ولازم تمشي علي الكيف
لا تعارض في المرسه
ولا بالجامعه تشارك
لحسن يخدوك
والمواصلات لا ترد
هيقولك عارف بتكلم مين
انا ابن سين واخوي ص
ينعل ابو ص علي سين
من بعديوم خمسه وعشرين
انا هحلم وهتمني
كلنا نكونوا سواسيه
في الحقوق والواجبات
مفيش واصايط
مفيش محسوبيه
وهصرخ في وسط الشارع
انا عربي اتحررت من خوفي
وبلعن التعليم بالمقلوب
سمحوني انا اصيلي
تعليم مجاني

كلمات جميلة الله يوفقك

» قولي بحبك بصوت عالي
» كم على الاطلسي في عالي الذرا .. محمد عبده
» بخاف (هذا هو أنا)
» تصور بحبك
» انا بخاف عليك