رباعيات {صلاح جهين}

رباعيات:

* * *

خرج ابن آدم من العدم قلت : ياه!

رجع ابن آدم للعدم قلت: ياه!

تراب بيحيا ... وحي بيصير تراب.

الأصل هو الموت وَلَّا الحياة؟

عَجَبِي!!

* * *

ضريح رخام فيه السعيد اندفن.

وحفرة فيها الشريد من غير كَفَن.

مريت عليهم قلت.. يا لَلْعجب

التنين ريحتهم ليها نفس العَفَن.

عَجَبِي!!

* * *

يا ما صدفت صحاب ومصاحبتهمش.

وكسات خمور وشراب ومشربتهمش.

أندم على الفرص اللي سبتهم،

وَلَّا على الفرص اللي ما سبتهمش!!

عَجَبِي!!

* * *

والكون ده كيف موجود من غير حدود،

وفيه عقارب ليه وتعابين ودود؟

عالم مجرب فات،وقال سلامات

ده ياما في سؤالات من غير ردود.

عَجَبِي!!!

* * *

أنا شاب لكن عمري ألف عام.

وحيد لكن بين ضلوعي زحام.

خايف، لكن خوفي مني أنا،

أخرص ولكن قلبي مليان كلام!!

عَجَبِي!!

* * *

يا باب يا مقفول ... إمتة الدخول؟

صبرت ياما، واللي يصبر ينول.

دَقِّيت سنين ... والرد يرجع لي، مين؟

لو كنت عارف مين أنا كنت أقول!!

عَجَبِي!!

* * *

عَجَبِتْنِّي كلمة من كلام الورق،

النور شرق من بين حروفها وبرق.

حبيت أشيلها جوة قلبي قالت حرام،

أنا كل قلب دخلت فيه... إتحرق!!

عَجَبِي!!

جميل جدا

حلو كتير
يعطيك العافية

شكرا على الرباعيات نهر الحب
[ندعوك للتسجيل في المنتدى أو التعريف بنفسك لمعاينة هذه الصورة]

{امول , نسيما , بيس.}
أشكر مروركم الجميل. على موضوعاتي.
تقبلوا تحياتي.