احذروا هذا المنتدى

احذروا هذا المنتدى:


السلام عليكم ورحمة
الله وبركاته:


الأخوة الأعزاء
أعضاء منتدى البروف علاء: تحياتي لكم.


عايزة أحكي لكم إزاي
بدأت حكايتي مع المنتدى:





أنا كنت لوحدي وفي
حالي، ولا خطر ولا جاش على بالي.


كدة يعمل فِيّة
المنتدى، وآل كانوا بيقولوا عليه غالي.


كنت في يوم قاعدة لوحدية،
لا بية كان ولا علية،


واللي كان مصاحبني
في صمتي، قلمي وأوراقي ودمع عِينَيَّة


وفجأة لقيتها
بتكلمني، صديقة آل يعني! غالية علية!!


قالتلي اشتركي ومش
هتندمي، وادخلي إقري فيه واكتبي.


قلْت أفكر... لأتني
بقرر، قلْت لنفسي مش حتخسري.


واشتركت وسمعت
كلامها،.. آه... بس لَمَّا عيني تشوفها.


لَاوَرِّيها عَلِّي
اللى جرالي!! دي عاملة تعملها فية! أعمل أيه
أنا دلوقتى؟،


أعمل أيه! ما تردوا
علية؟




أكيد كلكم عارفين ما جرالي,في المنتدى اللي غَيَّر
حالي!!


بعد ما
كان صُحْبِتي أوراقي، وقلمي واللي
كان مني
باقي


******


معاه
خَلَّاني نسيت الدنيا.


بجد
حقيقي دَة أغلى مكان، خَلاني أحس بالاطمئنان.


في وسط
أصحاب وأخوات غاليين، اللهم دِومْهَا نعمة عَلَيَّ.


ملحوظة:


أحب
أوجه شكر للصديقة الغالية والأخت: سحر الورد، لأنها هي السبب اللي خلاني أتعرف
وأشارك في المكان الأكتر من رائع ده. أنا بجد مش ببالغ, أنا فعلاً كانت نفسي تايهة مني، ولقيتها في وسطكم, لولا
وجودي معاكم في المنتدى، كان ممكن مكنش موجودة في الدنيا لغاية دلوقتى. وصدقوني
كلامي مفهوش همسة مبالغة وربنا وحده الأعلم.


وكمان
عاوزة أوجه شكر خاص لأخي العزيز واللي ربنا جعله سبب لتجمعنا في المكان الرائع ده,
{استاذ علاء} أعتقد لولاه ما كنا إتعرفنا على شخصيات محترمة وجميلة وراقية زي أسرة
المنتدى,


حفظك
الله أخي العزيز، وجعلك ربي دوماً سبباً
في تَجَمُّعِنا على الخير والكلمة الطيبة.


عذراً
على الإطالة، تقبلوا تحياتي ولكم مني كل الحب


ابتسامة
في عيون دامعة..

يسلم ايديكى ابتسامة
فعلا منتدانا اللى يدخله يصيبه ادمان
ما يعرف ايه اللى جراله
ربنا يخليهولنا و يخليلنا مديرنا كمان
موضوع رائع تسلمى

اجمل ما يجذب الانتباه هو الحب والوفاء بين الاخوه والاشقاء

اللهم ما دمها نعمه واحفظها من الزوال لغه االتواصل هنا هى لغه خاصه بالاصدقاء لا يفهمها الا اعضاء المنتدى

وانت تقومى فى خاطرتك بعمل ترجمه لمشاعرك تجاه المنتدى واصدقاء المنتدى

شكراا جزيلالالا لكى على خاطرتك

الجميله المعبره

عندكم حق تحت شعار
** ادونى الحقنه بسرعه ارجوك محتاجه جرعه منتدى الاصدقاء بسرعة **
هههههههههه
تسلمى اختى على الموضوع