أنا مش آسف يا ريس.. جروب على فيس بوك يعارض المسيرة السوداء

كتبت- بسنت صلاح:

"إحنا آسفين يا صلاح" إفيه كوميدى يتداوله الشباب منذ عرض فيلم "كلمنى شكراً" للمخرج المعارض سياسياً "خالد يوسف"،
الإفيه استخدمه الشباب للسخرية من صفحة "أنا آسف يا ريس" والتي دعت الشباب
لمسيرة سلمية يوم الجمعة بالملابس السوداء "لرد الجميل"!!!اما "أنا
مش أسف يا ريس" هي الصفحة المضادة للأولى، ووصل عدد أعضائها ما يقرب من ال
60 ألف شخص حتى الآن، ورفعت شعار "فساد، سرقة، نهب.. آسف أنا مش آسف يا
ريس"، ولتوضيح سبب غضب الشباب الأكبر من مبارك قاموا برفع صورة الصفحة بها
صورته والى جانبه صور الشهداء الذين سقطوا جراء الاعتداء الأمني أيام
الثورة.مؤسس الصفحة شرح وجهة نظره وسبب تأسيسه للصفحة في حديث طويل
نلخص منه "كلامي اللي جاي لكل شخص بيقول.. انا اسف ياريس وارحموا عزيز قوم
ذل ورد الجميل للرئيس القائد، انا اسف ياريس لان عمري 24 سنة وقضيتهم في
سكوت وخوف وضعف واستستلام، وآسف انا اهلي قالولي من خاف سلم ونسيوا ياريس
ان الموت مش هيفرق من ضابط او من سكتة قلبية او بلفافة بانجو، اسف ياريس بس
مكنش ينفع ان اشوف بطل اكتوبر وهو بيدخلي اكل مسرطن وقتل من الشرطة وهواء
ملوث وسرقة اعضاء وتشريد و35% من اهل بلدي تحت خط الفقر ...ياريس مكنش ينفع
صدقني".ولم ينس بالطبع الشهيد "خالد سعيد"
والذى كان رحيله صفعة على وجه العديد من الشباب الغافل عنا يحدث ببعض
الأقسام فقال: "اسف ياريس اني مقدرتش اصدق رجالتك وهما بيقولوا ان خالد
سعيد بلع لفافة بانجو رغم اني معرفوش بس صوره وهو مشوهة خلتني افتكرت اني
درست في مدرستي بنظام تعليمك ان البانجو مش بيشوه الوش بس هو ممكن يشوه
المخ وينيمه 24 سنة ويسكته علي الظلم والعنف ده كله".وأضاف: "انا
اسف ياريس لان معيطيتش لما حضرتك القيت الخطاب اللي كان بعد جمعة الغضب
ومكلفتش خاطرك تعزي امهات الشهداء بكلمة، عيني مدمعتش ياريس بل الاكثر انها
مرمشتش، انا فاكر اني ساعتها عيني احمرت قوي وحسيت قد ايه انت لا تصلح ان
يطلق عليك انسان، انت رجل بلا انسانية".ثم قام بإهداء كل كلماته
السابقة لشهداء الثورة فقال "إهداء إلى: شهداء 25 يناير وكل شهداء الاهمال
والعنف التي تسبب فيها الريس (المخلوع والسابق) محمد حسني مبارك".المسئول
عن الصفحة لم يكن الوحيد الذى تحدث بمرارة عما عانته مصر طوال 30 عاماً
تقريباً وإنما شاركه الأعضاء ايضاً محمود عبدالقادر أحد هؤلاء على صفحة
"انا آسف يا ريس" فقال ""يعنى ايه كوكاكولا زيرو؟ يعنى رئيس دولة يقتل 365
من شعبه بالرصاص، و9 مليون بالكبد الوبائي، و8 مليون بالسكر، و يصيب اطفاله
بأعلى نسبة سرطان اطفال في العالم، و85000 حوادث طرق، و35 مليون جاهل، و30
مليون معدم، ويتسبب في انهيار اقتصادنا و يسرق و ينهب أكتر من 60 مليار
دولار، ونقول له احنا اسفين يا ريس".اما حسام المشد فعلق على مسيرة
رد الجميل فقال: "قبل ما أي حد يطلع مسيرة انا اسف يا ريس، يبص الأول في
عين أم شهيد ويقولها انه هيعمل كده، لو قدر يعمل كدا يشارك، تخيل انه اخوك
او حتي جارك، يا تري تتأسف لولدته ولا اللي قتله.. سبحان الله الاية بقت
معكوسة".
يُذكر أن الصفحة لم تكن الوحيدة وانما هناك العديد ممن يحملون نفس المعنى،
ولكن الصفحة التابعة لتلك التي نتحدث عنها باللغة الإنجليزية وتحمل نفس
الإسم ولكن بالإنجليزية.

شكرا سارة حبيبتى على خبر