| خروشات عمر المصرى | |
|
+5العدوى79 أماني سهام المغربية salma omar.almasry 9 مشترك |
كاتب الموضوع | رسالة |
---|
omar.almasry مشرف قسم خروشات
عدد المساهمات : 283 نقاط المساهمات : 422 الجنس : 23/02/2010 العمل/الترفيه : Export Manager قائمه الاوسمه :
| موضوع: خروشات عمر المصرى الإثنين 05 أبريل 2010, 12:16 pm | |
| الخروشة السابعة .. إحنا فين؟
يعود بعد غياب .. صاحبنا الاول .. و يدلف بهدوء الى الغرفة .. بينما صاحبنا الثانى سبقة بلحظات بسيجارته البشعة .. يحمل الاول تحت إبطه لوحة كبيرة مغلفة بورق لحمايتها ... و بدأ كمن يحمل شيئاً مهماً و ثمينا و يخشى عليه .. بدأ فى احتساء قهوتهما وكلا منهما ينظر للاخر بتوجس كانهما على حافة شجار او تحدى او عتاب على أقل تقدير لمن يراهما الان .. ويبدأ بينهما الحديث
= السلام على من اتبع الهدى
- و عليكم السلااااااام ... هل هلاك يا راجل يا طيب ........... ايه الغيبة دى ؟
= حفظك الله رفيقى و نصفى الطيب ... فقط انشغلت بامور كثيرة ... وشغلتنى امور اكثر عن الحضور ... و تركت لك خروشاتنا .. لتصول و تجول
- ياعم انا منغيرك برضو مينفعشى ارحرح و اخد راحتى ... كنت حاسس انى بكلم نفسى هنا ... وحدانى يعنى
= بالعكس، انت قدمت ما أثار اعجاب و حفيظة الناس معاً .. الغريب ان فى خروشاتك الاحادية ... استغليت الفرصة و نشرت خروشتين .. قد يبدوا للناظر انهما للتسلية ... لكنى افهمك جيداً... فأنت قصدت متعمدا و بطريقة غير مباشر كعادتك، ان تهاجم بنات حواء .. مرة بالصور و التعليق و مرة باستنباط حوار تخيللى مع كلمات مفكر و فيلسوف واديب بحجم الاستاذ انيس منصور .. ويبدوا انك تحسباً لردهم القاسى عليك، ............ قد سبقتهم باغلاق خاصية التعليق للزائرين
- بقولك ايه؟ الحكاية موش نقصاك .. انا اكتب براحتى لا مؤخذة .. ولا خايف منك ولا من الستات .. كده كده .. هما اصلاً موش بيعجبهم العجب ... واى راجل يطبطب عليهم يبقى غلطان ... الناس دى يا معلم ناس غريبة .. لو جريت على رضائهم هتتعب ائوى
= لك حرية القول و الكتابة .. لكن لا تثير علينا ضغائن ... يكفينا ما عانينا منهن لسنيين طويلة .. تعملنا شيئا مهما انا وانت ... تعلمنا انه من قبيل التهور ان تهاجم بنات حواء... فهن يستعذبن ذلك وإن أظهرن غضبا و حنقاً لكن .. ستتفاجىء ان هجومك عليهن واستفزازك لهم ايضا يسعدهم.. و يعطيهم اهمية مضافة .. لا تنس انهن النسمة الرقيقة الطيبة الحنونة فى حياتنا الخشنة ... ولا غنى عنهن باى حال. ... يا رجل أتجوز لنا ايامنا بعيد عنهن؟ .. أيحلو لنا العيش بدونهن !؟ .. فمن قبيل الرصانة و التحسب و الكياسة و الذوق .. رفقاً بالقوارير يا رجل
- قوارير؟ قول مسامير ... قول بهاليل ... قول هم تقيل .... قول زى ما انتا عايز ... ربنا يجعل كلامى خفيف عليهم .. بقولك ايه سيبك منهم بقى ... ربنا يهدينا و يهديهم ... ايه بقى اللى انتا شايله النهاردة ده؟
= هذه لوحة احصائية
