علي سلامة

موضوع: علي سلامة الأربعاء 22 ديسمبر 2010, 10:06 am

نبذه عن حياة الشاعر الجميل
علي سلامة
علي سلامة من مواليد 1960
في حي السيده زينب بالقاهرة
تخرج في كلية الهندسة
وعمل مهندس بترول
علي سلامة شاعر يجمع مابين البساطة والعمق
ودئمآ يحمل هموم الوطن
ويترجمها في اشعاره
تعرفت علي اشعار علي سلامة
من خلال الاخ والصديق عمر المصري
عندما كان يقولها في روماته
اشكر سيد الخروشات الاستاذ عمر علي انه اتحاح ليا الفرصة لمعرفة هذا الشاعر الرائع
علي سلامه
واليكم بعض من اشعاره

[ندعوك للتسجيل في المنتدى أو التعريف بنفسك لمعاينة هذه الصورة]

بمنتهي البراءة
سأليتني
بنتي نور
ف أربع خمس
أمور
مش ف كتاب القراءة
قالتلي بابا بابا
مش إنت .. يا بابا
بتكتب أغاني
وتقول أشعار
أنا سمعت
الشيخ يا بابا
بيقول إنك يا بابا
ها تروح النار
زي الوحشين يا بابا
الحراميين الكفار
قوللي يا بابا
يعني إيه إستعمار
يعني إيه نيل
يعني إيه هرم
ومين اللي حط
النسر فوق العلم
يعني إيه يا بابا
إستفتاء
و يعني إيه إنتخاب
ويعني إيه حر
ويعني إيه نصاب
يعني إيه إختلاس
ويعني إيه هجاص
ويعني إيه خصخصة
يعني إيه يا بابا
دستور
يعني إيه معارضة
ويعني إيه مظاهرة
وليه النهاردة
خدنا أجازة
م المدرسة
قوللي يا بابا
يعني إيه قهر
وفين
خط الفقر
ويعني إيه حظ
ويعني إيه زهر
يعني إيه يا بابا
حريه
يعني إيه إنسان
ويعني إيه سرطان
يعني إيه يا بابا
خربوها
وكنت فين لما خربوها
ومين دول يا بابا
ولاد القطقوطة
ومين دي
سمارة يا بابا
وإزاي يا بابا
ضاعت من قلبك
يا بابا
إنت معايا
فيه يا بابا ناس
بتقول كفايه
وفيه كمان عساكر
مسكين عصايا
وبنات متعورين
وتانين
ماشين بيضحكوا
هما دول إسرائلين
يا بابا
ويعني إيه
ويعني إيه
قولتلها
نور
ممكن أسألك سؤال
قالتلي
إتفضل يا بابا
قلتلها
هيه قناة سبيس تون
رقم كام
وخدتها
عشان تنام

شكرا اسيل الورد على الخاطره
كلنا قرائنا قصائد على سلامه
وما اجملها فعلا ومنتدانا به مجموعه
من قصائده نقلها بعض الاعضاء
بارك الله فيك
وشكرا على بطاقة التعريف بالشاعر
بانتظار الكثير منها
[ندعوك للتسجيل في المنتدى أو التعريف بنفسك لمعاينة هذه الصورة]

» الف سلامة لك
» الف سلامة لك حبيبى
» سلمى يا سلامة
» حـــالة كده.>>> على سلامة
» حمدا لله على سلامة حنان