ادخلوا ومش هتندموا ... مستنياكم

مستنياكم

سحر الورد


السلام عليكم ورحمة الله وبركاته

يسعد أوقاتكم وأيامكم يا أجمل أسرة في الدنيا ....

النهاردا موضوعي أنا نفسي شيفاه غريب شوية بس حاسة إن دمه خفيف شوية ...

بجد نفسي كل واحد منكم يتكلم عن أكتر موقف محرج حصل لكم وفي نفس الوقت ضحككم بعد كدة ....

عموما أنا هكون أول واحدة تحكي:

بصوا يا غاليين : أنا عازفة في أروكسترا عالمية ، بس الأروكسترا ده للكفيفات ، طبعا عرفتم إني عضوة منه يعني كفيفة ، المهم : أنا نزلت أنا وصديقة ليا في ميترو
حلمية الزيتون على شان مستنية صديقة ثالثة جايا هنخدها معانا وإحنا رايحين البروفا بتاعتنا ..... أنا عمالة أتصل بيها بالتليفون وهي عمالة تقول إنها قريبة مننا
وهي على المحطة بس طبعا هههه هنعرف منين أنا وصحبتي ، ههههه ، المهم لقيت واحدة طالعة على السلم بتاع المحطة وقفتها : لو سمحتي يا آنسة ممكن بس لحظة ؟؟؟؟؟؟؟؟؟؟
طبعا ردت : نعم حضرتك عوزة أي مساعدة ؟؟ قلتلها : أنا بس عوزة أسأل حضرتك : هو في بنت في المحطة دي كفيفة واقفة ؟؟؟ قالتلي آه في ... طبعا أنا فرحت اوي إني لقيت
صاحبتي .. بس زي ما بيقولوا : يا فرحة ما تمت . هههههههه. سألتها : طيب هي فين ؟؟ تخيلوا عملت إيه!!!!!!!!!!!!!!!!!

واللهي ما كنتش أتخيل إلي حصل منها

هههههههههههههه

لقيتها مسكت إيد صاحبتي إلي معايا أصلا من الأول وكنت مأنجشاها ، مسكت إيدي اليمين وحطتها على إيد صاحبتي إلي أنا مسكاها بإيدي الشمال ..

هههههههههههه

وعينيكم ما تشوف إلا النور ، واللهي ما قدرت أمسك نفسي من كتر الضحك ..

وفي الآخر لقيت صاحبتي واقفة ورا السلم إلي أنا واقفة قدامه .

بجد موقف محرج وفظيع ، بس بجد لما بفتكره بموت من الضحك ...

يلا احكولي عن أكتر موقف ضحككم ، مستنياكم وما تطنشونيش ..........

هههههههههههههههههههههههههه
موقف جميل
التمست فيه
شخصية صاحبته وقوتها
صجقيتي
يا سحر الور ومثلما قال
الكاتب الكبير طه حسين ليس الاعمى هو اعمى البصر وانما هو اعمى البصيرة
وانا ما شاء الله التمست النور في بصيرتك
وما اجمل ان تكوني يا سحر الور د نورا لغيرك
وانا سعيدة انني تعرفت على انسانة مثلك بقوتك وصلابتك وايمانك ونور بصيرتك

بس انا عندي طلب واحد
يا ريت اسمع مقطع موسيقي من عزفك
امنية اخر السنة ويا ريت تحقيقها لي
وانا طماعة كمان
يله اتشطري واطلبي من الاستاذ علاء يعملك فيديوا لمقاطعك الموسيقية ونزليها بالمنتدى وانا حكون سعيدة بسماعها
كل عام وانتي بالف خير

اسمي يا سحر الورد ايه حصل معايا مره كنت رايح حفله لآحد أصحابي لبست وتأنقت ورشيت البارفان ومسحت النظاره وحطيتها على عيوني وشويه كمان انا لابس خالص رحت ادور على النظاره وفتلت البيت كله وانا ادور على النظاره وهي على عيوني وياربي انا تركتها فين والمهم وبعد جهد جهيد مليت ورحت نازل من البيت واشعلت سيكاره فدخل الدخان في عيني وهميت بفرك عيني وأذ بالنظاره على عيوني وهات ياضحك على حالي وهذا سببه الزهايمر



radwanall تحياتي للجميع

سلامتك من الظهايمر يا أستاذ رضوان ، هههههه ، بس موقف حلو ويحير ، الله يبارك في صحتك ،.. وميرسي يا بيس يا قمر على مرورك الجميل ده ، وبجد مش عارفة أشكرك إزاي ؟؟؟ بس سامحيني مش هقدر ألبيلك طلبك كله لسبب : أنا عضوة من ضمن أعضاء الأروكسترا وللأسف ما عنديش مقاطع عزف منفرد ليا لوحدي ، بس في حفلة كانت في اليونان بأمر الله هقول لأستاذ علاء ينزلها على المنتدى ..... بس فين موقفك بقى !!!!!!! يلا اكتبيلي أي موقف حصل معاكي ، على فكرة : أنا مستنياكي

إيه رحتم فين ............ مستنياكم يلا اكتبوا مواقفكم.......

اهلا و سهلا كيفك سحر الورد
كل عام وانتى بالف خير

الحمد لله تمام وبخير ، وحضرتك بألف صحة وسعادة يا أستاذ عطا وميرسي على مرورك

ميرسي يا أجمل قمر يا ننوس على مرورك بس كدة تضحكي عليا وتهربي من حكاية موقف حصل معاكِ بس ماااااااااااشي ، بيكفي مرورك