- نعم يا اخويا؟ احنا فتحناها مدرسة والا هتقدم نشرة الاخبار؟
= لوحة احصائية سوف تسبب لك الم .. وتسبب صدمة للاخرين ... لنعرف اين نحن كأمة عربية فى هذا العالم الفسيح
- شكلك ناوى تعمل فضيحة
= إحسبها كما تشاء .. فهى ليست فضيحة بقدر ما هى إفاقة لنا .. حتى نعرف اين نحن
- إحنا فين؟
= أصبت ............ هذا مقصدى اليوم
- طيب يا سيدى فرجنا .. ورينا ... و ربنا يستر بقى
= ساضع اللوحة الاحصائية التى نشرت نهاية العام الفائت سأضعها امامك و امام الناس على الحائط .. و لكى يروها بشكل واضح انصحهم بالضغط المذدوج على الصورة .. وبعدها نبدأ فى تحليلها .. حتى نصل لشىء
- اتفقنا .. قوم اخبطها مسمارين على الحيطة .. عشان نشوف كويس .. وكل واحد يقفش الماوس بتاعه عشان يشوف الصورة
[img][/img]
= ها هى امامك الان بكل وضوح .. ماذا لفت نظرك ايها العجوز المتهالك ؟
- عجوز ؟ فشر .. يا راجل يا نكد
= أخبرنى بما فهمت
- اول حاجة فهمتها ان المخروبة الكورة الارضية عليها الان اكتر من 6.7 مليار جثة .. و احنا يا عرب تقريبا 330 مليون مفعوص
= تقريباً نحن أقل من 5% من عدد سكان المعمورة ... و مع ذلك صوتنا عال .. و مزعج احيانا . مزعج لانفسنا و ليس للاخرين بالضرورة ... لانى احسب ان صوتنا داخلى.. لا يخرج لهم فيسمع باحترام
- تانى حاجة فهمتها ان كل المخاليق العرب اللى على الزفت النيت .. بيهرجو اكيد .. ولازم يتكسفو من الارقام دى .. ويبطللو تهييس و هرتلة
= صحيح كلامك ... حتى فى ال 20 دولة الاوائل فى استخدام شبكة المعلومات لا يظهر اسم بلد عربى واحد للاسف الشديد
- تالت حاجة فهمتها ان الجماعه بتوع الكوبى و التقليد .. دول ناس موش هينة .. يخرب بيتهم، دول تقريبا ربع المخاليق اللى على الارض صينيين
= صحيح .. 21% من سكان الارض من بلاد الصين .. التى اوصِينا من مئات السنيين ان نطلب العلم هناك .. لكن من يسمع؟
- يا نهار اسود .. اللى بيستعملو النيت فى الصين 360مليون .. والعرب كلهم 330 او 335 مليون، الله اعلم كم واحد فيهم بيستعمل النيت و كام واحد بيستعملو صح .. الله يفضحك يا شيخ
= دقق اكثر وسوف تصدم اكثر... فتمتع ايها المتهالك
- الغريب ان امريكا 307 مليون واللى بيستعملو النيت 227 مليون يعنى تقريبا تلت تربع الشعب هناك شغال اون لاين.. تعرف اللى فاقعنى ايه؟
= قل .. فضفض ... ماذا يؤرقكك بعد كل هذا؟
- حسب معلوماتى من قعدات القهوة و شوية المجانيين اللى بقعد معاهم ان العالم فيه 191 دولة .. بس يظهر العدد فى اللمون
= كيف يا رجل
- أأقصد اذا كان 20 دولة .. فيهم 76% من اللى بيشتغلو نيت و اون لاين ........... امال بقية المساخيط اللى باقى 170 مخروبة بينيلو ايه ..؟
= لا تحسب ان كينونات الامم و مقامها و تأثيرها يحسب بقطعة قماش مزركشة ترفرف امام مبنى دولى .. يضمهم جميعا ... فتلك دولة يمثلها رقم فقط .. مجرد رقم تسلسلى
- دول عواله بقى ... يعنى حمل على الناس المحترمة ...عارف اللى غايظنى فى الكشف بتاعك ايه؟
