معتقدات سورية

موضوع: معتقدات سورية الإثنين 15 مارس 2010, 1:55 am

معتقدات سورية

* اذا انكسرت كاسة بيقولوا: انكسر الشر
(تقولوا الشر مخلوق من الزجاج )

* اذا مر حدا فوق الطفل ما بقا يطول

( انو اذا طفل صغير متسطّح ما بصير حدا يمر من فوقوا ليشششش لان ما بعود بيطول الولد بيطلع قصير؟؟!!! و متل ما بقول المتل فشخة حية ولا فشخة بنية )

* قص الاظافر بالليل مو منيح
(لا تسألو ليش ما بعرف ولا حدا بيعرف بس مو منيح و خلص )

مراششة الميه فراق*

(ما بصير حدا يرش رفيقو بالمي لانو بعدين بيتفرقوا اي شو عم يرشه بزيت كاز !! )

* للي بيفوت على بيت جديد بيفوت معه عرق اخضر و مقص و مصحف و يدخل بالرجل اليمين (واللي بيعمل غير هيك بيتحول لسعدان !! )

* اذا اجت الكندرة فوق الكندرة يعني رايحين مشوار
(طيب واذا اجت تحتها يعني راجعين من المشوار ؟؟!!)

* اذا زحف الولد او زقزقت العصافير معناها جايينا ضيوف

(وبهيك حالة لازم توقفوا ورى الباب لانهم بكونوا طالعين عالدرج )

*اذا طنت ادنك اليمين حدا عم يحكي عنا بالمنيح و اذا طنت اليسار معناها حدا عم يجيب سيرتنا بالعاطل
(واذا طنوا مع بعض معناتها طرشت عليك العوض)

* اذا رفت عيني اليمين بيكون جاينا خبر منيح
*اذا رفت عيني الشمال بيكون جاينا خبر مو منيح
(اما اذا رفوا سوى فأنت اكيد احول )

· اذا حكني حاجبي معناها بدنا نستقبل حدا جاي من السفر

*إذا حكني كفي اليمين معناها بدي أقبض مصاري
*و إذا حكني كفي اليسار معناها بدي أدفع مصاري

(اما اذا حكك شي تاني بقى فأنت أكيد جربان روح تحمم )

* و ما بصير الحمام بالليل
(طبعا شي بديهي لأن اكيد المي بتكون مقطوعة )

*و ما بينفع كب المي بالبلوعة بالليل من غير التسمية بالله و الاستعاذة أولا

· (يالطيف مشان ما يأذونا ولا نأذيهن )

*واذا شفت مقص مفتوح لازم فورا تسكرو
( لانو المقص الفاتح تمو بيعمل خناق )

*وإذا عمل العصفور تحتو على الأواعي يعني جاييكون رزقة
(وما لازم تغسل ملابسك شي سنة مشان الرزقة )

*و دلق القهوة رزقة

(وكمان نفس الحكي خليها مدلوقة لا تمسحها )

*و اذا الولد الصغير كتير ابن الشهور عم يضحك لحالو بيقولو الملايكة بتكون عم تحاكيه
(بس ابصر شو بيكونوا عم يقولوا ؟؟؟!!! )

* كمان يلي حامل بصبي بتتباشع واذا حامل ببنت بتحلا
(طيب واذا كانت المخلوقة حامل بتوأم بنت وصبي ..شو بيصير فيها !!)

* وإذا الطفل قعد بالصينية وهي عالأرض بيرتعبوا لأنه هاد الولد رح يضيع

(ويمكن يتشرد هاد اذا ما طلع حرامي كمان )

* و كمان إذا حدا صبلك شاي او قهوة وملى الفنجان كتير بكون قلبوه مليان منك واذا صبها ناقصة هدا دليل على انو هالشخص ناقص

(يعني لازم الوحد يديرباله منيح وهو عم تصب القهوة والشاي..
منشان ما تزيد ولا تنقص شي ملي و ينفضح )

*واذا عندك ضيف اتقيل دم وبدك يروح من عندك على السريع شك دبووس او عدة دبابيس بأيد المقشة او اقرأ سورة الزلزلة
(بس اكيد في عالم اذا بتقرأ القرأن كله بيضلوا لزقة فلا تحاول )

*واذا خايف من عين اتصيبك جيب ورقة واكتب عليها اسم الشخص الي خايف من عينو وغزها بالدبوس وانت عم تقراء المعوذات وتقول من عين افلان و تنفخ...
(وفي حل تاني انك تروح تشيل عيونه وبلا وجعة هالراس )

*والي بيعدّ النجوم بيطلعلو تالولات بايدو
(بس اذا حسن يحصيهم ما بيطلع شي )

*وبعد ما نخلص صلاة نطوي السجادة مشان الشيطان ما يصلي عليها
(طيب خلّيه يصلّي بركدن يتوب ويصير يوسوسلنا بالخير )

lol!

هذي المعتقدات اعتقد انها عن كل العرب بس الناس الي للا اسف ماتعلمت ومن زمان معروفة الان خلاص اصبحت شي من الماضي مشكورة اختي تقبلي مروري[b]

على فكرة البعض منها زبط معاي عن تجربة شخصية
وهي زي ما قال المجنون عند العرب كلهم
يمكن مش كلها بس بعضها
هي تبقى معتقدات
مشكور لانك جمعتها
يله اتشطر واجمع معتقدات الامة العربية
مرسي

هده المعتقدات بنعرفها من يوم ماتولدنا واصبحت مثل تقاليد عندنا بس الجهل هو السبب مثل مايمر حدا من
فوق الطفل عشان ماراح يطول وغيرها وغيرها وهدا كلو جهل

شكرا لك اخي على الموضوع

رغم ان مثل هذه المعتقدات لم يعد معترف به في عالم العلوم و التيكنولوجيا الا اني مازلت اجدها طريفة و تعبر عن البراءة و دعيني اختي الكريمة اقول اني من عشاق بلاد الشام والاجمل مافي هذه المعتقدات التشابهاها لتكاد ان تكون مطابقة لمعتقدات في الجزائر و في المغرب الكبير عامة
مشكــــــــــــــــــــــــــــــــــــــــــورة اختي الجميلة

اه صح هده معتقدات موجودة عند العرب كلهم مش بس الشام يعني
شكرا على الموضوع
تحيـــــــــــــــات نســـــــــومة

موضوع: رد الإثنين 22 مارس 2010, 12:31 am

صح تقريبا هي كلها معتقدات متشابهة في العالم العربي

احيانا نجدها طريفة و احيانا نجد انها تدل على جهل كبير و خطير

لذا علينا ان نتفادى المعتقدات هاته خصوصا التي تدل على الطيرة لان الرسول صلى الله عليه و على اله وسلم نهى عنها

اشكر مروركن الكريم عزيزاتي

التطير مذموم في الاسلام و للاسف ما زالت هذه المعتقدات نراها ملازمة عند بعض الاشخاص رغم وعيهم الفكري الا انهم لم يستطيعوا تجاوزها لاعتقادات راسخة لديهم و ايضا لانها احيانا تتوافق و اهوائهم.
و كما قلت علينا ان نتفادى هذه المعتقدات الجاهلية و نسير على نهج تعاليم ديننا.

شكرا اخي بيولوجي على موضوعك الهادف.

تقبل مروري

.

» سورية؟؟؟؟؟؟؟؟؟؟؟؟؟؟
» ^ أخبار سورية
» ميثيولوجيا سورية ... فرررررفش معنا
» ثلوج في سورية
» سورية هي الحبيبة: