حاجه غريبه حسيت بيها

حبى ليكى دا شىء حصلى رغما عنى
لا عمرى نويت ولا خططت انى أحب
كنت عايش ناكل ونشرب ونجرى ونلعب
وناسى انى ما بين ضلوعى ساكن قلب
أول مره سمعتك فيها
صعب اوصفلك ايه اللى جرالى
حاجه غريبه حسيت بيها
وقعدت اسأل روحى مالى
معقول صوتها غير حالى
وقعدت نفسى تسأل روحى
طب ضحكتها
ولا دى كمان نسيتها
ضحكت ضحكه كما لو كانت شمس وسطعت
خلت أى غيوم تتبدد
غرست بيدها شجرة حبها جوا قلبى بدون ما بتقصد
خلت روحى طير فى سماها
ودعيت ربى تانى القاها
جات لقيتنى مستنيها
قبل ما تيجى هى ناحيتى
رحت بسرعه انا جرى عليها
وقفت خايفه تبص على
وبعد ما شافت ضحكه ف عينى
حست بى وقالت مالك
قلت بحبك
قالت انت اكيد مجنون
قلت بحبك
ضحكت تانى وراحت ماشيه
ورجعت بصت بصه وقالت
اللى كاتبه ربى يكون
على الصعيدىا

رائع ما قراءته
فعلا اللي كاتبه ربي يكون
ما اروع انك تحس بالحب
وانت حبيت صوتها وضخكتها
زي ما انا ايضا حبيت صوته وضحكته
انت في غربتك عايش على صوتها وضحكتها
وانا في بعدي عنه عايشه على صوته وضحكته
شكرا لك
وهنيئا لك ولها بقصة حبكما
ويارب يكتب لكما كل حاجة جميله وينهي ربنا غربتك ويلم شملك بيها
[ندعوك للتسجيل في المنتدى أو التعريف بنفسك لمعاينة هذه الصورة]

يابيس
ليس كل مل يتمناه المرء يدركه
تمنياتى الطيبه لك أن تجدى فارسك الذى يستحقك وان تعيشى حياه سعيده
تحياتى
على

» شاهيناز و سعد - حاجه غريبه
» أشياء غريبه في اماكن غريبه
» شخبطه لغبطه كل حاجه عكس حاجه
» غريبه الناس؟؟ غريبه الدنيا؟؟اعز الناس يتغير عليا
» من يوم حبيتك حسيت؟؟؟؟ بقلم يوسف