= ماذا؟
- ايران
= ولما؟
- يا خويا بص فى الكشف و هتفهم يا حدق... دى طلعت نمرة11 ... واحنا اصلا مفيش ولا اسم مخروبة واحدة مكتوب
= لن اضايقك بايران... يكفى ان أقول لك ان عدد سكانها أقل سكان بلادنا المحروسة .. و البين شاسع كما ترى
- الله يكسفك يا شيخ .... كمان فيتنام؟
= تلك بلاد سكانها اكثر منا عدداً .. و خاضت اشرف معركة ضد اعتى جيش لسنوات طويلة... الغريب لم تنكسر والاغرب انها قهرتهم .. و الاكثر غرابة ... انها سبقت الكثيرين كما ترى
- انت بنى ادم لئيم .. وعايز تعقدنى من العيشة واللى عايشينها ... الله يسامحك .. طول عمرك موش ساهل ... و دايما بتطلع ليا زى كلكيعة الضمير .. تقعد تنخز و توجع .. و تفوقنى ... خلتنى اتكسف اوى من الهباب الكشف بتاعك ده
= صديقى و رفيقى و نصفى الطيب البدائى البسيط .. ذكرت لك منذ زمن طويل انه من المستحيل قبول دواء بدون الامساك بالداء
- تانى الموضوع ده؟
= ثان وثالث والى الابد ساذكرك بها ... كيف ستأخذ اقراص اسبرين مثلا .. دون ان تعترف انك مريض و تشعر بالصداع؟
- صداع بس؟
= ااقصد ببساطة ان البشر داخل منظومات الامم و الجماعات و الاسر و العائلات .. وحتى الشخص المفرد المتوحد بذاته .. لابد ان يعرف ماذا ينقصه .. حتى يتمتع بما يملكه .. علينا ان نفيق يا صديق ... فلهم طريق و لنا طريق .. و هكذا لا تستقيم الامور كى نلحق بهم .. اما تموت .. و اما تفيق
- انا موش مريض ولا عيان و صحتى زى الفل ..
= حسناً... فماذا تحس الان
- الصراحة؟ حاسس بالكسوف اوى يا معلمى
= صدقتْ ... عندما ننظر فى المرآة ... سنعرف من نحن .. واين نحن
- بجد بجد بجد .......... حاجة تكسف .. انا كنت خلاص هاروح ااشيت شوية و ارقع لى أصيدتين شعر ... والا انزل كام كليب و شوية اغانى همبكة على شوية صورة و شوية برامج مسروق......... و اهواكله دوت كوم و السلام
= تتحدث عن نفسك ايها اللئيم ام تتحدث عمن يقرأ لنا الان ...!!؟
- بلاش تزعل الضيوف الله يكرمك ... انتا طول عمرك كده ... راجل نكدى و كيفك تعكنن عليا .. وتخللينى افكر و اهرش دماغى و اتغم ... اقفل اقفل الهبابة دى..... خلينا نروح نهيس شوية وننسى الفضيحة
= ليكن لك ما شئت ... فى رعاية الله و حفظه و نلتقى بكل الخير عما قريب .. و تحياتى لمحبيك واسرتك و شاغلى عقلك و مضيعى وقتك
- انا عارف اليوم ده من اوله موش مظبوط ... انا كنت بخروش براحتى و لوحدى ... رجعنا يارب لوجع القلب تانى...!؟
تحياتى / عمر المصرى،
http://kharwashat.blogspot.com/
[b] | |
|
| |
salma عضو متقدم
عدد المساهمات : 4301 نقاط المساهمات : 5119 الجنس : 05/02/2010 قائمه الاوسمه :
| موضوع: رد: خروشات عمر المصرى الإثنين 05 أبريل 2010, 12:56 pm | |
