مظاهرة ثالثة : ودي أهم مظاهرة .. وإلي هيأيدها هو الوحيد الكسبان..

بجد علشان نشوف مصالحنا وشغلنا
يعنى عاجبكم الرجاله الى قاعده فى البيت من غير شغل
ولا مصالح الناس الى اتعطلت
بجد حرام والله
لازم كلنا نقول
ارحمونا وسيبونا نعيش
الحال وقف والبلد خربت والناس مش لاقيه تاكل مفيش فلوس مفيش شغل مفيش اى حاجه
الناس فى رعب
المفروض ان الدراسه هتبدا كمان اسبوع
خلاص كفايه الاطفال هنسيبهم ينزلو المدارس فى الرعب ده والبلطجيه الى لسه فى الشوارع
ياشباب ميدان التحرير خلاص فهمنا انتو عايزين ايه خلاص روحو بقى متبقوش عاملين زى العيال الى بيشبطو فى اللعبه عايزنها حالا
الشعب يريد اخلاء الميدان
الشعب يريد الاحساس بالامان
الشعب يريد العوده للحياه

وانا معاكى واقوال كفايه كده ارحمو الناس خليها تعيش فى امان
وتسلمى حبيبتى على المشاركه الحلوه وتقبلى مرورى

تسلمي حبيبة البي وأشكرك على مرورك وبجد مرور غالي ياغالية

كفايا بقى حرام والله .. آدي خبر إلي إتجوزوا في الميدان .. يعني الناس مرعوبة وحزينة ومكسورة وهمة رايحين يتجوزوا .. كفايا بقى حرام .. كفايا رعب وضياع .. دول مش عوزين يعملوا الكلام إلي همة بيقولواه دول عاوزينها تخرب خالص .. كفايا بقى إلي ماتوا وكفايا بقى الغلا إلي إحنة فيه وكفايا تعطيل مدارس وجامعات وأشغال الناس .. قلتم رأيكم كفايا بقى .. دول عوزين يخلوها بلد فقيرة وضايعة على شان همة يرتاحوا من أشغالهم ومسؤولياتهم .. بنت طالعة في التليفزيون بتقول إنها عشرة أيام في الميدان : والنبي فين أبوها ولا أمها ؟ سايبينها بتبات في الشارع وفي الآخر يقولوا بنتنا راحت لو جرالها حاجة ؟ مش بردو الميدان ده شارع ولا إيه ؟ هو إحنا فين ؟ في حد يا ناس ينام وبنته في الشارع طول الليل ؟ وفي الآخر رايحين يتجوزوا .. ربنا يرحمنا بقى من إلي إحنا فيه ده والناس تهدا والعيال إلي فرحوا باللعبة دي وشبطوا فيها يسيبوها ويفكروا في عقلهم وكفاياهم جهل بقى ..

الشعب يريد اخلاء الميدان
الشعب يريد الاحساس بالامان
الشعب يريد العوده للحياه

وانا معاكى سحر الورد

وكفايه كده وقف حال الناس تعبت

تحياتى لكى
مــــــــــــرام

أشكرك أختي مرام .. إحنا فعلا تعبنا ونفسيتنا إتدمرت لحساب مين كل ده ؟ وفي الآخر بعد تعب أعصابنا نسمع إن في جواز .. أنا أعرف عرايس إتأجل فرحهم على شان الموضوع ده وقلوبهم إتكسرت على شان إلي في الميدان إلي بيجنوا علينا على شان يبقى اسمهم معطرضين .. يعني يكسروا قلوب ويهنوا نفسهم .. ربنا يرجع لهم عقولهم ويهدوا