ياخي طير لو تقدر تطير

ياخي طير لو تقدر تطير
منك العذر وعليّ المعذره=لاتحسب حساب هجر ولا هجير

كل ذنب بتذنبه باستغفره=واحد مايعذرك مافيه خير

دوّر بصدري وطن واستعمره=عندك من الظلع الاول للأخير

عيش فيني ودْمر اللي تدْمره=واعتذر لي واعتبر سرّك فبير

لاتبشرني بجرح وتذخره=لاتعشمني بفرح وتستخير

لاتنومني بليل وتسهره =ولاتنام الا وانا جفني سهير

خلني مثل النجوم مبعثره =عيش فيني لاشهيق ولا زفير

لاتقول العفو عند المقدره=خل قلبك صلب وحسابك عسير

المسامح والزعل للمبزره=والا انا لاني زعول ولا صغير

ودي ادري ليه للحزن اثمره =ودي اقطف من قساوتك العبير

ودي اجفل من فراقك واحذره =ودي اعرف لو زعلت وش يصير

لو تقدّر خاطري صدق أكسره=لو صحيح تحبني لاتستشير

ازرع بقلبي سبب يستنفره =اثبت انك غير وان الناس غير

شاعرك ماكل بنت تجرجره =حارت به عقول ناس ماتحير

النسا ماحركوا فيّه ولا شعره =ثار عشقي ومالقى شي يثير

لو سكت شفت الوقار (ف) منبره=وان تكلم زمهرير بزمهرير

مايحضر الا القلوب مجمهره=ومايغيب الا وعشاقه كثير

ان هجرته تستقر بمحجره =وان تبعت رضاه ماعينت خير

أعشقه لكن بعد ماتقهره=ابتسم له بس لاشفته كسير

حن .. لكن حن لاجبت اخبره=حبّ.. لكن خل حبك بالاخير

لوعطيته وجهك اعطاك ظهره =صد عنه ويتعبك مثل الضرير

لاتحاول تكسبه .. ماتخسره =صير ثلج يصير لك مثل

ماتميل الا الغصون المثمره =ومايسيل من الجروح الا الغزير

من قبل لاتنقهر منه أقهره=قبل لايستحقرك خلك حقير

أسكنه.. حرّك جموده .. بعثره =اعشق ..اكره .. عاتب .. اشره .. حن .. غير

انثره .. لملمه .. لملمه .. انثره =صد .. ياخي طير لو تقدر تطير

من متى وانا أتحرى لي مره =تثبت اني لاوقعت آآقع كبير

ابك انا مقطوع من غصن شجره=لاصديق .. ولارفيق .. ولاعشير

ابدوي(ن) وشيّب الصبر اشعره=ماعرف ريش النعام ولا الحرير

ان غفا كن السحاب يدثره=وان صحا يفرش من الرمضا حصير

ماخذ(ن) من قسوة البيد أكثره=ومن شموخ البدو شر مستطير

جنته صحراه والشوك أزهره=والسراب بنظرته مثل الغدير

ان فزع يا مشجعه يامظفره =من خلقه الله وهو قرم(ن) فقير

كان ماتقدره قل ما أقدره=صير غالي صدق والا لاتصير

الغلا اللي ماتزعزعه اهجره =دام قلبك لايجار ولا يجير

شوف لك رجل بليد استحقره=واجد اللي يعشقون بلا ضمير

بس انا لوجبت لي (100) مَـرَه=ماتحرك في شعره لو تطير

دوّر بصدري وطن واستعمره=عندك من الظلع الاول للأخير

عيش فيني ودْمر اللي تدْمره=واعتذر لي واعتبر سرّك (ل) بير

لاتبشرني بجرح وتذخره=لاتعشمني بفرح وتستخير

لاتنومني بليل وتسهره =ولاتنام الا وانا جفني سهير

خلني مثل النجوم مبعثره =عيش فيني لاشهيق ولا زفير

لاتقول العفو عند المقدره=خل قلبك صلب وحسابك عسير

بس انا لوجبت لي مية مَـرَه =ماتحرك فـــيّ شعره لو تطير

وأنا أشهد أنه ما تميل من الغصون إلا المثمره وأنا أشهد أنه ما يسيل من الجروح إلا الغزير

وسلامتكم

[ندعوك للتسجيل في المنتدى أو التعريف بنفسك لمعاينة هذه الصورة]

شكرا لك اخى على الموضوع

تحياتى لك
كنزه

شكرا الفيروزه
شكرا كنزه
اسعدا لله قلبكم وامتعه بالخير دوماً أسعدني كثيرا مروركم وتعطيرك هذه الصفحه
:33: :53:

» طيور لا تطير؟؟؟؟؟؟؟؟؟
» فسااااااااااااااااااااااااااااااااااااااااااااااتين للسهرة تطير العقل
» صوراغرب سمكة .. تطير عندما تشعر بالخوف
» تورتة الفواكه تطير العقل للاعياد كل عام و أنتم بخير
» رضا - تقدر تبعد عني