| و نحن بدورنا رجعنا لنسافر معك يا عمر المصري عبر خروشاتك مستمتعين لانها تحمل بين طياتها معاني جميلة مصاغة في قالب سخري من طرف المخرش الذي يهاجم الستات بطريقة ليست هي بالمستفزة بقدر ما هي متحاملة قليلة و لا يهمنا منه طالما هو يعلم جيدا اننا شر لابد منه. لم نعد نستفز بقدر ما يزيد ذلك من حماسنا لادراكنا اننا رغم كل شيء نستحود على الافكار و الا ما جلس المخروش يخروش براحته. و اكثر شيء لما خروش على المخرومة الكرة الارضية و اكتشف ان العرب هم القلة عليها اكيد هي لوحة المبالنسبة له و بالنسبة لنا لوحة صدمة عرفنا من خلالها واقعا مريرا. لكن الجميل اين؟ الجميل هو تمكنك الرائع ايصال الافكار باسلوب غير ممل. و المريح ايضا يا اخي عمر انه حتى و ان لم نستطيع تغيير الحال اقله بالخروشات يظهر للعيان انه كل الاحوال مكشوفة و تبقى هي اقرار وقائع باسلوب جميل ممزوج بالتهكم و السخرية. و هذا ان دل على شيء فانما يدل على تمكن السيد عمر المخروش من ايصال الافكار معتمد اسلوبا بليغا و ممتعا
تحياتي و تقديري | |
|
| |
سهام المغربية عضو فضى
عدد المساهمات : 92 نقاط المساهمات : 130 الجنس : 05/04/2010 قائمه الاوسمه :
| موضوع: رد: خروشات عمر المصرى الإثنين 05 أبريل 2010, 1:23 pm | |
| كيفك استاد عمر المصري والله بنهنيك على الخروشات بتعتك ما شاء الله عليك وعلى طريقت كلامك فيها | |
|
| |
omar.almasry مشرف قسم خروشات
عدد المساهمات : 283 نقاط المساهمات : 422 الجنس : 23/02/2010 العمل/الترفيه : Export Manager قائمه الاوسمه :
| موضوع: رد: خروشات عمر المصرى الإثنين 05 أبريل 2010, 1:38 pm | |
|
الاخت سلمى ... تحياتى و شكرى
تحياتى لشخصكم الكريم خصوصا بعد ما وضعتى بعض الشروط هنا حتى فى المنتدى تستقيم الامور بشكلها الادبى و الابداعى كما أشرت فى تنويهك الدائم.
و شكرى ... لقراءتك الرصينة التى فهمت ما خلف السطور
لم يكن مقصوداً ان أبحث عن حلول لحالنا .. بقدر ما اقتصرت رغبتى عن كشف المعلومات لمن يقرأ حتى يفيق الناس
أنا يكفينى ان اجتهد ولو بالخروشات .. دائما اكتب بروحين و رائيين و نظرتين مختلفتين،.... لكن يكملا بعضهما البعض .. ففى الحالتين اخروش مع نفسى بنفسى
اشكر لك حروفك الرصينة .. واسعدنى تعليقك العميق
عمر المصرى،
| |
|
| |
omar.almasry مشرف قسم خروشات
عدد المساهمات : 283 نقاط المساهمات : 422 الجنس : 23/02/2010 العمل/الترفيه : Export Manager قائمه الاوسمه :
| موضوع: رد: خروشات عمر المصرى الإثنين 05 أبريل 2010, 1:40 pm | |
|
الاخت سهام المغربية
اشكرك جدا ........... وانا سعيد انك بدئتى تتنشطى و تتشجعى و تشاركى معنا هنا
و اسعدنى ان خروشاتى لا تزعجك .. كما ازعجت بعض بنات الحواء ... لكم التحيــــة يا بنات حواء ... ولنا الصبر
بشويش عليا هتفهمونى ببساطة والله
شكرا سهام
| |
|
| |
salma عضو متقدم
عدد المساهمات : 4301 نقاط المساهمات : 5119 الجنس : 05/02/2010 قائمه الاوسمه :
| موضوع: رد: خروشات عمر المصرى الإثنين 05 أبريل 2010, 4:48 pm | |
| اخي الفاضل عمر
الكتابة و المحاورة بوجهين في حد ذاتها ملكة لا تتاتى الا لمن له ادوات ادبية و اسلوب متمكن.
