عايزة تعرفى نوع بشرتك تعالى وهقولك بأختبار بسيط

عايزة أهتم ببشرتي بس مش قادرة أحدد نوعها!!
بشرتي ساعات باحس إنها دهنية، وأوقات تانية باحس إنها جافة.. ومش عارفة أتعامل معاها إزاي؟!!

والنهارده هنعمل مع بعض اختبار بسيط، تقدري تحددي به نوع بشرتك، وتعرفي
إيه مميزاتها وعيوبها، علشان تعرفي تتعاملي معاها على أساس صحيح...

لأن البشرة النّضرة هي سر جمال أي بنت، وهي المراية الحقيقية اللي بتوضّح حالتك الصحية والنفسية

ودلوقتي يلّا نبدأ الاختبار..
وكل اللي عليكي إنك تنظّفي بشرتك كويس جداً من أي شوائب أو آثار ماكياج...
وهاتي مراية وبصّي على بشرتك كويس..
وجاوبي على الأسئلة دي...

* هل بشرتك بتلمع؟

أ- لا مش بتلمع خالص.
ب- جافة وفي بعض المناطق بيظهر عليها قشور.
ج- بتلمع من عند منطقة الأنف بس.
د- بتلمع كلها.

* شكل المسامات الموجودة على بشرتك؟

أ- طبيعي.
ب- ضيقة جداً.
ج- واضحة.
د- واسعة جداً.

* بشرتك في المراية شكلها إيه؟

أ- نضرة وصافية وطرية.
ب- الجلد رقيق جداً وجاف.
ج- بتلمع من الجبهة والأنف والذقن.
د- بتلمع مع إحساس بالتهاب في بعض المناطق.

* لما بتحرّكي إيدك بالراحة على وشك كله، بتشعري إنها..

أ- مرنة ولينة.
ب- جافة جداً.
ج- فيها دهون على الجبهة والأنف.
د- مليانة بالدهون في كل المناطق.

* هل بتشعري إن جلدك مشدود في المنطقة اللي حول العينين والأنف؟

أ- دايماً.
ب- على فترات منتظمة.
ج- بعض الأوقات.
د- لا .

* هل بتعاني من ظهور البثور والحبوب؟

أ- نادراً جداً.
ب- لا أبداً.
ج- أحياناً.
د- دايماً.

* هل بتعاني من ظهور خطوط وتجاعيد على بشرتك؟

أ- بسيط جداً.
ب- عندي تجاعيد وعميقة جداً.
ج- عند مناطق التعبير بس (يعني خط الضحك وحول العين).
د- لا.

* إيه اللي بيحصل لما بشرتك بتتعرض للشمس؟

أ- بتحمرّ بس.
ب- بتلتهب.
ج- لونها بيبقى برونزي.
د- بتاخد لون برونزي لامع.

ودلوقتي بعد ما جاوبتي على الأسئلة كلها، إحسبي عدد الأسئلة اللي كان
جوابك عليها بالاختيار (أ)، وعدد الأسئلة اللي جاوبتي عليها بالاختيار
(ب)، وعدد الأسئلة اللي جاوبتي عليها بالاختيار (ج)، وعدد الأسئلة اللي
جاوبتي عليها بالاختيار (د)...
لو كانت إجاباتك على 5 أسئلة أو أكثر بالاختيار (أ)..
تبقى بشرتك عادية:
والبشرة العادية من خواصّها إن أنسجتها بتفرز الدهون بشكل معتدل ومتوازن، والبشرة نفسها بيكون شكلها مرن وطري وفيه صحة.

وعموماً البشرة العادية من أقل أنواع البشرة اللي بتقابل مشكلات، ومش
بتحتاج لعناية مكثفة، لأن أقل اهتمام بيها بيجيب نتيجة، وحتى مع تقدُّم
العمر بتقدر تحتفظ بنضارتها وإشراقها.

وكل اللي عليكي إنك تغسليها مرتين يومياً بغسول مخصص للأطفال، وتستخدمي لها كريم ترطيب مناسب للبشرة العادية.

أصحاب البشرة الجافة دايماً بيحسّوا إن بشرتهم مشدودة ومقشّرة
أصحاب البشرة الجافة دايماً بيحسّوا إن بشرتهم مشدودة ومقشّرة

لو كانت إجاباتك على 5 أسئلة أو أكثر بالاختيار (ب)..
تبقى بشرتك جافة:
وأصحاب البشرة الجافة دايماً بيحسّوا إن بشرتهم مشدودة ومقشّرة وبيظهر
عليها الجفاف في بعض المناطق، وخصوصاً بعد غسلها، وكمان بتظهر عليها قشور،
وآثار عروق زرقاء عند منطقة الخدود.

كمان المسام بتاعتها بتكون صغيرة جداً، لدرجة إنها بتكون غير ملحوظة،
وبتكون أكثر عرضة للتجاعيد المبكرة، وظهور آثار التقدُّم في السن أسرع من
باقي أنواع البشرة.

ولو كانت بشرتك من النوع الجاف يبقى لازم تهتمي جداً بنوعية الأكل اللي
بتتناوليها، وتركزي على الأطعمة اللي بتحتوي على فيتامينات A، C، E
والفيتامينات دي بتكون موجودة في أطعمة زي الكبدة واللحوم الحمراء ومنتجات
الألبان، والبرتقال والفلفل الأخضر، والبطاطا والسبانخ.

كمان راعي إنك تستخدمي لها غسول يومي مناسب للبشرة الجافة ويكون خالي من
الصابون، ويفضل إن الغسول ده يكون فيه نسبة كبيرة من المواد الدهنية
والمرطبات، وراعي وإنتِ بتجففي بشرتك، إنك تربّتي عليها برقة جداً من غير
ما تفركيها، لأن البشرة الجافة بتكون حساسة جداً.
لو كانت إجاباتك على 5 أسئلة أو أكثر بالاختيار (ج)..
تبقى بشرتك مختلطة:
النوع ده يعتبر من أصعب أنواع البشرة في التعامل، لأن أصحاب البشرة
المختلطة بيضطروا يتعاملوا مع نوعين مختلفين تماماً عن بعض من أنواع
البشرة.

وأصحاب البشرة المختلطة غالباً بيكون عندهم منطقة الجبهة والأنف والذقن دهنية، أما منطقة الخدود بتكون جافة.

وهي بتنقسم لنوعين: بشرة مختلطة جافة، وبشرة مختلطة دهنية، وبالنسبة
للبشرة المختلطة الجافة فَدي بتكون جافة جداً ومحْمرّة من عند منطقة
الخدود، أما البشرة المختلطة الدهنية فَدي بتلاحظي إن منطقة الأنف والذقن
والجبهة فيها دائماً عليها دهون زيادة، أما منطقة الخدين فبتكون عادية.

لو كان إجاباتك على 5 أسئلة أو أكثر بالاختيار (د)..
تبقى بشرتك دهنية:
وأصحاب البشرة الدهنية بيحسّوا إنهم في مشكلة كبيرة ومالهاش حل، لإنهم
بيشتكوا من مشكلات كتير زي المسام الواسعة، واللمعان اللي بيظهر عليها
بسبب الدهون، ده غير الحبوب اللي بتظهر على بشرة وشهم أو جسمهم طول الوقت.

لكن أنا عايزة أطمّن أصحاب البشرة الدهنية شوية وأقول لهم إنها كمان لها
ميزة عظيمة جداً وهي إن علامات التقدم في السن بتظهر عليها بشكل أقل من
باقي أنواع البشرة.

ولو إنتي بشرتك دهنية، فيا ريت ما تقلقيش خالص، وتعرفي إن كل اللي عليكي
إنك تهتمي بيها شوية زيادة، وتاخدي بالك جداً من نظافتها بشكل يومي.

ولازم تهتمي بتنظيفها كل يوم 3 مرات بصابون طبي زي ديتول، أو صابونة
كبريت، بس ماتكتريش عن 3 مرات لأن غسيل البشرة بشكل مبالغ فيه بيحفزها
إنها تفرز دهون بشكل أكبر، ويُفضّل إنك تستخدمي الماء الساخن في غسيلها
علشان المية السخنة بتساعد على التخلص من الدهون الزائدة، وخلّي بالك إنك
تجففيها بالراحة جداً.

كمان لازم تخلّي بالك جداً من أكلك، وتهتمي بأكل الخضار والفاكهة الطازة،
وتشربي مية كتير، وتبتعدي عن الأكلات اللي بتكون مليانة بالدهون وكمان
المشروبات الغازية، وإوعي تنسي كريم الحماية من الشمس، واختاري النوع
السائل منه، لأنه بيكون مناسب أكتر للبشرة الدهنية.

تصدقى بالله انى مش عايز اعرف

ههههههههههههههههههههه

ليه بس يا كوبرا؟

انت كدة أحبطتنى جامد

عايزة تعرفى نوع بشرتك تعالى وهقولك بأختبار بسيط Smileys-03_1153144-M

عارفة انه طويل بس البنات مؤكد حيعملوها

لان اهتمامنا بالجمال و نقاوة بشرتنا هو من أولوياتنا غيركم انتم الشباب

مشكور على الاهتمام

يعنى مش من حقنا نعرف وبعدين انا لما وصلت للاخر نسيت انا اخترت ا ولا ب ولا ج
مشكوره على مجهودك المميز

هما اخترعو الورق و القلم ليه يا كوبرا

عشان اللحظات دى لما الدماغ يسكر و يبطل يركز

و لو ما عندكش ورق اكتب في اى حاجة حتى على هدومك المهم اعرف بشرتك نوعها ايه

مع انى متأكدة انها دهنية و لزجة كمان

مش انت كوبرا

هههههههههههههههههههه

يعنى عايزه ورقه وقلم طيب مش تقولى كده فى اول الموضوع هاتوا ورقه وقلم واكتبوا ورايا bounce

ههههههههههههههههههههههه
يخرب عقلك يا كوبرا
فدي بجد عنده حق
حتى انا معرفتش ارد عشان نسيت الورقة والقلم
حبقى ارد لما اجيبهم
شكرا على الموضوع
وردودكمعلى بعض موتتني من الضحك سلمتو للمنتدى يا رفاق

انا بشرتي عادية الحمد لله ما عندي مشكلة معها
لا دهنية ولا جافة وعمري لا حطيت كريمات ولا احتجتلها
حتى الحبوب ما عندي الحمد لله كمان صافية حتى في نساء بالطريق مرات توقفني وتسالني شو نوع كريم الي بحطه وتتفاجئ لما بقلها اني ما بحط شي
و الحمد لله الله يبعد عنها العين مش ناقصة يجيني حبوب بجن؟؟؟؟؟؟؟
شكرا على الموضوع
تسلمي

نسيمة

دوم الفرحة منورة حياتك يا رب

و اذا على بشرتك فالحمد الله انها جميلة و دا من جمالك الداخلى

هى فى مؤثرات كثير خارجية ..يعنى لازم تكون عندك حتى لو حبة صغيرة هنا او هنا

ههههههههههههههههههههههههههه

على العموم انا واحدة من النساء اللى تلقايهم في الطريق...انت حاطة ايه يا نسيمة؟؟

lol!

ههههههههههههههههههه
نيفيا يا بنتي نيفيا
Nivea

فهمتي بس متقوليش لحد اني غشيتك اوك
ده سري ماشي ليك انت بس

كل دا وراه البت نيفيا

ههههههههههههههههههههههههه

ماشي يا ستى ...سرك عند كل الاعضاء

هههههههههههههههههههههههههههههه

يسلمووو يا قلبي

مع انى بحط البت نيفيا دائما

بس مش بيسألنى حد لا في البيت و لا في الطريق

lol!

يبقى خدي نصيحتي وبطلي تحطيها
و الله مفيش احلى من الحاجة الطبيعية
ليه مش تغسلي بصابون الخيار ده كويس جدا و موجود بكل الصيدليات
وقوليلي النتيجة
ما تحطي اي كريمات لانها حتى لو تعطيك النظارة اول ما توقفيها تطلعلك حبوب وتظطري تحطيها دايما
و اله اعلم
انا عمري ما حطيت شي على بشرتي وزي ما قلتلك الحمد لله ما عندي مشاكل
مرسي

تعرفي يا نسيمة انا بحس ان نيفيا بتخلى بشرتى داكنة مش عارفة ليه

و انا متعودة اعمل ماسكات التقشير...و ماسكات طبيعية...مش اكثر

بس الحمد الله بشرتى مافيها عيوب

شكرا لنصائحك نسيمة

صح كل من يستعمل كريم نيفيا اشتكى من اناها تعود على بشرته بالدكانة
وكثير من الاطباء ينصحون بحسن غسل الوجه وازالة هذه الكريمة قبل الخروج الى الشمس
لان الكريمة مع اشعة الشمس تخلي البشرة داكنة وبالخصوص كريم نيفيا
شكرا لك
ارجو انك ما تستعمليها الا قليلا
ولو استعملتيها بالليل اغسلي وجهكي بالصابون جيدا الصبح قبل خروجك الى الشمس

مشكورة يا قلبي على نصائحك الجميلة

ان شاء الله نعمل بها و يا رب الاقي اللى تسألنى في الطريق

ساعتها بس اعرف ان بشرتى بقيت زيك geek

» بعض الخبراء يحللون المراة** ادخلى لكى تعرفى بنقسك**
» الفاكهة و بشرتك
» وداعا ...لجفاف بشرتك
» امر بسيط
» ما ألوان الملابس التى تتناسب مع بشرتك؟؟؟؟؟؟؟؟؟