سيادة الريس ارجع لنا وكُل بطاطس مسرطنة" قصيدة رائعة و ساخره من مبارك

نص القصيده

سيادة الرئيس ... ارجعلنا

مش أنت واحد مننا ؟؟ـ

و عمرك في يوم ما سرقتنا

***

ولا خدت مليم مننا

ما تيجي طب ترجعلنا

تقعد بأهلك وسطنا

أهو بالمرة تاكل أكلنا

وتلبس يا خويا من لبسنا

وتعيش في حارة أو في شارع زينا

قلت ايه ؟؟ يا حارق دمنا

***

سيادة الرئيس ... ارجعلنا

وغداك يا سيدي عندي أنا

رز و بطاطس مسرطنة

لحمة ؟؟... مفيش من سنة

فاكهة ؟؟... تعيش انت و أنا

و الشاي .. بآخر معلقة م السكر اللي كان عندنا

اشرب و فوق وركز بقه .. علشان نكمل حكينا

***

سيادة الرئيس ... ارجعلنا

مش سبت الحكم .. لأجلنا ؟؟ـ

ما تيجي تسمع حكمنا !!ـ

أفكرك ؟؟ ولا أنت فاكر زينا

قطر اتحرق من كام سنة

وغازنا اللي طار من أرضنا ... لعدونا

وعبّارة مللي بيغرقوا ..!! غرقت في عرض البحر و راحوا أهلنا ... و الجاني
فلسع مننا

ومركبة بأحلى شباب ... ييجوا من ايطاليا غرقانين .. والقرش ياكل لحمنا

والله كانوا زينا

ويمكن أحسن مننا

ليهم بيوت وولاد و عيشة و حلم .. زي حلمنا

اتغربوا و اتبهدلوا .. لما الفساد طال كل حاجة في أرضنا

واللي ما ماتش .. قاعد في غربته .. والغريب بيذلنا

اقول كمان ؟؟ ولا كفاية ... و اهو انت عارف عننا

.

اصبر هتسمع حكمنا

:38:

» رائعة من روائع الشعر الشعبي الجزائري........ قصيدة حيزية
» اجمل قصيدة قصيدة الأندلسي في أم المؤمنين عائشة
» سيادة المخلوع ...
» صور طبيعية رائعة جداا واكثر من رائعة لا يفوتكم ...
» رجال الجنس الثالث بالهند صور ساخره