و من قال انك لا تضع حلولا هنا فخروشاتك في حد ذاتها اسهام في تغيير واقع. فاحيانا القلم يكون اشد وقعا من السيف. الكلمة و المعاني المتنوعة الهادفة تترك وقعا على النفس خصوصا لدى القارىء المتمكن. .
دمت مبدعا
تحياتي | |
|
| |
أماني عضو متقدم
عدد المساهمات : 4110 نقاط المساهمات : 4650 الجنس : 28/02/2010 العمل/الترفيه : كتابة خواطر قائمه الاوسمه :
| موضوع: رد: خروشات عمر المصرى الإثنين 05 أبريل 2010, 5:00 pm | |
| شكرا لك على مواضيعك المفيدة احيي فيك طلاقة لسانك وتسلسل افكارك بالتوفيق والتفوق والتميّز دمت لنا . | |
|
| |
العدوى79 عضو فضى
عدد المساهمات : 104 نقاط المساهمات : 126 الجنس : 21/02/2010 قائمه الاوسمه :
| موضوع: رد: خروشات عمر المصرى الإثنين 05 أبريل 2010, 5:03 pm | |
| شكرا يا استاذ عمر المصرى على هذا الجمال | |
|
| |
prof3laa المدير. العام
عدد المساهمات : 12134 نقاط المساهمات : 13423 الجنس : 03/02/2010 قائمه الاوسمه :
| موضوع: رد: خروشات عمر المصرى الإثنين 05 أبريل 2010, 6:30 pm | |
| تحياتى على كتابتك اخى عمر وعلى تواجدك الدائم معنا هنا بالمنتدى | |
|
| |
omar.almasry مشرف قسم خروشات
عدد المساهمات : 283 نقاط المساهمات : 422 الجنس : 23/02/2010 العمل/الترفيه : Export Manager قائمه الاوسمه :
| موضوع: رد: خروشات عمر المصرى الثلاثاء 06 أبريل 2010, 10:57 am | |
| الاخت الفاضلة سلمى
قد يبدوا للقارىء انى اكتب كى اصلح الكون.... لكن كل اما اود قوله... أننى اكتب كى اشعر بمتعة الكتابة .. واعتقد انك كذلك تشعرين بذلك عندما تتركين العنان للقلم او الكى بورد او حتى الماوس
تحياتى و احترامى
| |
|
| |
omar.almasry مشرف قسم خروشات
عدد المساهمات : 283 نقاط المساهمات : 422 الجنس : 23/02/2010 العمل/الترفيه : Export Manager قائمه الاوسمه :
| موضوع: رد: خروشات عمر المصرى الثلاثاء 06 أبريل 2010, 11:00 am | |
| الاخت امانى
يسعدنى اننى اكتب خروشاتى وسطكم و معظمكم يكتب قصائد او نصوص شعرية و خواطر كنت اخاف ان أشذ بخروشاتى عن نشاطكم .. لكن يبدوا أننى لم ابعد كثيرا
تحياتى و احترامى | |
|
| |
omar.almasry مشرف قسم خروشات
عدد المساهمات : 283 نقاط المساهمات : 422 الجنس : 23/02/2010 العمل/الترفيه : Export Manager قائمه الاوسمه :
| موضوع: رد: خروشات عمر المصرى الثلاثاء 06 أبريل 2010, 11:02 am | |
| الاخ محمد العدوى .. شكرك لتعليقك الطيب | |
|
| |
omar.almasry مشرف قسم خروشات
عدد المساهمات : 283 نقاط المساهمات : 422 الجنس : 23/02/2010 العمل/الترفيه : Export Manager قائمه الاوسمه :
| موضوع: رد: خروشات عمر المصرى الثلاثاء 06 أبريل 2010, 11:04 am | |
| أخى العزيز علاء
يسعدنى ان اكون ضيفا فى منتداك .. بصحبة هذه الجوقة الطيبة | |
|
| |
Razane الحضور المميز
عدد المساهمات : 443 نقاط المساهمات : 587 الجنس : 25/02/2010 قائمه الاوسمه :
| موضوع: رد: خروشات عمر المصرى الأربعاء 07 أبريل 2010, 11:28 pm | |
| إلا قل لي يا عمر ..هو فيه حد مسلطك علينا ؟ و كمان بتحرض الرجال علينا؟ و احنا القوارير بتنعتنا بالمسامير؟
الله يسامحك يا عمر بس تعرف؟ هجومك على الستات في الجزء الأول من خروشتك كوم و فضيحتنا اللي بقيت بجلاجل كوووم تااااني
مؤسف جدا أن نؤول إلى هذه الحال و نصدم بمثل هذه الحقائق المرة و نحن من كنا رواد الحضارة و العلوم كلها , لقد أصبحنا عدما و لم يعد لنا وجود
نحن إمبراطورية الكلام الأجوف وفعلا كما قلت يا عمر صوتنا لا يعلو إلا على بعضنا البعض , و أس بلائنا هو عدم اعترافنا بالمرض و النقص و الوقوف على ثغراتنا
التي من الواجب علينا أن نعالجها فهي في تفاقم مستمر... آه يا عمر لقد وضعت يدك على الجرح أنا كده همرض فعلا بصراحة
أنت بنى ادم لئيم .. وعايز تعقدنى من العيشة واللى عايشينها ... الله يسامحك .. طول عمرك موش ساهل ... و دايما بتطلع ليا زى كلكيعة الضمير .. تقعد تنخز و توجع .. و
تفوقنى ... خلتنى اتكسف اوى من الهباب الكشف بتاعك ده
لكن تبقى خروشاتك دائما تبهرني بثوبها الجديد و طلعتها المميزة
فشكرا لك مع تحياتي القلبية
| |
|
| |
omar.almasry مشرف قسم خروشات
عدد المساهمات : 283 نقاط المساهمات : 422 الجنس : 23/02/2010 العمل/الترفيه : Export Manager قائمه الاوسمه :
| موضوع: رد: خروشات عمر المصرى الخميس 08 أبريل 2010, 11:12 am | |
| من عمر المصرى ... الى رزان الجزائرية .. هل تسمعنى؟ حول
احلى حاجة فى الدنيا لما نهاجم الستات .... لو فهمتى الهجوم ببساطة؟.... هتعرفى قد ايه احنا متنيليين على عيننا يا رجاله و منقدرشى نستغنى عنكم ... والعكس قد يكون صحيح ... متسالنيش ااقصد ايه بقوله العكس قد يكون صحيح ... المعنى فى لؤم الكاتب يا معلم
نتكلم جد بقى؟
صديقتى الطيبة المحترمة ... يسعدنى ان أنئبك بالاتى:
اولا : نحن قوم العرب ظاهرة صوتية فى الوقت الراهن
ثالثا : لابد أن يتفهم الجميع أننا بعيدون عن ركب الاقوام المتحضرة
سادسا: الكتابة نوع من التحرر ... حتى و إن كانت أحياناً مثل الحرث فى البحر .. مثل دون كيشوت .. لكنها تبقى متعة شخصية حتى و إن لم يقرأ لك احد
رابعا: الف سلامة عليكى من المرض ... لو كتابتى سوف تسبب لك المرض ؟ ..... أعدك اننى سوف اكتب كل يوم خروشة جديدة !!!!
ثانياً: سلامو عليكم .... ولا تسالينى عن خامساً ... لانى نسيتها | |
|
| |
nassima الاشراف العام
عدد المساهمات : 8258 نقاط المساهمات : 9505 الجنس : 09/02/2010 العمل/الترفيه : تسويق قائمه الاوسمه :
| موضوع: رد: خروشات عمر المصرى الخميس 08 أبريل 2010, 7:59 pm | |
| | |
|
| |
شفاء 9 وسام التواصل الدائم
عدد المساهمات : 168 نقاط المساهمات : 175 الجنس : 13/02/2010 قائمه الاوسمه :
| موضوع: رد: خروشات عمر المصرى الخميس 19 أغسطس 2010, 5:50 am | |
| مشاء الله عليك استاد عمر ان شاء الله ايزيدك من نعيم الله علئشان تكتب كل دقيقة الخروشة جديد | |
|
| |
| خروشات عمر المصرى | |
|