اااااااااااااااااااااااااااااه يابلدى

فى حب مصر

بَحِبِّكْ يا مصرْ ..

وبعشقْ ترابكْ .

وألِفْ المداينْ ..

وأرْجعْ لبابِكْ .

وأحِسْ بكيانى ..

وكرامتى فْ رحابِكْ .

يقولوا فقيره ..

يقولوا أسيره ..

بشوفِكْ أميره ..

وأحبِّكْ يا مصرْ .

بحبِّكْ ملايه .. ومنديلْ بِقُويا .

مقالبْ من أختى .. وغتَاته مْنْ أخويا .

ودعوه مِنْ أمى .. تنسينى همِّى ..

وحِكْمَه مْنْ أبويا.

وأحبِّكْ صبيِّه .. على البحرْ جايَّه ..

فى ساعةْ عصَارى .

ونسمه قُبَالْها .. تطيَّرْ فى شالْها ..

تبَيِّنْ جمالها .. وتِرجعْ تدارى .

وأحبِّكْ مراكبْ .. تعدِّى إللِّى راكبْ ..

لبرْ الأمانْ .

يدوبْ جوَّا نيلكْ .. ويعطشْ يجيلكْ ..

يقوللِّكْ كمانْ .

وأقابلِكْ ببُوسه .. فى زفِّةْ عروسه ..

ولَمَّه فى بيتنا ..

مع ولادْ حارتْنا ..

تدُقْ المزاهرْ .. ترُدْ المزامرْ ..

تزَغْردْ جارتْنا .

نهلِّلْ .. نغنى ..

وحلمْ التمنِّى ..

ينورْ ليليتنا .

وأحبِّك زياره لبيتْ عمْ سيدْ ..

ده أصله فقير مِشْ حيقْدرْ يعَيِّدْ ..

نعَيِّدْ عليه .. نفرَّحْ عنِيهْ ..

ويدعيلْنا دعوه بمليونْ جنيه .

فى أرضِكْ يحِسْ الغريبْ إنُّه مصرى ..

وإحنا الأجانبْ .

ويلْقَى الرعايهْ .. ويلْقَى الحمايهْ ..

على كلْ جانبْ .

ويمشى ف ربوعِكْ .. ويشبعْ بجوعِكْ ..

ويعملْ مصايبْ .

ويرحلْ وينسى .. جِميلِكْ ويقْسَى ..

ويطْلَعْ يعايبْ .

ويرْجعْ تسامْحى .. يا ساكنه فْ ملامحى ..

يا سِتْ الحبايبْ .

ولادِكْ بَنُوكى .. بروحْهُمْ فَدُوكى ..

ويِشْهدْ عليهمْ ترابكْ فى سينا .

ومنهُمْ با عوكى .. عشانْ الشِيروكِى ..

وفيللَّا فْ مارينا .

يعيشوا فى خيرِكْ .. ويدُّوهْ لغيركْ ..

ولادْ اللَّذِينا .

ولوْ جارْ زمانْهمْ .. يعودُوا لْمكانهمْ ..

يلاقوا السَكينَهْ .

وتِنْسِى جحودْهمْ .. وتبكى عليهمْ ..

عنيكى الحزينهْ .

فى أرضكْ سرَحْتْ .. فشَلْتْ ونَجَحْتْ ..

وعشْتْ بْبساطَهْ .

صاحِبتْ الحمَامْ .. ونِمْتْ فْ سلامْ ..

ولوَْ عَ البلاطهْ .

تِغَيَّرْ فى شَكلى ..همومى ومشَاكْلى ..

لكِنْ روحى لأْ .

أعَبَّرْ بغنْوهْ .. وأقولْ نُكتهْ حلوهْ ..

لكِنْ يأسْ لأْ .

ما طيقْشْ الغَتاتهْ ..

وقلبى المسالمْ ما يعرفْ شّماتهْ ..

وأقولْ بالتلاتهْ ..

[ندعوك للتسجيل في المنتدى أو التعريف بنفسك لمعاينة هذه الصورة]بحبِّكْ .. بحبِّكْ .. بحبِّكْ .. يا مصرْ[ندعوك للتسجيل في المنتدى أو التعريف بنفسك لمعاينة هذه الصورة]

الله

واقولها بالتلاته

بحبك ، بحبك ، بحبك

يمصر

تسلمي علي الكلمات الروعه، احسنتي الاختيار

ودي

مشكووووووووره يا همس تسلم ايادي وربنا لا يحرمنا من وجودك

[ندعوك للتسجيل في المنتدى أو التعريف بنفسك لمعاينة هذه الصورة]

ايه فايدة وجودى وقلبى مجروح

ايه فايدة وجودى ودمعتى مامفارقة عينى

بلدى بتندبح

وكل جتة فى جسمها بتصرخ

وبتقول ااااه

ااااااااااااه يابلدى

ااااااااااااااااااااااااااااه يا همس على بلدنا .. ألف اااااااااااااااااااااااااااه .. وصفك العظيم لحقيقة مصر يحزن كل قلب على إلي بتمر بيه ده .. إمتى هترجع بقى زي ما كانت صبية فرحانة بأهلها ؟؟؟؟؟ مش كفايا تخريب بقى فيها .. بس أبشري وكل مصري لازم يتوقع إنها هترجع أجمل مما كانت عليه بأمر الله .. تسلمي يا همس وتسلم همساتك إلي بتطلع من القلب يا أجمل قلب .. دعواتك ودعوات كل مصري لمصر إن ربنا يحفظها من أعدائها إلي خربوها .. حسبنا الله ونعم الوكيل .. تقبلي مروري ياغالية

اخى الكريم
عاشق القمر

حبيبتى الغالية
نانسى

الغالية
سحر الورد

ياريت الحلم يتحقق
ياريت
احبتى اشكركم بجد
وسامحونى انى مش قادرة ارد
لانى وجعى سايق كل مافيا
ادعوا معايا ربنا ييسر الامور
وتعدى الازمة على خير

» تعيشي يابلدى يابلدى تعيشى،،،غناء المجموعة
» مصر ...مصر ..حبيبتى يابلدى
» حلوه يابلدى
» يابلدى خايف من الى جاى